Chilia v Nikara [2011] VUIC 6; [2011] VUICB 6; Land Case 03 of 1993 (28 June 2011)

IN THE EFATE ISLAND COURT
IN THE REPUBLIC OF VANUATU.

Land Case No.3 of 1993

BETWEEN:

MAHIT CHILIA representative of
NAREWO KALTOLU LULU
Original Claimant

AND:

PIERRE NIKARA Representative of the NIKARA
FAMILY
Counter-Claimant No.1

NAKMAU SAMBO representative of
LAKELO TAUA MANAWORA FAMILY
Counter-Claimant No.2

TERRY SAEL URITALO Representative of the
MASAII FAMILY
Counter-Claimant No.3

SIMEON POILAPA representative of
FAMILY MARIKI LANGANI VATE LAPA
Counter-Claimant No. 4

KALCHIRAU LUA THESA ANATU
Representative of THESA ANATU FAMILY
Counter-Claimant No.5

FAMILY LAKELOPOI
Counter-Claimant No.6

Senior Magistrate Nesbeth Wilson — Presiding Magistrate

Justices: Chief Sam Marpakoa (North Efate)
Chief Joshua Harry (Eton)
Chief Eddie Karris (Eton)

Clerk: Jona Mesau

NEM BLONG LAND CLAIM: MALAWORA LAND

Bifor kot isitaon blong harem kes ibin kat short conference wetem ol parties long kes. Long taem ia kot iaskem ol parties sipos oli kat any objection long composition blong kot be everywan ihapi blong ol justice mo presiding Magistrate ia oli save sit daon long kes ia.

Ibin kat wan application ikam long kot long counter-claimant no.3 blong askem wan order blong stopem ol parties or any person we oli stap receivim ol proceeds (money) long ol development insaed long land ia Malawora. Mo tu ikat nara issue hemi blong stopem ol development in saed long land ia.

Kot imekem order olsem: -

"Hemia hemi wan application we George Sokomanu representative of Family Masaii hemi mekem blong restrainem every party blong no mas receivim any proceeds long any piece of land insaed long Malawora land kasem taem kot imekem decision long custom owner. After long hemia Simeon Poilapa hemi askem kot to blong restrainem ol man blong no mekem development long land ia Malawora.

Hemia olgeta graons blong applications blong hem we every party ibiliv se Family Nikara oli stap receivim money long sam individual's long sam piece land insaed long Malawora land. Mo long saed blong development long land Mr Poilapa italem se although kes istap be ol man oli stap ko insaed oli stap wok.

After kot iharem every party long issues ia kot imkem ol orders olsem: -

1. Se bambae ino kat eny development long any piece land insaed long Malawora land kasem taem kot hemi mekem decision blong hem;

2. Se bambae ino kat any parties long kes ia or any nara persons ireceivim any money long any person or kampany long saed long any piece land insaed long Malawora land kasem taem kot hemi mekem decision blong hem;

3. Se every money we any person or any kampany istap pem iko long Trust account blong family Nikara (Teoma Ville Holdings) bae istat long date blong orders ia oli mast go long ANZ Bank mo pem igo long Chief Registrar's Trust Account.

4. Taem ol person ia we oli stap pem money ia long account imas talem long bank se money ia iblong Malawora land so that bae ikam aot long statement of account blong Supreme Court Trust Account.

Dated long Port Vila long 28 day blong June 2010".

Family Thesa Anatu oli mekem wan application ikam long kot mo askem sipos oli save kam olsem wan party tu long kes ia. After kot iharem imekem order olsem: -

"Hemia hemi wan application we Kalchirau Lua Thesa Anatu hemi mekem blong Family Thesa Anatu ikam joint olsem wan party long kes ia.

Hemia olgeta graons blong application blong hem: -

1. Family Thesa Anatu iwantem protectem ol raets mo interest blong em long sam piece areas we itap insaed long Malawora land.

2. Family Thesa Anatu ibilive se under long Island Court Act, oli kat raet yet blong joint olsem party long proceedings ia;

3. Family Thesa Anatu ino bin ave joint long fes proceedings blong Malawoa land long Island Court from oli no kat money;

4. Constitution ikivim tu raet under long Chapter 12 se every kraon long Republic blong Vanuatu emi blong indigenous custom onas mo ol descendants blong olgeta. Therefore ol descendants blong Thesa Anatu oli wandem exercisem raets blong olgeta blong pruvum se olgeta tu oli kat sam raets under long custom long Malawora land.

After hemi mekem application blong hem ol nara party oli bin object long application blong hem mo oli talem se hemi bin long taem tumas before hemi wantem kam olsem party mo oli talem se hemi no shud joint olsem wan party. Counter-Claimant No.3 hemi bin talem se ibin kat wan president blong hem finis we istap. Long samtaems long 1993 we wan man ibin wantem kam party long kes olsem be kot is se hemi nosave kam olsem party.

After kot iharem everywan hemi faenem se basis blong appliation blong Kalchirau Lau Thesa Anatu hemi stap long Order 6 rule 8 we hemi save kam olsem wan party long kes olsem. Long rule ia hemis kot clerk hemi mas advertisem date blong hearing mo givin 30 days long any man we oli kat interest long land in question blong oli save joint olsem Plaintiff or Defendants long kes. Clerk hemi no bin advertisem notice blong hearing mekem se Kot hemi no save refusem application ia. Mo tu ikat kes we court ifinis mo wokabaot long bush istat finis be wan family ibin mekem application blong kam olsem wan party mo kot ibin acceptem hem.

Therefore ikat basis blong application mo ikat practical basis tu itap mekem se kot iacceptem application mo mekem order se Family Thesa Anatu bae hemi kam olsem wan party long kes ia. Hemi kam Counter Claimant No.5. Kalchirau Lau Thesa Anatu Representative of Thesa Anatu Family.

Court ifurther order olsem:-

Family Thesa Anatu mo Family Pierre Nikara ikat today kasem Monday 28 June 2010 blong submitim every documents blong olgeta long Island Kot office. Ol documents olsem:-

- History together wetem family tree

- Witness Statements

- Skirtch Map mo

- Any nara documents we oli think se bae ihelpen kes blong olgeta.

Dated long Port Vila long 27 day blong June 2010".

Kastom blong usim blong harem land kes ia

Kot ibin lukluk long kastom we bae kot ifolem long kes ia. Kastom we olgeta patis oli kat mo oli agri blong folem hemi man or bladlaen (patrilaenal) be ino woman or naflak (Matrilaenal) blong claimem kastom ownaship blong land ia. Mo storian we bae ol parties oli talem long kot blong pruvum se who nao iraet kastom owna blong land ia bae i kam aot nomo long kastom blong yumi long Efate.

Komposision blong Kot

Long Amendment Act No.35 blong 1989, Parliament i bin pasem se anda long seksen 2 blong Aelan Kot Act, CAP 167, taem we Aelan Kot isitaon blong harem dispiut long land bae wan Magistret i mas sitaon wetem trifala Aelan Kot Jastisis. Anda long seksen 2(a) blong Act ia, wan Magistret olsem bae ino save sitaon sapos Jif Jastis ino kivim authoriti long hem. Folem hemia Kot i wandem talem long ol patis se olgeta we oli deal wetem kes blong Malawora Land oli qualifae evri wan.

Brief history blong kes ia:

Samtaem long 1993 Family Narewo Kaltolulu oli filem land case mo pem fees blong olgeta long kot long saed blong land ia Malawora we hemi situated long Mele. Island Kot Clerk hemi publishim notice blong land ia long wan manis according long law blong Island Kot Act CAP 167 long Order 6 Rule 8 mo 9. Family Nikara, Family Lakelo Taua Manawora, Family Masai mo Family Mariki Langani Vate Lapa, oli aware long land claim ia oli counter claimem land ia mo oli faelem kes blong olgeta mo pem fees.

Bifo kot iharem substance blong case kot ibin explain gud long ol patis se land case hemi important long laef blong wanwan man we iting se ikat raet blong onem land ia mekem se ol patis oli mas andastand se hemi impotent se ol patis oli mas helpem kot blong kot ihelpem olgeta. Long Namba 17 January 2006 kot isidaon blong harem sabstance blong land kes ia. After family Thesa Anatu ijoint olsem new party nao ikat parties mo kot ikohed mo harem kes.

After kot ikivim oda blong stopem ol parti blong no collectem money Family Nikara ideside blong no kam long substantive kes. Inokat wan long ol family Nikara ikam long kot blong talem long kot se oli withdraw long kot so kot iko ahed blong harem kes be kot ino widraw family Nikara. Family Nikara istil stap olsem wan parti blong kes.

History blong land we Representative blong Family Sopuso ipresentem:

Long presentation blong family Sopuso oli talem se Sopuso mo brata blong hem Tastuki mo olfala woman blong jif Sopuso nem blong hem Leivoasa Leinaika we oli aot long nasara blong Farea Safalapa. Risen we oli aot long Farea Safalapa from soa hemi stap long leg blong olfala woman.

Taem oli stap long Nasara blong olgeta ol soa blong olfala woman oli soa tumas mekem se hemi talem long olfala man blong hem, Jif Sopuso mo brata blong hem Tastuki se oli mas aot mo faenem wan ples we oli save stap kolosap long wan bigfala river mo emi save stap wasem soa blong hem. Long wokabaot blong soa blong olfala woman ia oli go down kasem end blong Creek Sairagi mo oli ko tru long wan cave we emi stap long end blong creek ia we nem blong hem Teba Tepo, oli go through long hem mo kam aot long La Cole River we nem blong em Tesonno River. Oli wasem leg blong olfala woman ia be istil soa. After olfala woman ia italem long tufala se bae oli muv folem saed blong river iko daon slow slow kasem long Savarewo. Oli wasem leg blong olfala woman ia long La Cole River we hemi Tesono be after olfala woman hemi talem long man blong hem Jif Subuso se yutufala itekem mi iko back antap long River Tepukoa ples we oli stap antap long Nasara mo wasem leg long hem. Tufala olfala itekem aot olfala woman ia oli aot long La Cole River oli folem creek we oli kolem Tebainiwe emi olsem wan point iko kamaot stret long river, oli ko kasem Green Taon after oli ko kasem antap long Tepukoa river, ples we oli bin stap wasem leg blong olfala woman ia long hem. After long hemia oli folem wan creek we istap long foret blong olgeta oli kam stap long hem mo oli folem ikam daon. Creek ia oli kolem Laketalie Poro. Oli folem ikam daon kasem Lakelaitangi. Creek ia iron ikam daon long Malawora mo emi joen wetem Tepukoa river, we olfala woman istap wasem soa blong hem long hem be emi long saed antap. Then oli folem river ikam daon kasem daon long solwora we nem blong hem emi Sasubalau. Taem oli stap daon jif Sopuso wetem brata blong hem imekem wan Farea long saed creek blong Laketaitangi mo oli stap long hem. Jif Sopuso iko back antap long rod mo iko muvum aot ol pipol blong hem ikam liv long Farea we imekem taon. Farea ia nem blong hem Farea Leipilo. Oli stap for sam year ipas after oli bonem Farea Leipilo.

Sobuso wetem brata blong hem Tastuki mo ol pipol blong hem oli katem sam white wood mo mekem kenu mo oli bul iko long Sonnago Point mo oli pul iko across iko daon long smol island Imere Tenuku we oli kolem nao Hide Away mo oli kam shore long Falekapau ma jif Sobuso wetem woman blong hem Leivoasa Leinaika mo brata blong hem Tastuki oli wokem wan bigfala haus blong olgeta mo oli singaotem haus ya Safalapa we hemi nem blong bigfala nasara blong olgeta antap long Savarewo insaed long Sonno Area.

Oli stap long smol island Imere Tenuku kasem tufala ikat 4 pikinini, wan boy mo 3 girl. Family ia italem se jif Sobuso ilukaotem smol island Imere Tenuku kasem Christianity ikam through long Vanuatu. Jif Sobuso ino letem ol missionary ia blong kam long smol island fastaem be after hemi letem olgeta ikam. After jif Sobuso ided ol pipol blong hem oli stap tokabaot se who bae itekem ples blong hem. Long taem ia Masikoto hemi tes kam back long T.T.I. so wetem help blong ol missionary oli putum Masiko hemi kam namba 2 jif blong Imere Tenuku.

Taem Sobuso ided brata blong hem Tastuki hemi maretem woman blong hem mo tufala ikat 2 pikinini. Ol pikinini blong tufala wetem ol pikinini blong Laivoasa Leinaika mo Sopuso oli maret everywan mo oli kat ol pikinini. Oli berem jif Sobuso, Tastuki mo woman blong tufala tu long smol island.

Hemia storean blong family Sobuso long saed blong muvment blong olgeta. Long saed blong ol nasara oli talem se ikat Farea Safalapa we oli wallem wetem stone. Oli talem se insaed long nasara ikat ol tree oli stap long hem ikat stampa blong Ork tree we bifo ol olfala oli usum tree ya ol strong branch blong hem blong faet blong olgeta. Ikat stamba blong red burau we before oli usum blong taem oli kilim ded wan man oli usum rob blong hem blong fasem ded body ya mo ol leave blong hem oli usum blong wapem aot blood blong ded man ya. Ikat stamba blong red navele, sam stampa blong namabe mo wan bigfala stampa blong natapoa. Ol tree ia oli usum ol fruit blong olgeta blong kaekae. Mo tu insaed long nasara ia ikat sam stampa blong nambanga oli stap long hem. Ol bigfala nambanga ia oli usum blong meeting mo ples blong kaekae blong olgeta. Nasara ia istap long saed blong wan creek iko long La Cole river. Ikat two grave istap insaed long nasara ia mo ikat wan eye blong wota istap kamaot insaed long hem mo ples ia nao oli stap usum blong tekem wota blong olgeta long hem blong drink mo folem creek iko daon smol long end blong creek ikat wan cave emi stap long hem bakeken. Cave ia nao oli usum blong ko daon long La Cole River. Insaed long creek ia we nasara istap long saed long hem ikat two cave istap long hem. Wan istap nomo long nasara mo ikat wan eye blong wota istap kamaot insaed long hem mo ples ia nao oli stap usum blong tekem wota blong olgeta long hem blong drink.

Nem blong creek we istap long saed blong nasara emi Sairangi nem blong fes cave we eye blong wota istap insaed long hem. Emi Farearusa we emi min se wota we ikam aot moiko lus bakeken mo nem blong cave we istap long end blong creek emi Tebatebo, we emi min se cave we emi dark we idark.

Family Subuso ibin callem 3 witnesses. First witness Mrs Leipakom Chilia. Witness ia isupose blong givem evidence long saed blong movement blong family subuso mo boundary. Witness ia iconfirm se hemi witness blong family subuso mo family ia ibin muv from soa blong olfala woman blong jif Subuso. Most long olgeta cross-examination questions witness hemi se ino save and fulap taem hemi askem back ol questions ia. Mekem se court ino save rely tumas long ol evidence blong hem. Namba two witness hemi Kaltchichi Novi Natokora. Witness ia hemi blong givem evidence long saed blong family tree. Taem blong cross examinations ol spokes man oli askem questions concerning withness ia nomo mekem se hemi no tok about full family tree blong family Subuso. Witness No. 3 hemi Mr Daniel Lamurre. Witness is italk about Sale of land long Malawora, Long evidence blong hem hemi talem se taem ol waet man oli kam oli askem Sibuso we ol waet man ia oli colem hem Alorgali Capenter Thomas Long. Hemi talem tu se hemi pem graon long area blong Malawora from se uncle blong hem iletem long hem mo talem se iko stap long hem from hemi a iples blong olgeta.

After threefala witness ia oli givim evidence spokes man iko long witness box mo ol nara parties oli cross-exminanem hem tu.

History blong land we Representative blong Family Nikara ipresentem:

Long beginning long kes ibin kat wan conference fastaem mo long taem ia ibin kat sam application and wan long ol application ia we ol nara parties oli askem blong kot istopem ol paties or any man ikarem mane long saed long ol development insaed long land ia Malawora, mo blong stopem particularly family Nikara blong no collectem mane long ol development long land ia. Kot ibin grantem application ia mo mekem direction se bae any mane we ikam aot long ol development we istap insaed long land ia bae oli ko insaid long Chief Registrar's Trust Account long ANZ Bank. After long order ia family Nikara inomo kam long kot be hemi ko long Supreme Court. Kot ibin livim iopen long Family Nikara blong kam back long kot any time because oli no bin askem blong withdraw formally olsem wan party long kes.

Kot ikohed blong harem kes. After we kot iharem every party Family Nikara ikam back mo askem blong hemi mekem kes blong hem. Kot Iialaoem family Nikara blong mekem kes blong hem.

Family ia imekem application blong crss-examinanem olgeta witnesses blong ol nara parties. After kot iharem response blong ol nara parties imekem decision se applicaton ifail. Kot ino aceptem application blong hem mo iexplain long hem se hemi lusum sam rights blong hem olsem bae hemi no save question olget witnesses blong ol nara parties because hemi choose blong no attendem kot taem olgeta oli mekem kes blong olgeta. Be ol nara party oli save questionem olgeta witnesses blong hem. So hem gohed blong mekem kes blong hem.

Family Nikara hemi no providem full history blong hem be presentesen blong Nikara isoem se hemi desendant blong jif Kalolivaky we emi out long boundry blong Hama emi medel long North Efate Tanoliu mo West Efate. Hemi jif mo emi muv wetem people blong hem long ol different settlements ko kasem Imere Tenuku. Long presentation blong hem hemi talem se hemi kam long kot blong defendem land blong hem we hem Savarewo. Hemi talem se land ia ino Malawora be hemi Savarewo. Hemi talem se hemi bin party long kes blong Marobe from se hemi defendem land blong hem we hemi Savarewo, mo long taem ia kot ibin mekem order mo givem sam pis lan long family Nikara long area blong Malawora land. Hemi bin callem one witness be witness blong hem italem se hemi kam blong kot blong talem se land hemi no Malawora be Savarewo. Kot ino save rely long evidence blong hem tumas from hemi talk abaot Savarewo we hemi nara nem other than hernia we kot isidaon from we hemi Malawora. Hemia hemi second hearing blong kes ia and sipos kot ino understandem from sipos issue blong nem blong land ikam aot long fes hearing oli shud sortem aot finis. After witness ia Spokes man iko long witness box mo hem tu italk about Savarewo mo argue se land hemi no Malawora. Kot iaskem hem wan question olsem "yu kam long kot from land ia Malawora from yu luk oli advertasem mo yu kam." Be hemi talem se no hemi kam long kot blong defendem Savarewo. After long kot Spokesman ibin folem wokabaot long fes day be hemi no kam long second day we hemi sapos blong shoem kot area we hemi klemem. Mekem se kot hemi kat daot se hemi ownem wanem lan mo wea.

History blong land we Representative blong Family Lakelotaua ipresentem:

Family Lakelotaua oli talem se Jif Lakelotaua Manawora wetem pipol blong hem oli stap antap long vilij we oli colem Vanuatapu mo kam daon long eria blong Malafutuna we ikat wan nasara mo vilij we pupu blong em istap long hem. Nem blong vilij ia hemi Malakiuta mo oli muv ikam daon long ol four nasara mo vilij we ol stap long hem long Malakiuta eria. Nem blong olgeta Pilake, Fakejyry, Kalipo mo Chibunu. Oli talem se oli muv ikam daon long wan cave, afta long cave oli muv iko stap long Nakamal Malatuki mo kref istap long eria long Malakiuta, afta oli muv aot long nakamal Malatuki mo oli kam daon long Tabesu, Lakura, Warafete, Sawarewo, Laketeoaini, Mat-neiriki, Ione, Tounono, Temuri Isono (Waone), Laketalieporo, mo stap smol long eria ia after oli muv iko daon long Temuri Taunono, daon long sand beach long Laketalietau, mo muv ikam long last vilij or nasara long Laketalietau we naoia oli singaotem Waisisi. Family ia itaslem se befor oli go long smol island, jif Malasikoto nao hemi paramount jif we ilukaotem ol pipol long smol aelan long Mele. Ikat wan faet between Mele mo Lelepa oli karem bak Jitonga wetem waef blong blong hem Toupongi Kiki ikam bak wetem olgeta long smol Island. Jitonga wetem waef blong hem tufala istap mo liv wetem Lakelotaua nomo long smol ialand. Jif Malasikoto emi tokabaot long Jitonga everi graon long main land long hem be Malawpra emi blong Family Lakelotaua nomo. Jif Malasikoto emi bin jif blong tudark kasem light tedei.

Family Lakelotaua long submission blong olgeta oli talem se full boundry we family Subuso iclaimem jif Jitongatapu nao hemi sharem fastaem finis long ol pipol blong smol aeland be taem we emi wantem sharem graon long Malawora hemi askem permission anta long authority blong family Lakelotaua fastaem befor emi sharem. Lakelotaua emi agree wetem hem be wetem condition se jif Jitongatapu mo every family bai oli kivim mo sub-dividem graon blong mekem Karen mo bae oli stap anta authority blong Lakelotaua family mo one day bae iclaimem bak olse tedei.

Lakelotaua emi maret wetem Leirakomu mo tufala ikat wan boe we nem blong hem Kalosike. Kalosike imaret wetem Tuniaru mo tufala ikat seven pikinini, ikat six gils mo wan boe we nem blong hem Kalonsama. Kalonsama imaretem long generation long family Lakelotaua. Family ia ise Lakelotaua hemi wan jif mo emi folem ol title mo muvmen long full boundary long Malawora land we original claimen iclaim long behalf long family Subuso. Oli submit se Lakelotaua oli stap long Malawora mo mekem Karen. Oli submit se sometimes long year 2002 spokes man wetem ol pipol blong hem oli go karem two custom stone long Malakiuta, ples e nakamal blong Malatuki istap long hem blong ordination blong ordenem Lakelotaua Nakmau Bubu Sambo olsem smol jif insaed long family. Family Lakelotaua oli se movement blong olgeta hemi around long full boundary long Malawora we emi stap long dspute we Subuso Narewo Kaltoli Lulu istap clemem.

Famili ia isingaotem wan witness nomo we hemi Maurice Vatoko. Long evidence blong hem Mr Vatoko hemi talem long kot se bubu blong hem nao emi lukaotem Subuso. Mo hemi confirm long kot se Spokesman blong hem hemi family wetem Masaii mo hem hemi wan long ol tribes we oli stap under long Masaii.

After long witness ia spokes man hemi go long witness box mo ol nara parties oli cross-examinanem hem. Long taem blong family Lakelotaua imekem kes blong hem, spokes man ibin traem blong faenem aot long ol narafala parties blong oli agri se hem nao hemi land owner blong Malawora mo tu hemi traem blong faenem out long ol narafala parties blong agri wetem hem se hem nao hemi adoptem Subuso mo hem nao hemi lukaotem Subuso.

Long statement blong Lakletaoa hemi talem long kot mo some long wokabaot se olfala nakamal blong hem emi Malatuki kolosab long hil blong Paunapokasi. Be emi mekem ol muvments ia long aria ia Malafutuna then ikam daon long Malawora, Takapau Katuru Patrukoa mo Pauni, mo 3 smol river Lakekutupu, Kukuasa, Kasauvai Tepapatepo. Emi no talem who emi jif be itakem people blong emi istap muv olbaot olsem mo paramount jif so emi wan native long Mele we oli coporate peacefully for long time ikam, so wanem income ikam aot emi right blong hem be emi mass harem some pesentages ikam long developem Mele community.

History blong land we Representative blong Family Masaai ipresentem:

Long presentation blong family Masaai oli talem se Masaai hemi wan big jif mo bigfala traeb oli stap wetem hem. Oli talem se Masaai family istap wetem 14 nara family or tribe oli behind long hem. Generation blong hem istat long Masaai 1 kasem Masaai 9 mo tedei Masaai 7 nao istap lidim tribe. Oli talem se Masaai 1 ibon araon late 1600s. Masaai mo family wetem ol 12 tribal family blong hem we oli klemem graon ia we oli kolem Malawora se emi tru kastomary graon blong olgeta mo olgeta nao oli stret kastom ona long graon ia. Malawora emi stap bitwin tufala river ia Tesono wetem Tepukoa.

Masaai hemi wan paramaon jif insaet long family tribe blong hem mo hemi kat ol pipol blong hem we oli folem hem aot long dak bush ikam daon long Malawora. Ikat 12 families istap insaek long traebal famili ia blong Masaai we I exist since taem immemorial kasem tedei. Hemi kat spoksman blong tok long bihaf blong hem. Hemi kat warrior blong lidim faet, hem ikat ol kleva blong hilim man mo tu lukluk sapos ol samting iolraet or no mo ol scout blong checkem ol ples fastaem bifo muvmen iko. Family ia oli muv aot long Elluk Maltari mo oli muv kam daon. Oli muv raon long every ples stat long bush kasem solwora.

Long presentation oli talem se bifo long taem blong tutak yet gospel ino kam kasem Efate ikat ol faet or tribal wars istap tek ples long Efate mo antap long ol eria we klem istap long em bitwin olgeta difren tribes. Oli talem se ol man oli stap kakai man tu. Long taem ia ino save kat wan man o wan family isave wokabaot hem wan blong ko long nara ples or muvmuv olbaot long bush from bae ol man oli kilim mo kakai olgeta. Emi no isi mo idenjeres tumas blong muvmuv olsem wan smol family long taem ia.

Taem family Masaai mo tribe blong hem oli decide blong muv ikam daon long Malawora hemi no bin isi from se oli mas faet strong blong kam kasem long solwora. Family ia oli bin aot long Elluk Maltari mo oli muv ikam daon. Taem oli kam daon oli kam long wan vilij oli kolem Tanbuso iblockem olgeta. Warrior blong family ia we nem blong hem Sokomanlapa nao hemi bin tekem olgeta aot ikam daon. Oli talem se oli faetem every man long ples ia afta oli kam daon. Long eria ia nao oli lukluk wan smol samting iblack daon long solwora. Oli faenem aot se emi wan island so oli decide blong mas muv iko blong oli save lukluk smo island ia mo stap long hem.

Afta long war ia Masaai wetem ol pipol bong hem oli mekem wan vilij long Tanbuso, hemia long wan vilij oli kolem Malavutna we hemi stap bitwin Tanbuso mo Lakura. Oli stap smol long ples ia aftae oli muv ikam long nara vilij oli kolem Talieporo. After long ples ia oli kam daon mo setem wan mo vilij oli kolem Ipapa after long hemia oli kam long Malawora mo oli mekem nakamal blong jif Masaai nem blong hem Malasei (Malaseilolo). Hemia long ples we Golf Club istap long hem nao ia. Taem oli setel down long plesia Jif Masaai isendem ol pipol blong hem oli ko lukluk long smol island ia oli kam bak mo talem se nokat man long hem. Storean igohed blong talem se ol pipol oli ko stap long smol island be Masaai ino wantem ko wetem olgeta. Hemi stap nomo long nasara blong hem long Malawora kasem hemi ded. Masaai Namba tu ikam jif mo henm tu ided mo oli berem long Malawora nomo. Masaai 3 tu oli berem hem long Malawora after long hemia Masaai 4 ided long smol island mo oli berem hem long smol island Imere Tenuku. Afta long Independence ol pis graons ia oli bin kam back long family Masaai oli talem se ibin kat wan big faet mo strangle blong tekem back ol graonn ia. Long 1977 Ati George Sokomanu ibin lidim ol people blong Mele blong Demonstret against ol waetman blong givim bak ol graon long ol stret kastom owna. Aft Ati George Sokomanu I lojem wan caveat long kot blong nomo letem eni wok o development itek ples long Malawora withaot apruval ble family Masaai.

Long histri blong Masaai oli folem blood line blong man we hemia nao kastom blong Mele we yu ownem land through blood line or man. Masaai istat long Masaai 1 kasem Masaai 9 we hemi 9 generesen everywan we ikasem tedei mo oli liv long Mele. Famaly ia igohed blong talem se Malawora hemi wan big fala area mo ol nakamal mo ol villages istap insaed mo tu igat olgeta ol olfala villages wwetem ol nakamal, ol nasara mo tu ol tabu pleses blong jif Masaai mo family tribes blong hem. Taem oli stat blong developem ples ol whaet man oli pushum aot ol ples ia finis mo destroyem fulap long ol ples ia mekem se sam nomo istap kasem tedei. Long presentation blong family Masaai oli bin tokabaotem mo shoem long kot ol Deeds of Sales. Ol bubu blong olgeta oli bin salem graon tu long Malawora Land. Oli talem se oil bin salem graon start long 188.6 kasem 1900s be ino kat any man Mele ibin stanap blong mekem any toktok againste olgeta.

Family Masaai icallem 3 witnesses plus spokes man. Namba wan witness hemi storian long saed long ol settlement we family ia ibin settle long hem taem oli muv olbaot long Malawora. Namba two witness hemi bing tok about ol events we oli bin happen long land ia mo namba three witness hemi bin givim evidence long saed long map, boundry mo fight.

History blong land we Representative blong Family Mariki Langa Ni Vailapa ipresentem:

Long presention blong family Mariki Langa Ni Vailapa Semion Poilapa italem se Mariki Langa Ni Vatelapa we hemi paramount jif blong Farea T'Marae mo kraon blong Malalede, hemi born araon year 1763. Hemi se original vilij we great grand father mo jif I born mo kamaot long hem hemi lapusu we hemi located within pre-independence Title 122. Hemi talem se Mariki Langa wetem pikinini blong hem Langa Ti-Vatelapa permanently settle down long original land or graon blong jif long Malalede wetem nakamal mo T'Marae Malalede. Parcel of land we istap along long shore oli colem Laketalietau Family Langa ikat direct claim blong ownership mo oli directly gat development blong gardening etc long plante years ipas. Mo tu oli kat ol commercial developers oli kam insaed blong introduce mol big developments we oli exist istap tedei.

Long presentation blong hem, Mr Simeon hemi talem se for over 42 years now we hemi stap holem hae work blong family hemi since hemi stap yet long school long 1961 ikam. Hemi se hemi wok plante wetem stron family ties, kastom mo history we iholem taem families mo kraon we family Langa ikat direct uses mo rights long hem. Olgeta Titles we oli involve long olgeta oli Title No. 69, 122, 771.

Title No. 69 (Paoni) - Registered under Siciete Civile D'Exploitation Agrocole Taravaki;

Title No. 122 - Registered under Society De Iles Du Pacific (S.I.P) we hemi joint agreement between Masaii Kalulu wetem Simeon Poilapa mo Petro Langa as family representatives, mo jointly wetem Mele Land Council/Mele Trustees Limited blong encouragem film Production we oli collem "Till There Was You" hemia blong exact location mo long Mariki Langa Ni Vatelapa (Paunapokasi/Paunilapa).

Title No. 771 - Regitered under Leipau Anna/Veuve Lamoureuz. G wetem pikinini insaed blong Laketalieporo. Hemi se land ia hemi offered bong Peter Poilapa II wetem family long year 1963, after 1 land ia Mr Gabriel Lamoureux mo woman blong hem Anna Lamoureux blong tufala ipem aot kraon bong ol pikinini blong tufala. Mr Poilapa icontinue blong talem se taem hemi finis long school hemi go bak mo settle and hemi start blong developem kraon blong aunty blong hem Anna Lamoureuxiong 1969 to 1972.

History blong land we Representative blong Family Thersa Arnatu ipresentem:

Long presentation blong olgeta oli talem se Olfala Bubu blong olgera jif Maringa Kalowota - Iapa, pikinini blong jif Kalolivaky emi muv aot bakeken long boundry blong Ilama afta we oli securim kastom boundary mo vum iko stap long olfala villij blong olfala jif bubu Maringa Mark Tavera long area blong Pauni wetem family tribe blong stap wok insaed long oundary blong kanabaro oli stap mekem olgeta garen mo planem olgeta fruit trees insaed mo folem boundary ia we emi start long Lolanga iko down kasem sandbiz long Feiova feiova Ragona follem sandbiz ie kasem Feiova Waraone - tau {Lakatalie Poro} iko antap long Maganapuso iko kasem patlalua iko long Pauni iko kasem Tapakau iko kasem eye blong River Tepukoa iko kros kasem eye blong Marona River. Oli talem se after oli securim boundary mo eria blong Kanabaro Pauni mo Tapakau iko kasem eye blong river Tepukoa mo eye blong river Marona, emi muv iko bak long hom villij blong grandfather blong hem jif Maringa Mark Tavera long area blong Tanlapalapa.

After jif Maringa Kalowota - Iapa ided son blong hem jif Maringa Kalbangalulu emi karem ples blong hm mo muvum ol pipol blong hem iko daon long wne filij blong olgeta we maringa Mark Tavera emi sitemap insaed long area blong Torovatu. Mo taem ia oli maintainem full boundary bitwin olgeta pipol blong Lokotave mo North Efate. After Leiwoki waef blong jif Maringa Kalbangalulu ided jif hemi vum wetem tufala boe blong hem mo tribe oli ko daon long Ilama land. Oli stap long Ilama land mo after sam year ipas oli muv iko daon long smol islaen, (Imere Tenuku).

Long saed blong muvment blong family ia Jif Maring Mark Tavera emi originally blong Tanlapalapa village insaed long dark bush blong Efate. Hemi muv wetem family mo tribe blong hem oli sitemap ol boundaries blong olgeta mo semtaem oli nemem olgeta areas. Oli muv folem boundaries blong Kanabaro iko kasem Tapakau, then imuvum ol pipol blong hem oli ko daon long Imere Tenuku. After hemi ol man long Malawora oli tes kam long Imere Tenuku.

Family Thersa Arnatu italem se long presentation ino kat eniwan long olgeta witnesses or ol spokesman emi never shoem any link or konection blong olgeta wan wan tribes iko long Masaii long taem blong tudak.

History blong land we Representative blong Family Lakelopoi ipresentem:

Family Lakelopoi oli submit se oli no stap long submission blong olgeta nomo be oli stap long submission blong original claimant Narewo Kaltolu Lulu. Family ia oli submit se Lakelopoi mo brata blong hem Nasu tufala ino kamaot long nara mama tufala ibrata nomo mo tufala inative mo indigenous kastom ona tru long fait we Warrior Nasu emi kilim ded Warrior blong Ifira mo wokabaot blong hem rfaonem olketa ples we tudei ol parties oli disputum Malawora Land hemia long Mele. Family ia oli kat two brata we tufala itekem tufala nems ia wan emi tekem nem ia Kalopoi mo narawan itekem nem ia Nesa. Hemi se tudei ol nara parties olsem Sopuso, Masaai, Nikara, Mariki Langa, Thersa Anatu oli bin agensem familu Lakelopoi be olgeta tu oli part blong sakem mane blong tebol long taem blong maret olsem we tudei community blong Mele oli stap sakem blong tebol blong helpem ol young boe mo ol young girl we sipos oil no wok samples, Lakelopoi emi admitim wan long kot se Lakelopoi nao emi kivim tingting ia by Kaltono Tarimiala mo Lakelopoi emi start blong sakem mane long maret blong Kalalua Tarimalala mo Leipuka long yia 1942 October 2, mo mane we oli usum long maret ia amount hemi 6 paon.

Oli kohed blong talem se tru ples we grave blong trifala olfala ia Lakelopoi, Nasu mo Lekaukau istap long hem, emi long Vanuatu Beverage, stampa blong Nambanga area Talietau. Settlement blong family Lakelopoi hemi village Malakauamata, Vai Rangone area Talietau. Oli submit se family Masai hemi tekem kot igo blong visitem bigfala village blong olgeta we nem blong hem Elluk Maitari be Spokesman blong Massai, Ps Uruvao emi talem long kot se blongtekem kot igo long village ia icostem 30 minutes or klosap 1 hour mekem se kot inomo go blong visitim village ia. Oli submit se sipos kot ino go visitim village blong Masaai isoem se Masaai emi giaman mo emi misletem kot. Family Masaai emi tekem ko iko long wan nakamal blong olgeta we nem blong hem Tekolaulapa mo hemi tekem kog igo long wan village blong olgeta bakagen we nem blong hem malafutna stampoa blong navile area Serarewo. Thersa Anatu hemi talem long kot se waria blong hem Kalowota Lapa hemi tu istap pass long area ia, mo village ia tu, Lakelopoi italem se long heathen taem wan warria ino save trespass long area blong mi babae mi mas faet wetem yu mo kilim ded yu mo mi mas kaikai yu, wanem we spokesman blong Masaai mo Spokesman blong Thersa Anatu tufala italem long kot hemi no tru.

Lakelopoi itekem kot igo long village blong hem we nem blong hem hemi Vanuatapu long stampa blong nakatambol mo itekem kot igo long nakamal blong hem we nem blong hem Malatuki, stampa blong navile mo hem itekem kot igo long nasara blong hem we nem blong hem Malakiuta, stamba blong nambanga mo hemi tekem kot igo long wan kref we emi se kref blong olfala blong hem we nem blong hem Sokotalo, stampa blong navile mo hemi tekem kot igo long wancave we nem blong henm Fatataku long area blong Sewarewo, Lakelopoi italem se olgeta samting we Lakelotaua emi soemaot long kot emi tru mo iblong hem.

Lakelopoi italem se Lakelotaua, Masaai, Sopuso, Thersa Anatu, oli tekem kot igo long wan cave we nem blong hem Tepa Tepo, mo sowem long kot wan krik we nem blong hem Sairagi, oli talem long kot se ol olfala blong olgeta oli stap hide long cave ia mo oli stap hide long crik ia long taem blong faet olsem oli talemaot tu long kot se ol olfala blong olgeta oli stap pas tru long krik ia blong go long reva Tesono mo kam bak long krik ia Saiiragi tufala ples ia iblong faily Sopuso be ino bong ol nara family ia olsem Lakelotaua, Masaai, Thersa Anatu mo Nikara.

Family Sopuso tekem kot igolong nasara blong hem, Farea Safalapalong stampa blong wan ouk tee mo emi mekem wan kastom blog openem rod blong kot emi save go long visitim nasara blong? Sopuso e emi sumekem kastom ia bifor land visitation, family Sopuso itekem kot igo ong ples we emi save se ol olfala blong olgeta oli stap meeting long hem olsen wan nakal blong olgeta be emi no givim aot nem blong nakamal ia, stampa blong navile mo nambanga, Thersa Anatu emi talem aot long kot se waria blong hem we nem blong hem Kalowota Lapa emi stap kam long ples ia mo emi putu pupu blong hen we hemi stap blew long hem. Hemi stap long wan stampa blong wan Navile. Lakelopoi ise nasaa ia mo area ia emi ples blong Sopuso Family. Taem blong walkabaot Lakelopoi ino luk se family Nikara iwokabaot wetem yumi mo hemi no talem mo showem ol village or any nakamal or wan area se emi blong hem. Lakelopoi ibelieve se family Nikara bambae oli putumaot long submission blong olgeta nomo.

Family Langa Ni Vate Lapa emi tekem kot iko long village biong olgeta we nem blong em Tapusu we stampa blong breadfruit mo stampa blong pamplemus mo nakamal emi Malalete, area emi Malalete mo emi talemaot long kot samfala particular area olsem bigfala hill ia, Paunapokasi mo ol nara smolsmol hill we ol nems blong olgeta emi, Tapusu, Lapa, Tapusu Riki mo area we emi blong Langi Ni Vate Lapa, Lakelopoi emi questionem Langi Ni Vate Lapa about nem blong hill ia, Paunapokasi, mining blong hem mo Mariki Langa emi talem se emi no save mining blong ol nems ia, Lakelopoi isubmit se Langa Ni Vate Lapa emi talemout gud ol nems blong ol areas we emit ink se emi ples blong hem stret be kwesten istap se sipos emi no save ol mining blong ol nems ia emi sowem se wan man ikam long wan ples we oli nememTematangi, Mariki Langi Ni Vate Lapa emi minim se wan olfala we olfala gud we emi stgap holem wan working stick be emi stap lukaotem Efate yet, isowem se Mariki Langi emi lukaoutem yet Efate be Lakelopoi emi faenem finis.

Family Lakelopoi itekem kot igo long two nambanga we tufala nambanga ia emi blong family ia, wan nem blong hem Letangi mo narawan nem blong hem Leituku we oli bin talem long kot se trifala olfala woman blong hem oli maret long stampa blong nambanga ia hemia long saed long kastom. Nem ia Takapau hemi min setaem we ol man blong smol island ia Nukutapu oli kam antap long bush blong arrestem ol man long bush blong oli kam down long smol island ia Nukutapu ples ia nao oli stap putum ol man blong bush oli stap long hem, Nunu Takapau mo oli bopnem ol weapons blong kastom blong olgeta long ples ia mo oli movum olgeta ika, down long wan krik we nem blong hem Mat Tepo, we iminim se ples emi tudak finis nao oli movum ol man blong bush ia oli go stap long krik ia kasem long morning sun ikamaot mo oki movum olgeta igo long Farea Lapa mo oli movum olgeta oli go olwe long smol island Nuku Tapu.

Kot ia ibin krantem application blong hem blong kam wan prty long kes ia blong defendem right blong olsem we hemi talem se emi native blong Mele mo indigenous kasom owner- but emi kat right olsem nara party we olketa tu oli kat same right ia olsem native blong Mele (present) right blong you court igrantem but remember se yu mas givim sam percent iko long developem komunity we you stap long hem. Long kilim warier long Ifira ino qualify nasu long onem graon. Nasu emi wan warior long wan jif.

VISIT LONG LAND

Long taem blong visit long graond everywan iwokabaot wantaem together. Wokbaot itek ples long two days. Every party imeet long Prima wetem kot then oli go together start wokabaot long bush ikam daon. Family Nikara iwokabao wetem every party long fes day be long next day hemi decide blong no kam. Clerk itrae hard blong kasem hem mo askem hem blong kam be hemi se hemi no save kam from irain. Be ol nara parties oli kohed blong wokabaot wetem kot. Kot ino save wakabaot raond long full boundary be hemi go as far as hemi save go nomo. Each parti oli showem kot where nao ples blong olgeta each party oli showem ol nakamal mo nasara blong olgeta and oli pointem aot wea nao ol original villages mo nasara blong olgeta.

Original Clemen, family Anatu wetem Lakelotaua oli showem ol nakamal blong olgeta we oli colo colosap olgeta nomo wetem original clemen. Oli showem ol stone wall mo oli talem se hemi nao ol nasara mo nakamal blong olgeta. Ples we oli shoem ia istap insaed long land ia Malawora.

OBSERVATIONS MO FINDINGS BLONG KOT

Afta long ol samting we mifala italem hemia below olgeta findings mo observations blong mifala: -

Findings:

1(a) Long saed blong family Sobuso kot ifaenem se Jif Sobuso mo brata blong hem Tastuki tufala ikam aot long wan nakamal we oli kolem Farea Safalapa;

(b) Jif Sobuso wetem brata blong hem iaot long nakamal blong tufala from se olfala woman blong Jif Sobuso ikat soa mo iwantem se oli lukaotem was river blong wasem soa blong hem long hem;

(c) Kot ifaenem se wokabaot blong tufala hemi long wish blong olfala woman nomo from soa blong hem. Tufala iwokabaot long hem mo stop or settle long ol ples we fulap ol ples ia icolocolosap long river or creek insaed long Malawora from soa ia nomo;

(d) Taem oli kam long ples we hemi long saed Creek blong Lakelaitangi tufala ia jif Sobuso mo brata blong hem ibuildim wan farea mo colem Farea Leipilo. After long hemia kot ifaenem se Sopuso iko bak antap mo tekem ol pipol blong hem ikam daon long Farea Leipilo;

(e) Kot ifaenem tu se after sam year ipas sam man oli bonem daon farea blong jif Sobuso mo brata blong hem;

(f) Folem family tree blong family Sobuso, even though spokes man ikam aot long woman hemi stanap long saed blong uncle blong hem mekem se hemi folem man mo ino woman;

(g) Kot ifaem se ol family Sobuso oli stap mekem Karen insaed long land ia Malawora mo tu oli gat ol ples we oli stap wokabaot long hem insaed before ikam;

(h) Kot ifaenem se after farea Leipilo family Sobuso oligo long smol island Imere Tenuku. Oli stap long smol island kasem tufala man ia ided long smol island mo oli berem tufala long smol island;

2(a) Pierre Nikara emi folem stret blood line long 4 generation. Kot kes hemi Malawora land case be Nikara hemi se nem blong land ino Malawora be Savaroa so kwistin ikam se Sawaroa land ino kat long Malawora be folem nem blong sam big land long Efate ikat sam nem long smol kraon istap long big land mo wan ia nao hemi Savaroa.

Wokabaot long graon Nikara emi pointem gate we Savaroa ifinish long hem mo every nara parties oli agree long hem. Family Nikara ino bin stap long wokabaot long taem blong hem blong hemi shoem ol ples we hemi ting se hemi blong hem mekem se hemi no provum kes blong hem long kot. Ples we hemi klemem hemi stap long Marobe. Every Party iagree se La Cole Riva hemi dividem Marobe wetem Malawora we decision hemi med between ol jifs blong Ifira mo Mele.

3(a) Long family blong Lakelotaua kot ifaenem se hemi move aot long Malafutuna mo kam daon long nakamal blong olgeta long Malatuki hemia kolosap hill blong Ponapokasi;

b) Kot ifaenem se original village blong olgeta hemi Vanuatapu. Family ia oli muv blande insaed long land ia Malawora be hemia ol wokabaot nomo;

c) Family ia oli kivim fulap nems blong ol ples be samfala nems ia we oli usum finis ling Ponatonga, we kot ino save gud se kustom iolsem blong gat sem nem long diferen pleses;

d) Long taem long kot mo long ol questen taem spokes man istap traem blong mekem se every wan iagree se hemi I lukaotem Sobuso mo Sobuso hemi stap under long hem;

e) Kot ifaenem se Lakelotaua mo Sobuso tufala ishuld wan party nomo from tufala istap clem sem ples nomo, mo family blong tufala ilink;

4(a) Family Masai kot ifaenem se original ples or villege blong olgeta hemi Maltari we hemia istap ouitide long Land ia Malawora;

b) Oli muv aot ikam daon mo stap wokabaot long area blong Malawora. Kot ifaen long storian blong olgeta se taem oli kam daon oli kilim ol man then oli stap muv on;

c) Kot ifaenem se ikat fulap different families or different tribes oli stap folem family Masai. Mo olgeta tribes ia Masai igivim ol area we oli stap mo tu oli stap mekem Karen blong olgeta long hem;

d) Ol family or tribes ia oli stap raond or insaed long area blong Golf Club;

e) Kot ifaenem tu se through long family Maasai nao oli mekem Golf Club, hemia long taem we Jif George Sokomanu hemi be President blong Republic;

f) Kot ifaenem se ol man Mele oli bin kam together long wan taem blong agree se land ia iblong ol man Mele. Taem oli bin kam tugeta blong talk abaot be long taem Jif Peter Poilapa ibin talem long olgeta se oli go sortem aot olgeta from se oli family nomo. Kot ifaenem tu se instead blong oli sortem aot olgeta oli kirap oli klem wan wan raet, result blong hemia nao yumi kam long kot;

g) Kot ifaenem se taem family ia istap kam daon ikat oli stap kilim ol man imin se ikat man oli stap finis;

h) Long taem blong wokabaot kot ifaenem se family Masai inokat nakamal insaed long Malawora, be oli stap klem long nasara mo nakamal blong Sobuso mo Lakelotaua. Oli kam aot long wan ples we hemi outside long Malawora land mo stap wokababout folem nomo ol settlement blong Sobuso;

1) Family tree kot ifaenem se family ia oli klem long saed long blood line be ino long woman;

5(a) Kot ifaenem se Family Mariki Langa Ni-Vatelapa ikam out long wan villege oli colem Tapusu we hemi stap insaed long Malawora Land;

b) Mariki Langa Ni-Vatelapa we family ia iklem through long hem, wetem pikinini blong hem, Langa Ti-Vatelapa, tufala I permently settle down long original land blong jif blong Malalede .

c) Kot ifaenem se Family ia oli involve directly long fulap development we oli stap tekem ples insaed long Malawora Land;

d) Family ia oli klem folem blood line we hemia nao every party oli agree se hemi kastom blong Mele;

6(a) Kot ifaenem family Thesa Anatu ikam out long Lokotave Land we istap outside long Malawora Land. Kot ifaenem se hemi stap clem overlap, mo overlap ia hemi wetem ples we Mariki Langa Ni-Vatelapa istap clem.

b) Kot ifaenem se nakamal blong hem we ishoem long taem blong wokabao Farea Tukirongo hemi stap kolosap long nakamal blong family Sobuso;

c) Although hemi shoem nakamal we ikolosap Sopuso be most long overlap we hemi klem hemi long ples we Mariki Langa iklem;

d) Kot ifaenem out tu se hemi kat sam access insaed long Malawora land we every nara party isave long hem;

e) Family tree blong family ia ishoem se hemi stap clem under long blood line (man) olsem we every party oli agree se hemia nao kastom blong Mele;

7(a) Family Lakelopoi kot ifaenem se hemi tokabaot plante long kot Nasu we hemi se iwarior blong Mele we ikilim strong man blong Ifira.

b) Kot ifaenem tu se family ia itok abaot wan Navele rope we warior ia istap fasem olman we istap kilim, mo tu itokabaot woratongoa we kot ifaenem se hemi no rop be wan smol plan mo tu plan ia ikam long Shepherd;

c) Kot ifaenem se Lakelopoi hemi stap confirm long kot se wanem Lakelotaoa hemi talem itru mo tu hemi talem se ples we Thesa Anatu istap klem hemi blong Sopuso mo tofala ples ia creek mo Sairanga hemi blong Sobuso;

d) Kot ino clear se original ples we ikam long hem istap wea;

e) Kot ino clear wea nao Nakamal mo nasara blong hem istap wea;

f) Kot ifaemen se family ia ifes kam long Mele through long family Masaai;

Observation

Long start blong hearing blong kes, kot ibin talem iclear se you helpem kot blong kot ihelpem you. Wanem we mifalai faenem hemi wanem we yu yu putum ikam long mifala. Ol witness blong every party mifala iconsiderem smol nomo. Most long ol witnesses blong yufala oli confusum tumas kot mo oli bin stap destroyem ol presentations blong ol spokes man blong ol parties. Ikat tumas "mi no save" answer mo sam witnesses oli no wantem answer ol question.

Long observation blong mifala long taem blong ol presentation family Maasai oli bin stap tokabaot Maltare olsem se ikat two ples be long common knowledge blong ol man Efate olsem ol nara party oli bin talem long kot mo tu ol justices blong kot ia oli blong Efate we oli save se ikat wan Maltare nomo we hemia istap between Eton, Pan Pan mo Epau.

Long saed blong ol grave blong ol bubu blong ol parties kot ino lukluk long hem blong mekem decision from se kot ino luk vicle graves from ol buldoz oli pushum out everiwan.

Blong mekem decision ia mifala iluk luk mainly long two samting nomo. Wea nao wan wan pati ikam long hem mo weta yu folem man or woman blong klem land.

Long observation tu kot iluk se wanem we family Thesa Anatu itok abaot wan boundry we istart long Tepukoa we istap long area long Malawora mo iko tru long ie blong Marona riva we long common knowledge bakeken blong ol man Efate hemia hemi stap long Tanoliu area, North Efate.

Wokabaot blong wan wan parti insaed long Malawora land hemi wokabaot nomo mo hemi no signifaem anything. Ol fact ihappen hemia from se ikat man finis istap. Wokabaot long land ishoem clear se every party isave who istap wea mo who istap wea, that is why mifala ibin askem ol parti blong traem sharem land ia long tingting blong olgeta. Be ol parti oli traem be oli no save mekem. There fore bae mifala idecide nomo long wanem ikam aot long kot mo long wokabaot.

Olsem long start blong harem kes mifala ibin talem se bae ol parties oli mas givim ol kastom nem blong boundary blong mifala ideclarem land folem kastom nem, be ol parties oli no satisfaem mifala long ol nems ia mekem se mifala ideclarem according long ol titles we istap.

After long every samting we mifala italem antap mo olgeta consideration blong ol presentation blong ol party mo ol evidence we ikam befor long kot, kot iwantem declare olsem:

Declaration

Folem ol reasons ia kot istap deklerem se:

1. Family Sopuso together wetem Lakelotaua mo Family Mariki Langa Ni-Vatelapa oli raetful kastom owner blong land ia Malawora;

2. Family Maasai mo Family Thesa Anatu tufalai ikat raet to long Malawora land be Family MAasai hemi under long Family Sopuso mo Family Thesa Anatu hemi under long Family Mariki Langa. Family Lakelopoi hemi mass tap folem family Maasai nomo olsem we hemi kam throu long Mele through long family Maasai;

3. Family Sobuso wetem Family Lakelotaua oli kastomari owna long ol land ia we title nambers blong olgeta igo olsem; 93, 771, 1890, 1891, 96, 372, 64, 1395, 936, 82, mo iexten long 62, 3784, 1812 mo part blong title no.122, hemia we istap long Mele Kolf Club iko kasem Vaatapesu aria we family Mariki Langa Ni-Vatelapa ikastom owna long hem.

4. Family Mariki Langa Ni-Vatelapa ikastomari owna long land ia we title nambas blong olgeta igo olsem; 66, 371, 97, 65, 69, 95, 3745 mo part blong 122 we istat long area blong Vaatapesu, Elopo, Warakairiki, Warakailapa iko kasem nasara blong tufala villijs we oli kolem Tapusu mo Tapusu-iriki mo kam daon mo joen wetem title 371;

5. Ikat wan part blong land ia we ikarem title namba 164 we istap kolosap long Mele villij, plante man oli stap usum blong mekem Karen long hem. From rison ia bae kot ilivim olsem we istap bae ino mekem any dececision;

Order

1. Sipos any man iwantem go insaed long land ia Malawora we Family Sobuso mo Family Lakelotaoa ikastomari owna, bae imas toktok wetem ol familis ia;

2. Yu we yu stap finis insaed long areas we family Sobuso mo Family Lakelotaoa ikastomari owna long hem, yu mas toktok wetem families ia sipos yu wantem continue blong stap;

3. Sipos any man iwantem go insaed long land ia Malawora we Family Mariki Langa Ni-Vatelapa ikastomari owna, bae imas toktok wetem ol familis ia;

4. Yu we yu stap finis insaed long areas we family Mariki Langa Ni-Vatelapa ikastomari owna long hem, yu mas toktok wetem families ia sipos yu wantem continue blong stap;

5. Sipos yu we yu wantem mekem any development insaed long Malawora Land yu mas toktok or consultem ol kastomari onas ia fastaem;

6. Folem Section 22 (1) (a) blong Island Court Act CAP 167 parties oli kat 30 days blong Apeal sipos oli no hapi wetem decisen blong kot ia.

DATED at Port Vila this 28 day of June 2011

Sn MAGISTRATE NESBETH WILSOM
Presiding Magistrate

CHIEF SAM MARPAKOA
Justice

CHIEF JOSHUA HARRY
Justice

CHIEF EDIE KARIS
Justice