Ourinmal v Ourinmal [2008] VUICB 1; Civil Case 01 of 2007 (27 February 2008)

IN THE MALEKULA ISLAND COURT
OF THE REPUBLIC OF VANUATU
HELD AT LAKATORO/ MALEKULA
(Civil Jurisdiction)

Civil Case No. 1/07
Judg. No. 3/08

IN THE MATTER OF: DISPUTE OVA JIFLY TITLE

BETWEEN

CLEMENT OURINMAL
(Claimant)

AND

JOELLA OURINMAL
(Defendant)

Coram: Jastis Douglas Fatdal
Jastis Evelyn Seth
Jastis Pierre Kai

Clerk: Wendy W. Raptigh

JUDGMENT

Brief background blong case:

Tufala clemen ia antap tufala iblong Rano, hemia long North East part blong Malekula. Case ia ibin registered long Malekula Island Court long year 2007. Trial ibin tekem ples long 15^th January, 2008 mo decision i kamaot long 27^th February, 2008.

Issue:

Case bifo long Court ia hemi blong finemaot se, hu ia nao igat raet blong karem title blong paramount Jif between tufala claimant ia antap?

History blong case:

Case blong Plaintiff - Clement Ourinmal

Mi Clement Ourinmal, mi putum case ia ikam long Island Kot follem dispute wei stap bitwin mi mo smol brata blong mi Joella Ourinmal. Mi Clement Ourinmal, mi fes bon blong olfala papa blong mi we mitufala ikamaot long wan papa blong mi Obed Ourinmal. Joella emi smol brata blong mi we mitufala ikamaot long wan papa mo wan mama insaed long nasara Ameltra long nakamal Melnabou.

Mitufala igat wan history nomo mo wan family tri be tudei smol brata blong mi Joella Ourinmal iwantem tek ova long title raet blong mi Clement Ourinmal olsem fes bon blong Family mo sem taem Jif blong Joella Ourinmal.

Mi askem long Island Kot blong lukluk long case ia follem kastom mo culture blong yumi ol man Malekula.

Q. Hemi stret blong smol brata isave tek ova raet blong fes bon?

Mi bon long haos blong papa blong mi Obed long Noblep. Taem mi bon, bigfala brata blong Obed hemi Laurent hem nao iadoptem mi from hemi no gat pikinini.

- fes step long kastom we taem mi bon, papa blong mi Laurent hemi go talem long Kombe blong kilim tamtam blong talemaot se mi wan smol boy long nasara Ameltra.

- Namba five deis blong mi papa blong mi Laurent hemi mekem wan bigfala kaekae long mama we ilukaotem mi.

- Namba ten deis blong mi papa blong mi Laurent hemi mekem wan bigfala kakae blong talem tank yu, mo pemaot Marie Jeanne we hemi doctor blong mi. Long taem ia tu papa blong mi Laurent hemi pemaot mi long really papa blong mi Obed long wan big Liutsip.

- Papa blong mi Laurent hemi workem wan bigfala la fete bakegen blong mi we oli callem la fete ia Marvalval naten (kastom playplay).

- Papa blong mi Laurent imekem mi go long circumcise long Noblep. Long taem ia Uncle blong mi Malsleng mo Isaac tufala itekem mi long Potora blong go long Noblep blong circumcise. Mi nao mi openem blong go long circumcise imin se - Botbae. Namba tu we emi go emi Pascal Lapenmal.

- Taem we mi maret papa blong mi Laurent hemi ded finis. Papa blong mi Obed hemi stanap wetem mama blong mi Marie Bastiana taem hemi pemaot woman blong mi.

- Taem we mi pem bak mi igo long Wopo (netsel enak) papa blong mi Obed istanap wetem mi long kastom ceremony ia.

- Family tri blong tsioktsiok

Witness 1 - Ferno Ninimbal of Potko, Atchin M/Land.

Mi family blong Tomeken, mi wantem talem se Tomeken istap istap wok wetem papa blong mi long Epi. Tomeken imaretem wan woman Rano - Marsisil, (Lilalbuee). Tufala igat 2 pikinini long Epi, Sermen wetem Leimael.

Taem Leimael ino bon yet Tomeken ided long Atchin, Abu Marsisil itekem wan nara man S/W Bay. Long Epi man S/W Bay ided, afta olgeta long Epi oli kam long Malekula wetem Apu blong mi (Apu Waron) we pikinini blong hem Samuel. Olgeta nao oli lukaotem Sermen mo Leimael long ship.

Apu Warkon mo Samuel oli go mekem custom long Arnold long Atchin, kasem tedei olfala mo Apu oli ded finis mo mifala ineva harem se Clement iblong Tomeken.

Mi neva harem se mifala igat relationship wetem Clement, blong harem long saed blong maret, circumcise etc.

1990s nao mifala ijes stap harem se Clement ipikinini blong Tomeken.

Witness # 2 - Albeney Lapenmal, of Rano

Mi witnesim olfala Clement wetem Joella. Papa blong mi Pascal italem se hemi laef wetem tufala parti ia long Rano smol Island long Potora. Taem hemi smol kasem ibigwan nao hemi jes out long ol family Ourinmal.

Papa ineva harem se bae tufala iraorao wan dei. Papa iluk Obed, neva Obed bae igat question long Clement mo Joella blong talem se wan ino pikinini blong hem.

Papa istap taem Obed ipem woman blong Clement mo Joella. Long taem Clement ipem hem ikam long ol uncle be taem ia Obed istap mo istanap wetem em.

Case blong Defendant - Joella Ourinmal

Mi Joella Ourinmal we mi stap mekem statement ya blong respond long claim blong Clement we emi claim taetol raet blong Obed Urinmal. Follem dispute wei istap between Clement mo mi. Mitufala ibin Court long village Court tu taem finis mo mi bin winnim tugeta Court ia.

Fes decision hemi, hemi shud stap anda long Paramount Chief blong mitufala long Nakamal Melnabu, Chief Maltape, from Court ifaenemaot sei hemi no pikinini blong Obed Ourinmal.

Second Court Decision blong Court hemi ko olsem sei Clement imas stap anda long authourity blong Joella. Reason from sei Court ifaenemaot sei Clement ino stret pikinini blong Obed Ourinmal. Follem decision blong Rano Council of Chief oli givim 30 deis blong appeal iko long North East area council of chief. Sapos oli no glad long decision. Be oli fail blong appeal (chief Jackbel, Theirhule Kilecteir mo Rith Socken).

So follem castom mo culture blong North East Malekula taem yu spend or berem wan man eventhou emi no bladline blong yu, yu kat raet long evri property blong em. Be case blong mi dedei mi mi stret bladline mo mekem evri expenses long ded blong papa wetem help blong paramount Chief blong mi Maltape.

Hemi no tru sei Clement hemi fes bon blong Obed. From mama hemi maret wetem Tomeken blong Atchin. Tufala igat 2 pikinini, Sermer mo Leimael mo hem Clement wei stap yet long bel blong mama.

So taem tufala istap long Epi, tufala imekem decision blong Tomeken bae ikam fes taem long Atchin blong mekem haos blong tufala. So taem mama ikam behaen hemi karem wetem hem tufala bigwan Sermer mo Lemail mo clement wei stap yet long bel blong hem.

Mama ikam long Epi wetem olfala Deni long Rano mo Maltaos blong Atchin long ship Lolita. So taem ship Lolita ikasem Rano, mama ikam daon long Rano, ino mo ko long Atchin. Hemi kam daon long pasis wron mo hemi ko bak long ol famili blong hem Lapenmal long nasara blong Wopo attan. So taem olfala Maltaos iko bak long Atchin hemi talem long Tomeken se mifala ikam bak nao mama olgeta oli go daon long Rano. So long wan Sunday Tomeken ikarem wan bigfala canoe blong karem mama wetem ol pikinini blong hem. So Tomeken iaskem mama blong olgeta blong ko bak long Atchin, mama ino wantem so Tomeken italem long mama sei be olsem wanem long ol pikinini blong mi mo hemia long bel blong yu. Mama italem long Tomeken sei yu ko bak sapos ibon bae bae mifala ijes kam biaen nomo long Atchin. So Tomeken iko bak long Atchin, ino long taem hemi sik mo ded. So taem Tomeken ided ino long taem Clement ibon long Wopo attan. So mama inomo karem olgeta pikinini blong hem blong go bak long Atchin olsem wei italem long Tomeken.

Clement ibon long haos blong Malsling Lapenmal nasara blong wopo attan. So hemi no pikinini blong Obed.

Hemi stret blong mi tekem raet blong Obed Ourinmal from we mi stret pikinini blong hem. Follem ded blong papa Clement hemi no ever spendem 10 vatu long taem ia. Evri expenses long ded mi wan mi mekem mo mi berem papa blong mi Obed. Mi sendem Sethtack Maltape 3 taem mo oli refuse mo ko sellout copra long bush. Stret dei wei papa ided long hem.

Mo taem papa ilaef yet Clement imekem i pem bak evri kaekae we istap givim long hem long ol evri dei.

Hemi no tru se Kombe ikilim tamtam taem Clement ibon from Kombe hemi blong Ameltra be ino blong Wopo atan. Hemi impossible follem castom blong wan man blong different nasara ikilim tamtam blong wan pikinini wei bon long nasara blong hem. Kombe hemi blong nakamal Petewin be ino blong Melnambu. So hemi no gat raet blong kilim tamtam.

Hemi no tru se Laurent iadoptem Clement. Laurent iadoptem Lias nomo mo pem out Lias long two pigs wetem haos mo graon. Marie Bastiana we hemi wife blong Laurent nomo hemi lukaotem Clement. Marie Bastiana hemi bigfala sister blong mama mo hemi lukautem Clement from Obed hemi no wantem lukaotem hem. From hemi pikinini blong Tomeken wei hemi man Atchin. Mo hemi ded fes taem afta Clement ijes bon.

Hemi no tru sei Laurent hemi mekem kaekae long hem long 5 deis mo 10 deis from taem ia mama hemi no kam wetem long Ameltra yet. So mama istap long Wopo attan sam ples long 6 or 6 manis olsem. Afta we igat arrangement blong mama bae ikam bak long papa blong mi. So mi min sei 5 mo 10 deis ia mama istap yet long Nasara blong Wopo attan. Follem kastom blong North East Malekula boe imas ko long circumcise. From reason ia nao Laurent imas mekem Clement iko long circumcise mo hemi duty blong ol uncle blong oli go wetem olgeta.

Reason why Obed hemi stand up wetem Clement long taem blong maret mo taem wei Clement ipem bak hemi go long uncle hemi from se Clement igru up long nasara Ameltra, mo hem wan long olgeta trifala pikinini wei mama karem fes taem.

Famili tree iwrong long sam nems. Reason why hemi wrong long family tree ifrom whu ya bae itokbaot histry long hem. Family tree blong mi i wan nomo wetem Maltape we hemi Jif blong mi mo mitufala isave gud long famili tree blong mitufala long nakamal Melnabu nasara Ameltra.

1^st Witness - Grassiere Seth Setrack of Rano (nasara Ameldra)

Mi mi paramount Jif blong tufala, Clement mo Joella. Fes bon hemi putum mi Malotank, second bon hemi putum tufala, Maltegru. Raet blong Meltegru nao tufala istap faet from.

Ol apu, Seth, Clement mo Joella mifala nao istret line blong Jif mo mifala igat ol equal share finis we mifala ilaef long hem istap tedei, mo follem rao se Clement ipikinini blong Obed or no gat hemi issue blong nakamal. Oltaem tufala nomo istap rao from Jifly title blo mifala istap quite.

Obed, pikinini blong hem stret hemi Joella. Clement mama ibonem hem aotsaed finis nao hemi jes kam insaed long Nasara mo stap wetem Obed.

2^nd Witness - Emile Lapenmal of Rano

Olfala Clement ibon long Wopoatan (nasara blong mi). Olfala blong mi iputum nem long hem Marcel, olfala blong mi nem blong hem Malselin, oli stap gogo Masisil iout igo long Obed (Ameldra). Masisil iout igo ibonem Leman, Joella mo Leias mo wan ided.

Papa blong Clement, Tomeken.

3^rd Witness - George Kelep of Rano

Mi witness se mama blong mi hemi las bon long tufala uncle ia, Clement mo Joella. Mummy blong mi ilukaotem pupu man - Obed mo pupu woman - Marsilsil kasem tufala ided.

Uncle Clement ibon long nasara wopatan, hemi wokbaot finis nao oli jes tekem hem wetem mama blong hemi oli kam long Ameldra.

4^th Witness - Jean Louis Kombe of Rano.

Long wan taem, long wan Sunday long Melsingo wan rao ibin tekem ples between Tomeken mo Marsisil.

Tomeken irao wetem Marsisil from se Marsisil ise bae Tomeken ikam long Atchin mo mekem haos mo bae Marsisil wetem ol pikinini ikam behaen. Long taem ia Marsisil ino wantem go bak long Atchin, nao Tomeken ise yu lukaotem pikinini ia long bel blong yu spos hemi gel bae hemi blong yu be spos hemi boy bae ikam bak ikam bak long mi - afta taem pikinini ibon hemi Clement - wan boy.

5^th Witness - David Ourinmal of Rano

Mi witnissim se Jean Paulo hemi brata blong Desire wetem William wetem Jif Rolland, Kombe, Paul Patunvanu. Mifala nao Jean Paulo ikarem mifala.

Jean Paulo hemi fes bon blong Clement mo hem nao ikarem mifala igo long Atchin blong lukaotem history blong Clement. Mifala igo long Juie Manwo wetem Peterson Manwo from tufala istret nephew blong Tomitil.

Tomitil italem stret se Clement ipikinini blong hem, graon blong Clement nao Berlo istap long hem.

Ol findings blong case:

Case ia hemi difficult, especially blong connectem relationship blong Clement Ourinmal wetem Joella Ourinmal whether tufala ireal cousins or no gat. Tufala witnesses blong Clement tufala ino even supportem hem or tufala ino even save gud aboat history blong Clement tu. For instant taem Court iaskem long Ferno Ninimbal se "yu save se Clement ipikinini blong whu?" hemi ansa se hemi no save. Court ieven askem long Albeney Lapenmal se "tufala ia Clement mo Joella tufala irelated? Hemi ansa se - Yes, wan papa, wan mama mo oli blong Ameldra" then Court ifurther askem se spos oli related then whu ia long tufala ifes bon, witness ansa blong hem se "mi no save".

However, Court itekem into consideration toktok blong fes witness blong Joella - Mr Grassiere Seth Setrack. Rison from ino gat eni long tufala claimant italem se Mr. Grassiere hemi no paramount Jif blong olgeta. Tufala tugeta iagri se Mr. Grassiere hemi paramount Jif. Ino hemia nomo but famili tree blong tugeta claimant isoem se yes itru.

Mr. Grassiere hemi the only existing blad nao ia we hemi entitle long title ya blong paramount Jif from se hemi kam out long line blong fes bon blong family. Since tugeta claimant ino disputem rank or title blong Grassiere, Court itekem se this Mr. Grassiere hemi wan reliable witness and from se hemi kamaot long line blong fes bon, ol toktok blong hem Court itekem into seriously. Wan main point we hemi talem nao se "...Obed, pikinini blong hem stret hemi Joella. Clement, mama ibonem hem out saed finis nao hemi jes kam insaed long nasara mo stap wetem Obed..."

Nara question raise hemi "taem oli pem woman wei gat bel finis outsaed ikam insaed long nasara, hemi gat raet long taetol blong Jif? Answer - "no, hemi kam in olsem adoption, bladline fes taem afta ijes adoption".