Malas v Tarimiala [2010] VUIC 4; [2010] VUICB 6; Land Kes 6 of 1993 (2 March 2010)

	Home \| Databases \| WorldLII \| Search \| Feedback Island Courts of Vanuatu

1. Justice ANN CARLO, blong PANGO;
2. Justice Jif SAM MARKPAKOA blong EMAU;
3. Justice Jif MEAMEADOLA blong MOSO.

Original klemen Family LIEPOE KALTOAMALAS ipem fees mo filem dispute blong hem over PONATOKA Kastom kraon long 19 August 1993. Efate Aelan Kot Klerk iputum out public notice blong disputes ia long radio Vanuatu.

Follem public notices ia olketa narafala kaonta klemant oli registerem claim blong olketa.

Efate island court iharem case blong land ia mo long 13 July 2004 hemi dissmissim case, from se original klemant (we hemi wan woman) ino gat right long kastom, blong ownem wan land.

Ol parties oli lodgem appeal mo Supreme court idecide se decision blong Efate Island Court iwrong mo hemi remetim case igo back blong Efate Island court iharem bakaken.

Istart long JIROIRIKI long sea kost stret long bridge blong Jetty blong Hide-Away iran inland igo long west long Jiroilapa. From Jirioilapa hemi run igo long East south east igo long TEKERE, iron igo long North North-East igo long FAREA BANGA. Icontinue igo long North north West long TAGIAMAMAT...icontinu igo long TAMATE mo ontop long TAVINIVINI mo TAVITOARA. Long ples ia hemi go West long PALAU igo kasem VATAMOLE. Iron stret down long KAWENE, mo ifollwem coastline igo back long JIROIRIKI. Olketa land down long coastline: PAKURA JIHU, PAKURA TANAMANU, MATNAVITUNU, SIWENIRIKI, SIWENELAPA, BUKURA, TAMAGONU, TEMURI, PAKANNWE, MELE QEEN mo VEIONA RAGONA.

Editors Note: Refer to the attached PDF for the true version of the Boundry. (Image not clear)

Kot hemi explainem procedure we bambae hemi followem blong harem kes ia.
Bambae each klemant ipresentem statement blong kes blong hem, then hemi produsum olketa evidence through long olketa witnesses. Bamabe olketa klemants oli testem olketa evidences/information through long:

Article 73. All land in the republic of Vanuatu belongs to the indigenous kastom owners and their descendants.

Central element mo land policy long Vanuatu taem hemi kasem independence long 1980, hemi blong returnem every land igo back long indijenous kastom onas. Every pre-independence freeholds mo leaseholds oli stop. Freeholders we oli registered olsem "alienators" oli entaetel blong kasem wan lease long commercial or residential rates or blong receivim wan compensation long improvements we oli been makem long land in kwesten.

Article 74. The rules of kastom shall form the basis of ownership and use of land in the Republic of Vanuatu.

Blong findem kastom onas, Kot of law hemi must usum kastom law mo Rules blong usum land long Vanuatu.

Article 75. Only indigenous citizens of the Republic of Vanuatu who have acquired their land in accordance with a recognised system of land tenure shall have perpetual ownership of their land.

Olketa Ni Vanuatu we kastom onas blong kraon ia oli givim raet over long kraon ia long olketa nomo oli gat raet blong holem free taetel.

Role blong Aelan Kot under section 8 blong Aelan Kot Act hemi blong applaem kastomeri law blong area we disputed land hemi located long hem. Decisen blong hem, hemi no must conflict wetem any written law. Mo too hemi no must stand againstem spirit blong justice, reality mo good order. Kot hemi gat power too blong mekem orders ia:

Long kastom blong Efate, raet blong onem wan land hemi pass followem bladlaen blong man or patrilineal mo olketa exceptions blong hem we Kot hemi tok about long case blong Eleo-Eurakot (Land case 5 of 1993 we kot ia hemi disaed long March 2009).

Long area we dispute ia istap long hem oli followem bladlaen. Dispute ia hemi involvem olketa following aspects blong onaship blong land long kastom blong Efate, olsem:

Hemi duty blong Kot ia blong showem se hemi followem stret constitution blong Vanuatu, 1980. Bambae hemi must applaem kastom olsem basis blong onaship blong kastomeri land raets, however desisen blong hem bambae hemi no must be inconsistent (igo against) wetem Article 73 mo 74 we hemi talk about onaship mo Perpetual onaship blong land.

Kot itekem appearance, everyone istap mo oli depart long kot igo long kraon. Plante people oli accompany Kot, but olketa parties mo spokesperson blong olketa nomo oli allowed blong go luk any particular kastom sites. Visitation hemi tekem wan dei nomo.

Kot iarrive long area in dispute long 9:45am istart long: Kawene (up long hil we UNELCO iwork long hem); Kawene riki, Kawene Lapa, Bukura; Vaturarave, Naitnavitun/Temurilosau, Lovate, Temangunu, Tewaramasau; IIama Land Vatugisu; Temuri; Iontan; Tepuariki; Pakanae Riki; Pakanae Lapa; Farea Pilake; Farea Kalipo; Lolanga; Tepakesa; Farea Banga; Temoto river; Tamate; Title 364, Namorsal creek.

Long 1993 original claimant hemi registerem klem ia under name blong FAMILY LEIPOE KALTOAMALAS. Today, hemi changem name blong parti blong hem igo long FAMILY KALTOA MALAS.

Long 2009 boundri blong original klemant hemi changed. Map below ino start long Jetty blong Hide Away. Imkem idifficult long kot blong sortem stret boundri in dispute.

During discussion long olketa fact, kot idesaed blong followem boundri we oli filem long court long 1993 above. So map istart long istart long JIROIRIKI long sea kost stret long bridge blong Jetty blong Hide-Away iran inland igo long West long Jiroilapa, TEKERE, FAREA BANGA, TAVINIVINI mo TAVITOARA.

Long ples ia hemi go West long PALAU, kasem VATAMOLE. Iron stret down long KAWENE, mo ifollwem coastline igo back long JIROIRIKI.

Editors note: please refer to the attached PDF for the true version of the boundary

Most long olketa pleadings blong hem oli stap long handwriting blong LEIPOA KALTOAMALAS DELARUE, we hemi mama blong current spokesman.

Olketa witnesses blong hem oli confirm istri ia mo oli answer long olketa examinations.

PONATOKA hemi ground blong Apu blong family MALAS. ROGOANAWIA ROGOANAMIMAE istap long smol aeland long imere Tenukutabu. Hemi stap kam long big land mekem karen long LAKENARU we village istap long hem mo tu imekem karen long TEKERE we LEIPOE istap long hem taem hemi lodgem claim blong hem mo long hill VAREAPANGA mo antap long " LA BUTE AKLEM".

Taem ROGOANAWIA ROGOANAMIMAE ided ilivim long pikini blong hem MALASIKOTO ONETAPU. Then igo long MALASTAPU.

MALASTAPU hemi holem olketa ground we Dispensari istap long hem. Taem MALASTAPU ided, ipasem igo long papa blong LEIPOE KALTOA from KALRONGO istap long Epau.

Taem oli stap long imere Tenuku oli pul long kenu igo shore long FEIOVA RAGONA long sand beach.

Limit blong Malastapu ifinis long gate blong kawene long plantation blong Mr. Mitride.

Chief Malasikoto Onetapu hemi marretem Leimolemasu mo tufalla ibin settle long plante area insaed long land ia Ponatoka. Tufalla ibin go long 1^st settlement long Tenukutabu smol island (Hide Away), long time blong darkness, around 1774.

Hemi bornem 2 pikinini boys KALTOA MALAS mo KALRONGO MALAS. KALTOA imarretem LEIRETU mo KALRONGO imarretem LEISAVARY.

Oli stap mekem Karen long Varea Lapa mo tufalla igo katem kenu blong tufalla long Bukura mo Kawene.

Malastapu hemi take part too long war between Lelepa mo Mele long 1886. Time blong faet Chief Malastapu mo Taribakoa Sogolaba tufalla istap long farea Pilake blong mekem kastom blong lukluk road blong faet. Ples ia now Leipoe istap long hem taem hemi filem klem ia.

Farea Kalipo: Chief Malas iputum 2 oldfalla KALMARAKMAU mo JIBULEMAU tufafal, ia istap long hem blong lukluk road blong faet long kastom.

Hemi putum narafalla man istap antop long hill stret antop long Mele Maat village. Two narafalla oldfalla bakaken istap long hill long Varea Banga. Ol fourfalla man ia oli redi blong mekem signal igo down long tufalla Nakamal. Chief Malastapu itekem ol Maaus blong faet igo watch long reva TEMOTO.

Ol man Lelepa oli luk se oli lusum battle, oli ron igo long ol kenu blong olketa mo oli pul igo long small aeland Lelepa. But ikat wan man mo wan woman istap long Kolosap Reva long creek kae bridge. Olketa blong Mele oli tekem tufalla ikam prison. Name blong tufalla CHITONGA mo LEIBONI. Tufalla istap long Mele mo bornem NGANA, LEITAUTUEL, mo LEIKAUKAU. Taem blong mekem peace "TAMATE" between Mele mo Lelepa, oli mekem bigfalla kakae mo oli mekem wan bigfalla laplap "TEKOFU"; oli putum wan pig insae mo melek kokonas. Time oli kam wanples, oli openen Tekofu ia, man Lelepa oli talem long ol man Mele se: "EKOMAM AU (Tchikoni). Oli no save long language blong each other.

Taem missionary igo long smol island mo needem man blong work, oli putum Nganga mo Kalrongo igo long TTI.

Long 1902 ibeen gat wan trabol ihapen bitwin ol navy blong Franis Warship long PAKANAELAPA stret long nakamal blong KALTOA, FARE PILAKE. Malastapu itekem pipe blong smoke blong hem mo putum down long sandbeach mo talem long ol navy blong oli itekem out pipe, sapos ground iblong olketa. Ol Navy oli leavim ples ia, be oli damagem every produce long Karen yam blong family KALTOA MALAS long Pakanaelapa. Hemia evidence se land iblong Malas, from olketa French Navy iretrieve from "pipe blong Malastapu".

Then chief Malastapu hemi exchangem Pakanae Lapa mo Pakanae Riki long wan speedboat we hemi callem "Mele Queen". Blong markem land ia hemi leftemap hand blong hem ikasem hill antap mo tudei oli callem klems hill.

Long past, chief istap mekem Karen long lakenapagatau from long taem blong tribal war hemi mo family blong hem oli fraet blong go far from the beach. Sapos igat any attack hemi stap kolosap long kenu blong hem, kwik taem mo pull igo long smol island.

Between TEWARAMASAU mo BUKURA igat 2 mokos (big liset) mo nem blong tufalla Kusue Mialla mo Laukesakesa maot blong tufalla ired. BUKURA ikam kasem Tara plantation mo after hemi BAKURA (Claude Mitride). Between BUKURA mo BAKURA igat wan smol river name blong hem MATNAFITUNU. River ia hemi special from taem man isik igo long wim long hem bambae man ioright. Long BAKURA long side road toward bush igat wan stone we igat hole long hem name blong hem FATURARAVE, taem man ided ipulum wan pig igo inside long hole ia, pig I crae.

Hemi continu blong talem se oldfalla blong hem oli adoptem 2 pikini: Sauwo Tarimiala mo Kalfao Vaki pikini blong Nabangamiala. Farea blong olketa hemi "MALASEI". Hemi talem se grave blong oldfala chief blong olketa istap long Tenukutabu mo second grave yard blong olketa istap long Mele.

Hemi putum long Kot wan narafala baoundri we hemi talem se boundries blong olketa istartlong:

KAWENE, irun North north-East igo long LAKENASEI iconinu East igo long VATAMOLE, continue East yet igo long LOBUTUAKI, PALAU, icontinu igo long WAREKA. Irun South igo long TOROVATU, ILAMA, VAREALAPA, TANMAMA, JILKITA, TIWORO, LOVATU, PAINALAPA, mo folowem cost igo back long KAWENE. Escept LAPAKATAU (ex-cement factor).

Ponatoka imean "PUMAS" blong original people blong ples ia. Two long olketa apu woman blong olketa named Leinau we imarretem Taravaki mo Salesong we imarretem Taripako, mo oli givim pumas long tufalla long land ia. Area blong BILAKE now oli givim olsem pumas long Linau we tudei wan famili blong Taravaki ilive long hem.

ROGOWANAWIA ROGOWANANIMAE MALSOGOLAP IMARRETEM LEIMAIRONO
↓
MALASIKOTO ONETAPU imarretem LEIMOLEMALU
↓
MALASTAPU imarretem FIRST WIFE: LEIPOE
KALTOA MALAS First born					KALORONG MMALATAPU Second born

SALULU	LEIPOE	METO	AKUMA	7 CHILDREN		ONE
LEITAMARISU	KALTOA	KAITAGATA	KALTOA	ICLUDING		OF THE
MERIAM'KTOM	MALAS	KALTOA MALAS	MALAS	KALTAPANG MALASTAPU		BROTHERS OF
						KALTAPANG
PHILIP	GEORGES	MADELLEINE	LOKIN			MALASTAPU
MALASTAPU	DELARUE	DELARUE	KALTOAMALAS
ONETAPU	MALASTAPU	MALASTAPU				KALWAS
			LEIMATA			MALAS
			NAONE
						5
						CHILDREN
						ICLUDING
						NOEL MALAS
						4^th (counterclaimant)

Editors note: Refer to attached PDF for the true version of above family tree.

Igat 2 LEIPOE. First Leipoe imarretem MALASTAPU long 1918 mo ided long 1972.
Hemi gat 4 pikini: SALULU LLEITAMATERISU Meriam iborn long 1919 mo ded long 1997, second LEIPOE KALTOAMALAS we iborn long 1923 mo ded long 1998, METO KAITAGATA KALTOAMALAS we iborn long 1936 mo ded long 1988 mo Akuma Kaltoa iborn long 1939 mo ded long 1985.

During long cross examination hemi addem second wife blong Malastapu wetem 2 girls blong hem SELESONGO mo LEINAU mo tufalla adopted son blong Malastapu: SAUWO TARIMIALA mo KALFAO VAKI.

WITNESS 1 PHILIP MALASTAPU ONETAPU Hemi takem oath mo hemi confirmem history ia antop mo swearem se hemi true. Long cross examination hemi talem se ancestors blong hem oli Maaus. Oli fight wetem stone we oli fasem long wood, bow mo arrows mo spear (Naboavera). Hem (witness) hemi ordained Malastapu from hemi bloodline blong oldfalla Malastapu. Tudei hemi assistant chief blong TAVATELAPA (Simeon Poilapa 3 & 4). Naflac blong olketa hemi "Male". Olketa ancestors blong olketa oli muve igo long Tenukutabu during tribal war around 1774.

Hemi talem long thinkthink blong hem MALASTAPU hemi bin born around 1600-1700s. Mo KALTOA MALASTAPU hemi born around 1902 mo hemi just ded long 1972.

Hemi confirm se Malastapu mo Malasikoto tufalla isame bloodline nomo. But tufalla 2 different man.

Hemi talem strong long John Malastapu se Kalorongo hemi second born, Kaltoa now hemi first born.

Written statement ishort nomo: "mi sapotem Kaltoa Malas olsem Kastom Hona long Ponatoka kastom Land from Kaltoa Malas hemi kat kastom nakamal, Kastom Nasara mo Kastom village." Statement ia hemi datem 3 December 2009.

Long cross examination, witness ia hemi no save respond long majority blong olketa kwestens we olketa Kaonta Klemant iaskem long hem.

Chief MALASIKOTO ONETABU mo wife blong LEIMOLE tufalla iowner long plenty basis setelmens: TENUKUTABU, (Farea Malasei long Tenukutabu around 1774) Nasara blong hem FALEKURU.

Hemi gat wan boy name blong hem MALASTAPU. MALASTAPU mo wife blong hem LEIPOE tufalla ibase long TEMALASI we naoia present Mele village istap long hem. MALASTAPU iagt two boys: KALTOA mo KALORONGO. Kaltoa imarretem LEIRETU mo KALORONGO imarretem LEISARAVI.

KALTOA mo LEIRETU tufalla ibase long TEKERE. Nakamal blong tufalla KALIPO, oli stap mekem karen long VAREAPANGA mo oli katem kenu long BUKURA.

From ol evidence mo ol basis settlements, ol pruv ia, imodifaem klia Kastom rait ownership blong family Malas long Mele Village.

Hemi authorisem Philip Malastapu blong hemi spokesperson blong olketa since 2004. However LEIPOE we hemi mama blong Philip hemi last person long generation blong olketa papa blong olketa, mekem se Leipoe now hemi toktok plante long dispute blong land ia.

Hemi talem se taem case blong Lakenapagatau istap go long trial long foret blong Supreme court ol Malas famili oli kam long kot olsem observer nomo, oli no kaonta klem. Mo former title 583 hemi excludim cement factory.

Hemi continu blong talem se Malastapu igat 2 pikinini be hemi no save KALTAPANG MALAS. Malas igivim Kalipo long LEINARU, taem hemi marret. Hemi continu blong talem long bench se Malastapu hemi wan title mo title ia hemi attached long disputed land ia, mo Malastapu igivim full land ia long LEIPOE.

Orijiol kleman hemi basem klem blong hem long MALASTAPU be hemi tracem famili tri blong hem igo back kasem ROGOANAWIA ROGOANAMIMAE. Hemi no talem se ROGOANAWIA ROGOANAMIMAE ibin orijinate long where, be hemi talem nomo se hem istap long smol aeland blong imere Tenukutabu mo istap kam long big land blong mekem karen long LAKENARU we village blong Mele istap long hem tudei mo tu imekem karen long TEKERE we LEIPOE istap long hem taem hemi lodgem claim blong hem. Mo igo makem karen too long hill VAREAPANGA mo antap long "LA BUTE AKLEM".

Hemi then discraebem se taem ROGOANAWIA ROGOANAMIMAE ided ilivim long pikini blong hem MALASIKOTO ONETAPU. Then igo long MALASTAPU. MALASTAPU hemi holem olketa ground we Dispensari istap long hem, Nakamal, haus blong local kavman kasem ples we beri ground istap long hem. Taem MALASTAPU ided, ipasem igo long papa blong LEIPOE KALTOA from KALRONGO istap long Epau.

Iluk olsem Disputed land igo long KALTOAMALAS from nomo se long taem Malastapu ided Kalrongo we ishould inheritem land ia istap long Epau. So first born blong tufalla boy blong Malastapu hemi Kalorongo. Kaltapang Malastapu too ibin confiirmem long evidence long Supreme court, long land case No 1 of 1985 blong Cement Factori, we Songoriki iwinem over long Malas Famili, se Kalorongo ifirst born.

Famili tri ishowem se ROGOANAWIA ROGOANAMIMAE igat wan boy nomo MALASIKOTO ONETAPU mo settlement site blong hem istap long small island blong Tenuku Tapu (Hide Away).

Oli no sure se Malasikoto Onetapu istap work where, though witness 3 italem se hemi stap long small island Farea Malasei long Tenukutabu around 1774 mo Nasara blong hem FALEKURU, ino been gat plante toktok long saed blong Malasikoto Onetapu. Kot isave nomo se hemi only boy blong ROGOANAWIA ROGOANAMIMAE, wife blong hem LEIMOLEMALU mo tufalla igat 1 boy MALASTAPU. Hemi interesting blong look se original klemant hemi no includim 2 wife blong Malastapu long famili tri blong hem, mo too tufalla pikinini boy we Malastapu ilukaotem.

First: Malastapu hemi wan title. Mo long Efate or Shefa, title hemi fas long land olsem "Siloa" blong wan ordained chief, we hemi different long chiefly jurisdiction blong kastom boundary blong hem or "Namarakiana" we chief hemi rule over long hem. Kot ino save stret name blong Malastapu. Title ia oli usum kasem tudei. Kot ino hearem se how now oli stap ordainem man long name ia, from every pikinini blong Leipoe oli Malastapu, be ol pikinini blong Kalorong oli no callem themselves "Malastapu".

Second: Malastapu hemi gat 2 wives, 4 pikinini: 2 boys wetem Leipoe mo 2 girls wetem Leipau. Mo hemi adoptem 2 narafalla boys Sauwo mo Kalfao Vaki.

Third: Malastapu hemi wan Maau we iluk olsem hemi hollem wan senior position long kastom army long taem ia. Hem now hemi postem olketa watch man blong army ia. Olketa ples we hemi postem ol watchman long hem, oli concentrate long area blong East blong disputed boundary nomo:

Mo evidence icontinu blong talem se fourfalla man ia oli ready blong givim signal igo down long tufalla Nakamal. Malastapu hemi tekem ol Maaus mo go long reva TEMOTO.
Hemia hemi infer se igat 2 Farea mo 2 Nakamal long east blong area we dispute istap long hem.

Furthermore bambae ol watchman oli givim signal igo long tufalla nakamal long Mele? Sapos iolsem chief MALASTAPU hemi no chief? From ikamaot long evidence se normally chief hemi no go long war, olketa Maaus blong hem mo Munuwei blong hem nomo oli go long war. Hemi possible se taem war ia ibreakout, iagt 1 big chief istap refuge long small island. Mo Malastapu hemi gat duty mo responsibility blong protektem chief ia mo olketa people blong hem olsem pikinini mo women mo land blong hem.

Fourth: igat evidence we ishowem MALASTAPU hemi gat full control mo power over long ground long Eastern side blong boundary we istap long dispute from hemi givim "Pumas" long tufalla girls blong hem taem tufalla imaret.

Fifth: After long death blong Malastapu, Kaltoa Malas wetem wife blong hem tufalla isettle long Tekere, Nakamal Kalipo. Mo Oli stap mekem Karen long Varea Lanpa mo tufalla igo katem Kenu blong tufalla long Bukura mo Kawene.

Sixth:16 years after, long 1902 Malastapu hemi still strong from ibeen involve long wan incident we iluk ol soldiats blong Franis oli go shore long PAKANAELAPA mo damagem Karen yam blong family KALTOA MALAS long Pakanaelapa. Olfala Malastapu itekem pipe blong smoke blong hem mo iputum down long sandbeach mo talem long ol navy blong oli tekem out pipe, sapos ground ia iblong olketa. Surprisingly ol navy oli no pikimap pipe but oli go back.

The Chief Malastapu hemi exchangem Pakanaelapa mo Pakanaeriki wetem wan speedboat we hemi callem "Mele Queen". Blong markem land ia hemi leftemap hand blong hem ikasem hill antap mo tudei oli callem Klems hill.

Hemi no difficult blong think se oldfala Malastapu iwan strongman mo boss blong olketa Maaus, so ino gat wan samting isave mekem hemi fraet not even ol soldiats blong Franis navy. Even Kaltoamalas hemi must askem help blong hem.

But problem long ples ia se olketa navy oli damagem karen blong famili blong Kaltoamalas, from ground ia oli salem finis between 1884-1885. Long olketa years 1900s olketa army oli stap blong protektem olketa property blong ol citizen blong olketa nomo, oli no save causem injuri long ol man New Hebrides. Might be reason why oli return? Yumi no save overlukim se oldfala Malastapu hemi leftemap hand blong hem mo showem land blong hem antap long hill. Bambae ipossible se ancestors blong hem oli orijinate from antop long hill?

Hemi interesting blong notem too se kleman ia hemi originally claim under long name blong Leipoe KALTOAMALAS. Tudei hemi changem basis blong klem blong hem blong klem under long MALASTAPU. Last witness we hemi descendant blong male bloodline blong Malastapu, LOKIN MALAS, hemi confirm bakaken se MALASTAPU hemi wan title we iattached long land we Malastapu ibin givim long olketa girls blong hem: SALESOGO, LEINARU mo LEIPOE olsem Pumas. Sapos "MALASTAPU" hemi name blong wan title blong wan bigfala chief, bambae itabu blong usum, but long ples ia Kaltoa Kalorong mo olketa pikinini blong Leipoe Kaltoamalas oli stap usum, olsem:

MALASTAPU hemi only son blong Malasikoto Onetapu; hemi chief Maau blong olketa erea long west blong disputed land Ponatoka. Hemi gat 2 wives:

Hemi kamaot long bush mo go settle long some lands we oli no stap long boundri long dispute tudei.

TARIMIALA MUNUMUNULOU hemi kam aot long area or ples we oli kollem TEREMEA or NAUSARA. Name blong Village blong hem TAMARSERTANO farea blong hem NIPALA.

Long ol years 1800s hemi wan dangerous era, man ino save itrespass igo long narafala area from bambae oli mus kilim trespasser ia ided mo kakae hem. Long taem ia igat plante Maaus.

Start long Tarimiala Munumunulou kasem tudei igat 6 generations. Tarimiala Munumunulou ikasem SAWOU igat 4 generations olketa ia oli bin stap maret followem kastom ceremony be generation 5 oli start blong stap marret long church. Munumunulou hemi bin go long fight wetem KALTENEAKI, tufalla istap long village blong rufalla long Tamarsertano, tufalla imust lukluk igo down long solwota blong Imere or Mele. Wan taem tufalla ilukim wan kenu hem tref ikam long south mo tufalla iworkbaot ikam down long solwota taem tufalla ikasem wan ples we oli kollem PAUTOA, man ia isek long tufalla mo hemi wandem run away hemi fas long ol sharp stone, mo hemi stap tachem long hand blong hem, mekem se TARIMIALA ikollem ples ia Toungova. TARIMIALA MUNUMUNULOU mo KALTENEAKI tufalla ikam holem man ia mo tufalla ikarem hem igo antap long village blong tufalla. Man ia name blong hem MAFFEE, hemi wan negro, hemi blong Tanna, kenu we hemi tref long hem TAMANILIU, MAFFE hemi no gat eni Generation blong hem long Imere or Mele Village tudei.

Wan narafalla taem bakaken tufalla ikulim wan kenu hemi dref ikam long North, TARIMIALA MUNUMUNULOU mo KALTENEAKAKI tufalla iworkbaot ikam down long wan ples we oli kollem, TEMANGUNU tufalla ilukim se igat 3 man we oli stap long ples ia, now tufalla ikam mo hollem trifalla man ia, mo karem trifalla igo antap long village blong tufalla. Olgeta oli talem se olgeta oli kam aot long island blong Tongoa. Ol nem blong trifalla man ia igat MARIK MELO, MARIK THESSA mo MARIK CIELE. Kenu we oli dref ikam wetem nem blong hem SEILOLO.

Maringmelo, Thersa and Ciele sold land in 1884. Extracts blong deeds blong sale long 1884 mo 1885 irefer long Marikmelo olsem chief blong tribe blong Mele; Thersa olsem boy blong chief Marikmelo mo Ciele olsem wan native blong Mele MO TARIMIALA MUNUMUNULOU olsem wan native blong Mele too.

Wan taem bakaken tufalla istap long village blong tufalla long Tamarsertano tufalla ilukim wan kenu idref ikam long small island ia Ifira mo kam kasem wan ples we oli kollem IOTANO mo go back long small island ia bakaken. Tufalla ithink se kenu ia hemi stap kam olsem ia nomo. TARIMIALA MUNUMUNULOU hemi talem long KALTENEAKI se yumitu mas go down bekeken long wan ples we oli kollem PANGONAWESUKI from long ples ia now tufalla istap karem custom paoa blong tufalla long hem. Taem tufalla ikarem custom paoa blong tufalla finis long Pangonawesuki, tufalla iwokbaot blong go blong raonem olketa ground blong tufalla,taem tufalla ikasem wan ples we oli kolllem IOTANO tufalla ifaenem aot se man Ifira ia ikam back blong luk Karen blong hem, taem hemi kasem ples we karen ia istap long hem, hemi luk se pig ibin rutum aot olketa kakae blong hem we hemi planem so hemi wokbaot igo down long solwota mo hemi pul igo back long ifira. Afternoon long hem, hemi karem akis mo spia blong hem mo hemi kam back long ples we karen istap long hem from hemi wantem kilim pig ia tumas. Taem hemi wokbaot blong lukluk igo long karen ia hem iluk wan mama blong pig istanap istap insaed long karen ia, taem hemi sperem pig ia wetem spia blong hem imestem pig ia. After hemi killim pig ia wetem akis be hemi mestem pig ia wetem aski blong hem. After bigfalla pig ia ikam from hem mo hemi hollem man Ifira ia, long tufalla tut blong hem mo sakem hem igo antap long back blong hem mo sakem hem igo down long solwota. Man Ifira ia hemi kirap mo hemi pusum kenu blon hem mo hemi pul igo aot lelebet.

Taem hemi luluk ikam back be hemi nomo luk bigfalla pig ia, be hemi luk we man istanap istap. Tarimiala Munumunulou hemi talemaot long man Ifira ia se "tede mi sakem yu long solwota blong ples ia mo yu nomo pruvut long ground ia bakaken. Mekem se Tarimiala ikollem ples ia SUAKINA man Ifira ia nem blong hem MARIK NIKARA.

TARIMIALA MUNUMUNULOU mo wife blong hem LEITAMATE mo pikinini blong tufalla KALTERNEAKI taem olketa oli stap yet long village blong olketa long Tamarsertano olfala women LEITAMATE hemi ded mo tufalla iberem hem long saed blong village blong olketa nomo.

Around 1845 TARIMIALA MUNUMUNULOU wetem son blong hem KALTENEAKI tufalla imuv igo long Tenukutapu; KALTENEAKI imarretem LEILAANGO mo Tarimiala igo back long home village blong hem long Tamarsertano.

LAKELEOLANGAI hemi wan strong man blong mekem fight long olketa village blong Efate. Taem hemi stap go tru long olketa fight ia mo kam bak long village ia Imere Tenuku tapu, Chief LOKALIE (GOURS) hemi save se LAKELEOLANGAI hemi life mo hemi kamback wetem ol man blong Imere or mele village. Long 1891 olsem news istap go raon long Imere Tenuku tapu oli stap talemaot se ol pipol blong village PARKASI mor MARNGASI oli stap muve ikam cross long area blong TEKEREMEA or NOUSARA, mekem se jif LOKALIE COURS, hemi talemaot long LAKELEOLANGAI mo ol fren blong hem blong oli go mekem fight wetem ol man blong village ia PARKASI or MARNGASI blong kilim ded olketa or ronem aot olketa long area ia, nao LAKELEONLANGAI wetem ol frend blong hem ia oli aot blong go mekem fight wetem olketa.

Olketa enemi blong olketa oli nomo usum kastom weapons blong fight but oli usum Masket. Oli shootum LAKEOLANGAI ided, olketa frens blong hem oli continue blong fight, oli ronem olketa man oli go long Lelepa, mo oli talem se olketa survivors blong taem ia we oli ronwe igo long Lelepa bambae oli nomo kam back long mainland bakaken. Taem oli return, oli wandem karem ded body blong LAKELEOLANGAI but hemi heavy tumas, from hemi wan giant, so oli katem wan leg blong hem mo oli karem mo oli workboat oli pass tru long dark bush mo kam kasem long solwota mo kam long village Imere Tenuku Tapu.

Taem oli kasem village ia Imere Nuku Tapu oli workbaot igo stret long door blong Nakamal blong Chief LOKALIE GOURS. Chief ia ikarem small boy blong hem LAKELEOLANGAI we nem blong hem SAUWO hemi kam stanap long foret blong ol pipol mo ol fren blong Lakeleolangai, oli leftemap leg ia mo SAUWO hemi pass tru antanit long leg ia..

Mo since that time ia Chief LOKALIE GOURS hemi talem se: " yufalla ikarem leg ia mo yufalla iwokbaot wetem ipas tru long dark bush we blood blong leg ia ifoldaon blong kasem ples ia, graon ia iblong family TARIMIALA MUNUMUNULOU, afta oli karem leg ia mo oli go berem.

Hemi conclude blong talem se TARIMIALA MUNUMUNULOU hemi naflak pretfrut mo hemi wan man blong katem wan kind spia we oli kollem NAPUA NAMBONGIANA. Kind spia ia now TARIMIALA MUNUMUNULOU, KALTENEAKI mo LAKELEOLANGAI oli stap usum blong fight mo win. So land ia hemi start long PAKANAE, FAREABANGA, KAKOLA, LAKONASEI, PAKURA mo kam bak long PAKANAE iblong TARIMIALA MUNUMUNULOU.

TARIMIALA MUNUMUNULOU imarretem LEITAMATE ↓	1^ST generation
KALTANEAKI Imarretem LEILANGO ↓	2^nd generation
LAKELEOLANGAI Imarretem LEIMOORU ↓	3^rdgeneration
SAWOU Imarretem LEIPATULI ↓	4^th generation
Tufalla igat 10 pikinini one long olketa hemi Marabongi papa blong spokesman	5^th mo 6^th generation

Hemi confirm full history mo boundary mo hemi stap answerem cross examination kwestions: Family tri we hemi presentem hemi correct, be long 1983 Mele community oli formem wan body we oli kolem Puulé. Mo work blong body ia iblong recordem olketa history mo famili tri blong every man Mele blong lukluk long saed blong rights blong ol man over kastom ground.

Famili tri we "PUULE" I draftem iwrong.
Malastapu ikatem out leg blong Maau ia mo tekem ikam back long village, now Chief Gours hemi mekem ruling se bambae ground ia iblong family blong ded Maau ia.

Hemi agree se Malas Kaltoa too hemi gat right, but long court ia history imust be revealed. Hemi true se olketa family blong Malas oli been Lukaotem Sauwo. Ino true se MALASTAPU ibin adopted Sauwo.

Name ia "GOURS" hemi wan name we olketa missionary oli givim long olfalla blong olketa (Tarimiala Munumunulou) from name blong hem itoo long blong oli pronouncem. Chief ia hemi ded long 1981 mo oli berem long middle bush (outside disputed area).

Taem hemi stap givim evidence blong hem, witness hemi singsing long wan warrier songs. But ino gat anyone isave meaning blong war song ia.

Hemi continu blong talem se hemi disputem 2700 hectare blong land, olsem original claimant. Hemi save Marik Melo mo Marik Ciele tufala 2 different person same wetem marik Thessa mo oli blong shepherds islands.

Hemi confirm se hemi related long Songoriki famili. Tufalla icousin brothers mo same bloodline. Hemi been luk olketa deed of sale during trial blong case blong cemenet factori mo hemi decide blong stanap hem one blong fight from birth right blong famili blong hem.

Hemi confirm se igat nakamal blong Malas mo ancestors blong hem (Witness) too oli gat Farea Nibanga long ples ia (title 112).

PONATOKA hemi wan new name long land we oli stap disputim tudei. Stret name hemi "NOSARA". Igat about 70 kastom names insaed long PONATOKA. Farea Nibanga istap long bush. Hemi talem se hemi no disputim chiefly line or title, be hemi claim compensation in land from ancestor blong hem we hemi ded long war.

Hemi producem documents we oli showem se TARIMIALA MUNUMUNULOU isalem olketa lands long ples ia. For example:

WITNESS 2 ERIA TARIMIALA, sworn mo hemi confirmem history blong Lakaleolangai, we hemi ded mo oli katem out leg blong hem tekem ikam long PONATOKA mo blood we irong now I pem out land ia.

Hemi no save givim answer long every questions we olketa kaonta klemants oli askem long hem. Hemi clearem long bench se oli berem leg blong Maau ia long Hide Away.

WITNESS 3 – KALTALIPO TARIMIALA, sworn mo hemi talem se After 1982 tufalla families ia iklem ikam long Efate Island Court, after tufalla famili ia, tufalla iapil igo long Supreme Court (Mission Catholic). Family MALAS ilusum court case blong hem. FAMILY SONGORIKI iwinim court case blong hem from hemi misusum nem blong TARIMIALA wetem KIAMAN charta blong family tree. Long true charter TARIMIALA istap ontop mo SONGORIKI is stap down.

Long way we kaonta klemant ia hemi presentem kes blong hem, iluk olsem hemi traem blong talem long Kot se:

Long saed blong boundary hemi important blong notem se TARIMIALA MUNUMUNULOU hemi gat raet blong walkbaot from village blong hem long Temasertano igo kasem PAUTOA, TEMANGUNU mo IOTANO without disturbance. Hemia hemi wan indication se Tarimiala Munumunulou hemi gat control over long lands ia. Unfortunally long case ia, ino gat proper kastom boundries.

Hemi attendem 3 different people: 1 man Tanna idref ikam, 3 man Tongoa mo 1 man Ifira. Taem blong visitation Kot iluk se itrue taem yumi stanap long hill, yumi save spottem anyone we idref ikam mo save go lukim hem long PAUTOA or TEMANGUNU mo lontan.

But story blong trifalla man Tongoa we oli salem ground wetem Munumunulou long 1884/85 now icausem some doubt. Sapos itrue se Maringmelo, Thersa mo Ciele oli dref long kenu ikam long ground blong hem, why hemi lettem trifalla isalem land wetem hem; from Deed of sale hemi showem se hem wetem olketa now oli salem ground long 1884.

In fact extracts blong deeds blong sale long 1884 mo 1885 irefer long TARIMIALA MUNUMUNULOU olsem wan simple native blong Mele. But Marikmelo now olsem chief blong tribe blong Mele; Thesa olsem boy blong chief Marikmelo mo Ciele olsem wan native blong Mele. Kwesten we istap ring long mind blong yumi se from wanem TARIMIALA MUNUMUNULOU ino involvem son blong hem KALTENEAKI long sale blong land? Instead hemi tekem trifalla man we hemi klem se oli dref ikam from Tongoa. Furthermore hemi claim se olketa trifalla man ia oli no gat decendants long Mele, but igat evidence, se family Siele now hemi Songoriki. Hemia hemi possible from hem yet hemi talem se oli related long Songoriki.

bambae imeanim se oli muve igo long Tenuku Tapu long 1845, then hemi kam back mo salem land. Mo after we hemi salem land hemi go back long village blong hem after long 1885. So hemi should stap yet long village blong hem taem LAKKELEOLANGAI igo long war mo ded. War ia itek ples long 1886 olsem evidence ishowem so realistically, war ikamaot after we oli salem ground ia long 1884/85? Long taem ia masket blong whiteman ireplacem kastom weapon. So how now chief Gours isave talem se land we blood ifoldaon long hem igo blong Sauwo boy blong LAKELEOLANGAI, since hemi salem ground ia finis. Hemi no clear se fight ia hemi kamaot from wanem too. Long taem ia MALASTAPU istap finis, hem now hemi master mindem defense blong ol man Mele long taem ia. Mo tekem leg blong Lakeleolangai igo long small island.

According long evidence blong kaonta klemant ia Lokalie Gours now idirectem Lakeleolangai igo long war mo go death, so hem yet imust pem blood blong hem wetem land we oli klemem tudei. But kwesten iremain se who hemi GOURS?

Deed of sale we oli relae long hem blong showem se Tarimiala Munumunulou isalem olketa ground ia, oli been produsum finish long Supreme court long 1986 long case blong cement factori. Long taem ia olketa oldfalla oli givim evidence.

So before kot imekem wan decision long case blong kaonta klemant ia, hemi wandem blong lukluk long evidence blong olketa oldfalla ia, from oli mekem long aoth insaed long Supreme Court about same land ia.

Long taem ia KALTAPANG SECOTO MALASTAPU we hemi first born pikinini boy blong KALRONGO MALAS (kaonta klemant 4), hemi talem se Malas Matua igat 2 pikinini: MALASTAPU mo NAPAGEMIALA. MALASTAPU ibornem Kalrongo Malas mo Kaltoa mo NAPAGEMIALA ibornem Kalfau. Original klemant hemi no mentionem NAPAGEMIALA nothing, instead hemi talem se MALASTAPU iadoptem Kalfau. Followem toktok blong Kaltapang iluk olsem Kalfau hemi stret blood blong Malas Matua or stret brother blong Malastapu. Mo hemi gat same birth right olsem Malastapu.

KALTOA we hemi second boy blong Malastapu now iadoptem TARAMUELA SAUWO we oli stap callem hem MATAFAO too mo hemi marrettm LEIFATUE; but original klemant hemi talem se Malastapu idaoptem Sauwo.

Editors note: refer to the attached PDF for the true version of this boundary:

Original ples blong SONGORIKI hemi PALOAWAKO behind long Tretham. PALOAWAKO to TEWARMASAU mo imuve igo long PANDOUE mo isetemap Nasara blong hem long ples ia hemi Ex-Catholic) long MALALASOVA.

Hemi expectem Kot blong readim olketa judgment blong Island Court mo Supreme Court blong undanstem good history blong hem, evidence blong olketa oldfalla we oli papa blong some long ol kaonta klemants tudei.

Hemi no mekem longfalla statements, be hemi presentem olketa witnesses we oli givim more details blong disputes ia.

Editors note: please refer to the attached PDF for the true version of this family tree.

Hemi talem se full statement blong famili Songoriki istret mo isemak taem igo long ol different Court Process since 1983, Efate Island Court, long Supreme Court long 1986 kasem tudei.
Mo Supreme Court hemi declarem se famili Songoriki hemi Kastom owner blong land we Ex-catholic mission we cement project ibin stap long hem. Long Supreme Court judgment ia Famili Songoriki ibin tok aboaut too 500 hectares long hem long page 15 second last paragraph, page 17 last paragraph mo page 18 we judge italem se hemi satisfy long 500 hehctares and hemi just talem nomo se hemi base nomo long island court judgment we oli been tok about nomo ex catholic cement project. Full land ia hemi former title 365, tudei igat plante titles olsem subdivision.

Long case 1 of 1985 Original Klement: Malastapu, Kaonta Kleman 4 Malas Niwango mo Tarimiala Munumunulou we hemi kaonta kleman 1 oli group tugeta mo oli klem under same man nomo: MALAS MATUA. But tudei oli sererated wetem different histori, oli stap misleadim Kot.

Long dispute Civil Case 33 of 2006 we famili Masau Vakalo idispiut name blong Songoriki wetem famili Songoriki; judgment blong Efate island Court long 17 November 2006 court I strikem out claim blong Masau Vakalo famili mo favor igo long famili Songoriki. Mo famili Masau Vakalo hemi no kat any base blong klemem.

Hemi difaenem name "SONGORIKI" se imeanim se man ino rich mo ino pua too, hemi gat samting enough nomo; mo hemi name blong wan title; "PALOA WAKO" imean ples we istap nogud or hemi rabis ples. Hemi claim under patrilineal bloodline blong Songoriki. Mo long area we hemi claim igat 1 nakamal nomo we stap long Malalasova. Rongoana we Malastapu famili oli mentionem hemi different long hemia we Songoriki famili oli mentionem.

Hemi believe se hemi kastom owner from se olketa ancestor blong hem oli salem long whiteman.

Famili Songoriki oli live long Palawako be Pakanae hemi passage blong olketa nomo long solwota.

Hemi informem court se some klemants tudei oli save about dispute insaed long boundaries ia be oli stap developpem ples nomo without consent blong ol narafala kaonta kleman; olsem:

Long conclusion blong hem hemi clearem se tudei 2 families nomo oli ownem land long area ia:

- FAMILY MALASIKOTO long Efate island Court we ikam kasem 500 hectares blong SONGORIKI; mo

- FAMILY SONGORIKI; long Supreme Court land Appeal case 1/85 mo civil case 3 of 2008.

Hemi se mama blong hem TOUAMO TUKITUKI iborn long 18 November, 1922, hemi gat 87 years mo hemi life yet kasem tedei. Touamo Tukituki hemi girl blong Tola mo Toubokasmoso.

Mama blong hem italem long hem se Great grand father blong hem we hemi Maringmelo hemi salem land ia 500 hecatres long 1884 long Monsieur Bernier.

Taem oli crossed examinem hem; hemi talem se Tola hemi grand father blong hem from hemi papa blong mama blong hem Touamo.

Marikmelo hemi small chief blong tribe blong hem we hemi stap long 500 hectares ia nomo. Be hemi no wan Maau. Hemi stap life long Palowako, after hemi move igo long Tewaramasau.

Tola hemi adoptem Eddy Kalopel, we hemi bloodline blong Bangalulu. Adoption ia imekem se blood blong Siele igo long hem.

Farea BILAKE, KALIBO, mo LOLANG oli no stap insaed long 500 hectares. Be 500 hectres ia oli stap insaed long Ponatoka Land.

Hemi claim se Songoriki mo Marikmelo tufalla irelated, be tufalla ino brothers. Songoriki hemi naflac "Tenu" (coconut).

Hemi talem se hemi descendant blong Songoriki through long MAUDIE we imarretem Pastor MAHLON VATOKO we ikamaot long famili Chillia.

Hemi continu blong repeatim olketa judgments blong Joint Kot, Supreme Court mo Island Court.

Hemi traem blong talem long court se Original klemant mo Kaonta Kleman 1 mo 4 oli wan famili nomo, mo oli stap misleadim court: Kalorongo hemi papa blong kaltapang, Kaltoa, Kalfau Malas mo Sawo Tarimuela we oli been adoptem.

Orginal ples blong Songoriki hemi PALOA WAKO behind long Tretham, Village blong hem long ples ia hemi MALALASOA, hemi muv aot mo go down long Teworamassau mo oli ko mekem village blong hem long Pandoue mo today yumi kollem Lakenapagatau, hemi mekem nasara blong hem there, karen mo muv igo long Tenuku Tapu.

"Ponatoka" hemi wan new name istart taem dispute blong ol kroun istap kam strong; be olketa oli klemem Pandoue nomo. Hem ibin involved long toktok blong ol kraon longfalla taem finis, be ol oldfalla oli never tok about Rogoanawia we Malastapu famili istap traem blong putum ikam tudei.

Oli stap talem ce Malas Matua hemi no been wan chief. Malasikoto now hemi chief. Malas Matua mo Malasikoto tufalla tu different persons. Ino gat wan Malasikoto Onetapu.

Hemi confirm se long taem blong trial blong case between Songoriki mo Malas former President blong Republic blong Vanuatu Georges Sokomanu, hemi talem se Malas famili oli ownem big land (page 15 paragraph. 4); land blong Malas istap between Plantation blong Mitride mo Watt.

Hemi askem blong kot iluk long deed of sale blong traem understandem olketa tribes we oli exist long Mele long taem ia.

Kaonta kleman ia ibin refer long page 15 blong Supreme Court Judgment 1985. Page ia hemi record blong evidence blong TUAMO TUKUTUKU we hemi girl blong TOLA. Woman ia ibin talem se sister sister blong hem LEITAPAU ided taem hem ibornem EDDIE; mekem se TOLA idoptem Eddie. Tola imekem wan ceremony blong adoption long ples blong olketa long Fatasau, hemia long smol island. Tola igivim name KALOPELE long Eddie.

Mo TUAMO TUKUTUKU icontinu blong talem se taem TUAMO TUKUTUKU igat 15 years, hem ibin go long Malalasova long Lakenapagatau mo hemi luk ples we Nakamal Malalaso istap long hem.

Long page 16 lawyer blong malas ibin submitim long Supreme Court se Malas famili oli klem kastom ownership followem adoption blong Tarimuela Sauwo.

Long same page ia igat evidence blong Chief Peter Poilapa, chief blong Mele too, we hemi related long Kaonta Klemant 5; hem too iconfirm se land ia iblong famili Songoriki, we Eddie Kalopele irepresentem olketa.

Long page 17 Supreme Court irecordem version blong story blong "pipe blong Maslas" se olketa agents blong SFNH (Societe Francaise des Nouvelles Hebrides) oli kam wetem maskets blong olketa, oli damagem ol crops mo oli ronem Tola wetem grup blong hem we includim tufalla sisters blong hem mo some narafalla man bakeken. Tola wetem grup blong hem oli singaot Chief Malas blong helpem olketa. Chief Malas Matua ikam wetem some man Mele, Malastapu iputum pipe hem long sanbeach mo italem long ol soldiat blong Franis long taem ia, sapos kraon ia iblong olketa tru, oli tekemaot pipe blong hem ia long sanbis, then, surprisingly ol agents oli no tekem pipe be oli go.

Long same judgment ia, page 2 Kaltapang Secoto Malastapu italem se MALAS MATUA igat 2 boys: MALASTAPU mo NAPAGEMIALA. NAPAGEMIALA igat pikini too.

Klem blong Malas ino bin succeed nomo from se hemi basem klem blong hem long "Adoption blong Sauwo". So Supreme Court ifindem se long kastom person we oli iadoptem ilusum full right blong hem mo hemi believim stori blong Songoriki long taem ia, mo hemi declarem se Songoriki ikastom owner blong Lakenapagatau.

Tudei same Sauwo ia ikam blong klemen back right blong hem. Mo denaem toktok blong adoption.

Hemi clear from olgeta deed of sale we oli submittim long Kot ia, se tufalla famili ia isalem land long taem ia, mo hemi klear too se MUNUMUNULOU TARIMIALA we hemi related long Kaonta Klemant 1 hemi salem more than 500 hectares land long area ia too.

Furthermore igat evidence se famili Masau Vakalo idispiutim name blong Songoriki wetem famili Songoriki (Civil Case 33 of 2006). Hemia iwan indication se Songoriki famili mo famili Masau Vakalo, oli kamaot long same tribe nomo. Mo iprovum too se name ia Songoriki hemi wan title. Tudei famili blong Chilia Kiki oli stap usum.

-First taem TARIMIALA MUNUMUNULOU, chief MARK MELO mo JOHNNY we oli callem CIELE mo some narafala native blong same portion blong land, oli salem 500 hectares

-Second taem MARIK MELO isalem TEGERE, MALASIPI mo LOVATE. Long taem ia bakaken oli refer long MARIK MELO olsem chief wetem son blong hem THESA mo natives TARIMIALA MOUNOUMOUNOULOU mo MAFFE.

Bambae hemi interesting blong lukluk long evidence concernem Famili Malasikoto blong save se tufalla families MALASIKOTO mo famili SONGORIKI tufalla iownem ground or tufalla ichives we tufalla igat chiefly boundary blong tufalla long area ia. Smol evidence we kot hemi hearem about Malasikoto ishowem se name ia hemi blong wan title blong chief as well as Songoriki, mo Mark Melo.

"...MARIKMELO hemi small chief blong tribe... SONGORIKI too hemi wan smol chief. MARIK INSANGA hemi name blong Songoriki..."Iluk osem insaed long area ia igat 2 chiefs: Marik Insanga mo Marik Melo. Long famili tri blong Songoriki oli showem se stamba blong olketa hemi Marik Insanga. Decendants blong olketa tudei hemi Eddie Kalopele. Between tufalla, name "SONGORIKI" ino appear. Long ol deed of sale, oli refer long Ciele (Johnny) se hemi wan native blong same piece of land; mo oli refer long pikinini blong Chief Marik Melo se hemi Thesa. But long famili tri blong Songoriki inogat Thesa. Instead oli putum se Siele hemi pikinini blong Melo.

Long saed blong boundary igat evidence se Farea Malalosa ibin stap stret long Catholic Mission (cement factory). Farea BILAKE, KALIBO mo LOLANG oli no stap insaed long 500 hectares. Be 500 hectares ia oli stap insaed long Ponatoka Land. Original klemant hemi talem se Farea blong Malastapu hemi TEMALASI we Mele village istap long hem tudei, mo ol pikinini blong hem olsem Kaltoa, oli stap long farea Bilake, Leisong mo Leinau oli receivim Pumas long area ia tu."

MELO hemi marretem Leitapera mo tufalla ibornem SIELE. However long 1885 Marik Melo we isalem land hemi papa blong THESA.

Mama blong Siele long famili tri blong Songoriki, hemi Leitapera, be mama blong Thesa long famili tri blong Kalbangalulu hemi Leitalangi. Ishowem se oli stap tok about 2 different man MARIK MELO/MELU mor wan nara person named MELO.

SIELE imarretem Leimau mo tufalla ibornem TOLA, we idoptem KALOPELE. TOLA mo SAUWO tufala igreat grand son blong TARIMIALA MUNUMUNULOU through long tufalla mama LEIMORU mo LEIMAU. Tufalla irelated long original klemant through long Sauwo, from taem LAKELEOLANGAI ided MALASTAPU lukaotem SAUWO.

Spokesperson blong Kaonta Kleman 3 hemi submitim wan buk we hemi includim olketa judgements, orders mo Ruling blong Island Kot, Supreme Court mo Court of Appeal over long olketa issues blong Kastomary Ownership blong land long area blong Mele, particularly tufalla lands PONATOKA mo PANGONA.

Disputes over long tufalla lands ia tufalla iregistered long Efate Island Court long Order ia:

Efate Island Court hemi dealt wetem tufalla long same ia long same manis blong July 2004. Hemi firstly dismissim case blong Ponatoka from se ino gat original klemant mo hemi declarem Kastomary ownership blong PANGONA, without lukluk deep insaed long evidences from olketa Kaonta klemants oli withdrawem claim blong olketa. So ino been gat proper trial long tufalla cases ia. Igat reasonable belief se map we ikamaot long judgment blong Pangona hemi no been made subject long public notice olsem section blong island Court Act Cap 167 italem.

Furthermore iluk olsem igat wan order blong stayem ol orders long case 1/97 we ilaef istap long foret blong Supreme Court.

Followem History blong Lakeleotaua hemi muv ikam down from Warewo mo hemi setel long graon blong hem nem Ilama. Ples ia now igat nakamal or fare blong hem we hemi BELIUSUMANAKA. Village or nasara blong hem oli kollem MALASEI PANUENUE, narafalla name blong hem MALARIPU, we imeanim se Tapu ples mo hemi loket long Ilama Land, we before olketa bumbu blong olketa oli liv long hem around 1700s.

LAKELOTAUA hemi origainally setel down long land or graon long ILAMA LAND wetem forfalla famili ia VATOKO, MATAUTAVA, SOBUSO, mo MALASIKOTO.
ILAMA hemi carvremap full boundary we icallem PAUNATOKA BOUNDARY. We Leipoe Kaltoa Malas hemi putum long klem.

Olketa ples long setelmen blong LAKELEOTAUA wetem forfalla other family oli: Nabangatinimiti, Lobuluaki, Tebasoroa, Jipajiroa, Ilama, Panuenue, Temoto, farea Bango, Lolanga, Mattepapa, Tebakesa, Mantnaitapu, Lobatu, Ione, Waretau, Feioa Ragona, Pakanae, Tebukariki, valeriki Makere, Iontano, Tevaka Tekimoa, Temuri Inosara, Matasube, Fatungisu we hemi loket long Tewaramasau, Tafun Tamenu, Tekove, Pangonasusu. But oli klem smol area nomo...

LAKELOTAUA
Imarretem LEIRAKOMU
↓
KALOSIKE
Imarretem TOUNIARU
↓
KALONSAMA
Imarretem LEISONGI
↓
NAKMAU
Imarretem LEIWOTAWOTASEI
↓
KALOVULU
Imarretem LEIMANAWORA
↓
KALSAMATA

Hemi confirmem history, boundary mo family tri. Mo hemi answerem olketa cross examination:

Hemi admitiim se taem oli go settle long Ilama famili Songoriki too oli stap finish. Taem oli stap long Nabangatiminiti wan long olketa ided mo oli berem there. Mo taem oli go stap long sea shore Kaltabera hemi ded long Feiovarogoana.

Nakamal mo Nasara blong chief blong olketa istap long Ilama. Hemi gat ground too long Ponatoka land we istap long dispute tudei.

Hem too hemi talem se before oli go long war, olgeta ancestors blong hem, bambae oli go meet long Farea Banga we hemi big Nabanga we olketa people blong Lolang oli stap meet long hem.

Hemi talem se olketa people blong tribe blong hem oli tekem olketa people blong antop long hill (bush) igo down long Mele. Songoriki wetem hem oli part blong same tribe nomo. Tebakessa hemi land blong olketa. Wan apu blong hem ibin live long Makere, hemia behind long cement factory.

Fatugisu hemi wan hole blong stone we bae wanwan taem bambae red fish istap kamaot long hem blong announcem wan death.

Hemi agree wetem FAMILY MALAS NIWANGO (KK4) se igat 3 different lands long disputed area: PANGONA, PONATOKA mo ILAMA.

Hemi revealim se hemi claim Pangona under long line blong mama blong hem, mo hemi claim Ponatoka under long name blong papa blong hem. Olketa ancestors blong hem oli move ikam daon long 1700s.

-Malasikoto Kaltavalulu we hemi chief blong small island mo Pangona Land Mama blong hem imuv igo down long Pangona wetem Malasikoto Kaltavalulu.

Ol ancestors blong olketa oli stap move according long needs blong olketa mo inter marriages between ol clans.

Ilama hemi part blong Ponatoka, mo istap long hill so hem too involve insaed long 'Pona Land Trust'. Ponatoka hemi wan new nem nomo we original claimant hemi putum taem dispute over ol grounds istap come antap. Furthermore Ilama hemi no connect wetem famili Malas nothing.

Waretau land ia, hemi blong TARAVAKI, mo hem now italem long hem (witnees) blong hemi work long ples ia, be hemi reluctant from oli developem area ia tumas finis.

Hemi tru se famili Delarue oli settle down long Farea Kalibo. Be hemi claim Pakanaeriki mo Pakanaelapa.

Hemi agree wetem FAMILY KALTONGO TARIMIALA (KK1) se taem oli move ibin gat man finish long ples we oli settle long hem, long 1941. Long taem ia Malasikoto hemi chief finis, hemia long 1800s mo igat 6 family nomo.

Famili Lakeleotaua wetem hem tufalla icousin through long mama blong tufalla.. Tufalla mama blong tufalla isista. Mo tufalla families tufalla ibin work tugeta since 1900s long ILAMA land.

Hemi talem se hemi kam long kot blong presentem olketa pruf se LAKELEOTAUA wetem olfalla bubuman blong hem MATAUTAVA tufalla I stap wan ples.

Settlement blong MATAUTAVA igo olsem: Ione igo antap kasem TLOBATU mo MATNAITAPU includim TEBAKESA, MATEPARA mo MAKERE.

IONE hemi ground blong Matautava, papa blong hem iletem ol people oli work long hem, be hemi no save who iputum ol man Ambrym long ground ia, TLOBATU hemi ples we olketa man Ambrym oli settle long hem. Ione istap down long Melemaat, where Tasale istap live long hem tudei. Hemi no go kasem long water fall.

MATNAITAPU hemi name blong river were Joseph imakem wan project long hem. TEBAKESA hemi gate or bridge, hemi name blong river too we cascade istap long hem.

MAKERE hemi land blong ol pupu. Hemi no save se who isalem. Tudei oli plantem Squashed pumpkin long hem.

LAKELOTAUA hemi naflac breadfruit. Mama blong hem (witness) hemi sister blong papa blong LAKELEOTAUA. Mama blong hem now igivim right long hem blong hemi work long ground we istap long Mele tudei.

Iluk olsem LAKELEOTAUA hemi wan Maau too, mo hemi luk save se igat wan chief, but hemi no talem stret name blong chief ia. So ino clear se who hemi chief blong olketa. Hemi talem se hem mo Songoriki tufalla ipart blong wan tribe nomo, but hemi no acknowledgem se Songoriki ichief?

LAKELEOTAUA hemi blong Ilama; hemi settle long Warewo mo hemi buildim nakamal BELIUSUMANAKA long Village or nasara blong MALASEI PANUENNUE.

Mama blong hem (Lakeleotaua) imuv igo down long Pangona wetem MALASIKOTO KALTAVALULU. Igat 2 Malasikoto long taem ia Malasikoto Onetapu mo Malasikoto Kaltavalulu we hemi chief blong small island mo Pangona Land. Hemi no talem se oli settle where long Pangona.

ILAMA hemi cavremap full boundary we oli callem PAUNATOKA BOUNDARY. Grup blong kaonta kleman ia isettem up village BELIUSUMANAKA, insaed long village ia igat Nasara Malasei Panuenue or oli stap callem too "Malaripu".

Ol settlements blong olketa includem Nabangatinimiti, Lobuluaki, Tebasoroa, Jipajiroa, Ilama, Panuenue, Temoto, farea Banga, Lolanga, Mattepapa, Tebakesa, Mantnaitapu, Lobatu, Ione Waretau, Feioa Ragona, Pakanae, Tebukariki, valeriki Makere, Iontano, Tevaka Tekimoa, Temuri Inosara, Matasube, Fatungisu we hemi loket long Tewaramasau, Tafun Tamenu, Tekove, mo Pangonasusu.

Yet kastom boundary we kaonta kleman ia oli stap long PANGONA (map blong hem); for example "Fatungisu". Mo klemant ia hemi wan long olketa kaonta klemant long case blong Pangona, mo long july 2004 hemi withdrawem klem blong olketa mo agree se land PANGONA iblong Chief Malasikoto. Land Pangona ia now isharem same boundri wetem klem blong hem long tudei.

Hemi no identifae boundaries blong olketa pieces land we hemi talk about above. So Kot ino sure se oli stap refer long which pieces land or pasis; from majority blong ol kaonta klements long case ia oli kam wetem own nem blong olketa. Long plante case, sapos oli same name, be boundri mo location hemi different.

Hemi interesting se Lakeleotaua iagree wetem Family Malas Niwango (KK4) se igat 3 different lands long disputed area: PANGONA, PONATOKA mo ILAMA; but hemi no identifaem stret boundaries blong trifalla lands ia blong helpem Kot.

Hemia ishowem se oli no sure long olketa boundaries blong lands, but oli sure se olketa ancestors blong olketa oli stap work long ples ia before.

Hemi claim se hemi disputim Pangona under mama blong hem mo Ponatoka under long papa blong hem. But hemi no clearem se papa blong hem iownem which land boundries exactly from hemi admittim se taem oli kam down, igat man stap finis. Hemi confusing mor taem hemi talem bakeken se Ilama land ikavremap full boundary blong Ponatoka. But first witness blong hem italem se Ilama hemi part blong Ponatoka, mo istap ontap long hill.

Witness Vatoko Maurice Kelly wetem kaonta klemant Lakeleotaua tufalla i cousin from mama blong tufalla isista. Mo tufalla families tufalla ibin work tugeta since 1900s long ILAMA land. Be hemi no givim name blong papa blong tufalla mama blong tufalla ia. Mo witness ia hemi claimem Pakanaeriki mo Pakanaelapa while hemi agree se famili Delarue oli settle down long Farea Kalibo.

Finaly insaed long Ilama land ia igat some piece land blong Matautava long Tlobatu (ples we olketa man Ambrym oli settle long hem) mo Matnaitapu we hemi including Tabakes (gate or bridge, hemi name blong river too we cascade istap long hem)
Matapera (water falling from antop mo shareout taem hemi come down),
Makere (ples we oli plantem Squashed pumpkin long hem, tuidei).
mo Ione. Ione istap down long Melemaat, hemi no go kasem water fall.

Mama blong hem isister blong papa blong LAKELEOTAUA. Mama blong hem now igivim right long hem blong hemi work long ground we istap long Mele tudei.

Be hemi no talem name blong mama blong hem or name blong papa blong mama or papa blong Lekeleotaua.

Oli naflac "Bred fruit"; oli no talk about KK1 but iluk olsem hem too hemi bredfruit.

LAKELEOTAUA, hemi originate long WAREWO mo settle long ILAMA. Hemi wan Maau too mo hemi part blong tribe blong breadfruit. Hemi muv wetem chief MALASIKOTO KALTAVALULU blong farea BELIUSUMMANAKA; wetem narafalla families bakaken oli populatem Ilama land. Ol families igat:

Mama blong hem igo long Pangona wetem chief Malasikoto Kaltavalulu Nawota.
Be hemi klem under papa blong hem.

Spokesperson blong kaonta klemant ia hemi change from John Malas igo long Noel Malas.

Editors Note: Refer to attached PDF for the true version of this family tree.

Family MALAS NIWANGO hemi start wetem CHIEF MALAS NIWANGO. Malas iminim T'MALASI we whole EFATE lanwis oli save long hem olsem MALASITAPU we iminim Tabu ples.

Chief MALAS NIWANGO hemi kamaot long village we nem blong hem NAMORSALE. NAMORSALE iminim riva wei I pulum wan samting we iblokem rod blong hem sapos iron strong.

NAMORSALE hemi located long side long hill bifor creek we istap down long foot blong snake hill. Name blong creek ia hemi TEPAPA PALAUNAMOR. Mining blong hem se creek we ifullap long fern plants, we lawis blong Mele oli kolem MOROKAU.

Tepapa Palaunamor hemi boundary between Chief MALAS NIWANGO mo Paramount Chief NATAMATESARU (Chief Natamatesaru) we nem blong village blong hem LAKENAWI. Chief Malas Niwango mo Chief Natamatesaru imekem wan peace ceremony long taem blong tribal war mo tufalla I berem ol tool blong fight blong tufalla long Tepapa Palaunamor.

Taem Chief Malas Niwango mo Chief Natamatesaru tufalla iberem ol tool blong fight blong tufalla long Tepapa Palaunamor, river idry mo never ron bakeken kasem tudei.

Chief Malas Niwango mo Chief Natamatesaru tufalla irespektem tufalla long boundary between tufalla mo tufalla ilive gud olsem ol gud neighbour long peace.

Live ibin kam hard tumas taem riva long Tepapa Palaunamore ibin dry mekem se tufalla imust muve igo moa long ol niufalla ples we igat akses long wota.

Chief Natamatesaru mo clan blong hemi muv aot long Lakenawi mo oli go klosap long solwota hemia long Mangaliliu we igat akses long river.

Chief Malas Niwango hemi muv aot long village blong hem Narmorsale long Tepapa Palaunamore wetem clan blong hem igo down long Farea Epanga we hemi gat akses long river kolosap. (Temoto)

Taem we oli kasem down long malaripu, Malas Niwango mo son blong hem Malastapu tufalla ibuildim T'MARAE blong tufalla long hem. T'MARAE hemi minim Nasara blong tufalla. Farea blong tufalla hemi FAREA MALASEI. Hemi plantem tri ATUKI or TAMTAM. Chief Malas Niwango mo son blong hem iusum ol ATUKI ia blong olgeta kastom ceremoni blong nasara blong tufalla. Igat photo evidence long 1984 blong one long ol last remaining part blong Atuki ia long Nasara blong Chief Malas Niwango mo son blong hem long Malastapu, Malas Niwango hemi stap long Nasara blong hem long Malaripu mo hemi luk one smol island out side.

Malas Niwango wetem clan blong hem icrossem solwota long canoe igo long Tenuku Tapu. Taem hemi go shore long Tenuku Tapu hem ibuildim Fare blong hem, Farea Malasei long Imere Tenuku Tapu.

Chief Malas NIWANGO mo son blong hem Maau Malas Tapu tufalla igat wan extra ordinary power we taem tufalla ikillim pig mo sakem igo long Tapu stone we name blong hemi FAT-TAPA istap long ITAI LERUA spirit blong ded man ia icrae out strong long FATU-RARAVE taem ol man oli stap long area blong area blong ol ground blong Malas Niwango mo son blong hem Malastapu, oli harem sound blong crae long Fatu-rarave, oli save se igat ded long Imere Tenuku mo oli mas go back long Imere Tenuku Tapu. Fatu-Rarave hemi one stone we igat hole long hem mo istap long area blong Bukura long mainland. Fatu-Rarave hemi one land mark blong tufalla we istill stap yet tede.

Chief Malas Niwango mo son blong hem tufalla iworkabot mo mekem karen long ol place olsem Bakura, Bautoa, Buru Waraone, Buru Fatufatu, Suaniriki, Suanilapa mo some nara area mor.

Bifor Malas Niwango hemi ded, hemi handem over Chiefly title blong hem igo long son blong hem Maau Chief Malastapu.

Editors note: please refer to the attached PDF for the true version of this family tree.

Before Original claimant hemi proceed long cross examination. hemi raisem wan administrative issue we iluk olsem counter claimant ia hemi no pem fee blong hem from receipt we hemi presentem hemi receipt blong original claimant himself.

But Klark blong island kot iconfirm se hemi pem fees blong hem long 30 000 vatu. Hemi presentem long bench wan private mo ordinary receipt, from hemi pem late mo bambae clerk irilisim wan receipt yet long hem.

Taem hemi stap answerem original klemant we hemi cousin brother blong hem; hemi talem se "NIWANGO" hemi wan title blong Chief Malastapu. Chief Malastapu hemi gat plante titles. Grave blong hem istap long Imere Tenuku, igat wan namele tree igrow long head blong grave ia.

Among olgeta titles ia, ROGOANAWIA ROGOANAMIMAE mo Masongolapa. Malastapu Onetapu too hemi wan narafalla title blong hem we hemi handem over long boy blong hem. MALAS NIWANGO hemi stap usum boy blong hem MALASTAPU olsem Maau blong hem.

Everiwan oli save se Malastapu hemi adoptem Sauwo, but every lands we oli mentionem long klem blong olketa oli blong Malas Niwango mo son blong hem Malastapu.

Malastapu hemi defendem lands ia wetem pipe blong hem (story blong pipe ia hemi same as Original Klemant). So boundary blong olketa hemi same wetem Original klemant.

Long time blong tribal war igat MALASTAPU, MALASIKOTO mo TARIMIALA nomo. Bigfalla boundary ia olgeta trifalla nomo oli rule long hem.

Mo Niwango hemi wan Maau we taem hemi fight mo winim fight blong hem, hemi makem ceremony over long land we hemi win long hem, olsem wan kind "Nasautong" blong blood iron blong clearem ground before oli move igo long hem. Tarimiala hem wan nomo igo long war wetem Malas Niwango. Mo oli adoptem decendant blong hem igo insaed long famili Malas. Kalorongo hemi first born boy blongMalastapu.

2 boys long famili LAKELEOTAUA oli no save se ples ia oli tabu, tufalla igo pispis insaed long stone long solwota opposite Fatu rarave, mekem se igat wan terrible heartquake. Mo kasem tudei ples ia hemi gat hot spring. Mo water ihot oltaem.

Malas Niwango hemi gat wan nakamal long Fatugisu we hemi controlem win mo solwota. Hemi toktok long stone ia blong changem wind.

Hemi clearem se MALARIPU hemi includim Pakanaelapa, Pakanaeriki, hemi sharem common boundary wetem Lakenapagatau, irun West igo long Ionetano igo inland to Fare Epanga long bottom blong hill, ifollowem hill down long Farea Langa.

Start long top blong hill igo long Temoto, up long snake hill, kasem wan creek where Nichola istap mekem Karen long hem. Opposite long hem, be long right saed taem one itravel igo long Vila, hemi Ilama.

Long saed blong Malasikoto mo Malastapu, Malasikoto hemi stap work very close long Malastapu, so Malastapu igivim ¼ blong nambas blong hem long hem mo givim name ia Maskot

Hemi pikinini blong Kaltapang Malas we Supreme Court irecordem hem olsem Kaltapang Cecoto Malastapu. Hemi talem se papa blong hem istap pass long kot without documents, history irecorded insaed long mind blong hem nomo.

Hemi agree se Tarimiala (KK1) hemi wan Maau wetem Malas Niwango. Long taem ia Malas Niwango hemi big chief. Malastapu hemi son blong Malas Niwango.

Hemi admitim se oli no includim Sauwo insaed long famili tri blong hem mo too Leinaru we hemi girl blong Malastapu wetem second wife blong hem, from taem hem (Leinaru) imaret, oli givim poumas long hem long wan piece land. Land ia istap long disputed boundri. Currently Marc Niel Jones ileasim ples ia.

Boundary blong MALARIPU hemi bigwan be oli mentionem smol ples nomo long case ia. Hemi no save name blong blong trifalla tamtam we oli stanap long cemetery but sapos KK1 (TARIMIALA MUNUMUNULOU) isave igud, from tamtam ia hemi blong olketa everyone nomo, we oli putum long grave blong papa blong KK1.

Hemi admittim se Famili Malas oli divided for last 16 years, be hemi no save sapos oli save unite bakaken. Be Family tri blong olketa icorrect.

Hemi confirmem se igat boundary we iseparatem Tuktuk. Mo Bangalulu iownem Tuktuk land.
Kalipo hemi small part blong Malaripu land.

Hemi talem se plante long olketa narafalla Kaonta Klements oli kam down from Buffa. Grave blong Malas Matua istap long small island, grave blong Malastapu stap long big island (Malaripu).

Hemi save se oli givim wan land long Sauwo time oli adoptem be birth right istap wetem bloodline not adoption line.

Hemi clearem se each Kaonta klements oli gat own Farea blong olketa be igat wan chief nomo.

Chief Malas Niwango, hemi high chief blong Mele. Tudei William Malas iholem title ia.

Kaonta klemant 4 hemi brother (first cousin) blong original klemant. Tufalla iklem under long same man but under long two different chiefly titles: MALATAPU mo MALAS NIWANGO. Long famili tri Original klemant hemi kamaot long KALTOA, kaonta klemant ia oli kamaot long KALORONGO. Tufalla tugeta iborn long MALAS wetem LEIPOE. But tufalla iklem under title "TAPU" mo "NIWANGO".

KALORONGO imarretem LEISAVARY mo ibornem line blong kaonta klemant ia mo KALTOA, imarretem LEIREI according long evidence blong Original klement mo ibornem line blong Original klemant. But Kaonta klemant 4 iclaim se KALTOA imarretem TOUMATAKU.

Kot inotisim se LEISAVARY hemi kamaot long famili blong TARAVAKI we hemi kaonta klemant 6 we istap claim area blong Bukura mo Bakura from blood blong Kaltanaki. Histori we tufalla group blong Malas iprodiusim long kot istap confusem Kot. But hemia hemi normal from oli written mo hemi long taem finis.

Contradicton 1. Kaonta klemant ia hemi claim se kastom boundary between Mele mo Lelepa hemi TEPAPA PALAUNAMOR from tufalla chieves iberem weapons blong fight long river ia mo river idrae. Whereas original klemant hemi talem oli mekem bigfalla kakae nomo mo tufalla chieves oli no save communicate from oli no save language blong each other. The only toktok oli talem is "EKOMAM AU". So famili Malas oli save about peace ceremony. Niwango hemi putum importance long stori ia from hemi markem boundary between hem mo Chief Natamatesaru blong LAKENAWI, hemia antop long bush. Original klemant hemi more concern wetem bouundri blong settlement.

Iluk olsem NIWANGO hemi blong bush mo TAPU hemi blong solwota. Oli joinnem tufalla boundaries mekem se oli klemem bigfalla area.

Contradiction 2. Long exodus blong olketa, Malas Niwango mo Malastapu iwalk about tru long bush igo long Matapara igo down long Tebakesa mo igo down long Lopatu mo go settle down long Malaripu. Tufalla ibuildim T'MARAE blong tufalla long hem mo FAREA MALASEI. Hemi plantem tri ATUKI or TAMTAM. Then tufalla imove igo long small island. WHEREAS Original klemant italem se: ROGOANAWIA ROGOANAMIMAE istap long smol aeland long imere Tenukutabu. Hemi stap kam long big land blong mekem karen long LAKENARU. Taem hem ided ilivim long pikini blong hem MALASIKOTO ONETAPU. Then igo long MALASTAPU. Original klemant hemi tracem histri wan generation before Kaonta klemant 4, but hemi no talem how oli muve igo long small island.

Contradiction 3. Kaonta klemant ia hemi save se Malastapu hemi son blong Chief Malas NIWANGO; mo hemi stap usum Malastapu olsem Maau blong hem mo hemi talk about extra ordinary power we tufalla istap usum long FATU-RARAVE. WHEREAS Original klemant hemi no mentionemMalas Niwango but ROGOANAWIA ROGOANAMIMAE igo long Malasikoto Onetapu mo Malastapu.

Malastapu mo Nabangamiala. WHEREAS original klemant ino mentionem Nabangamiala. Hemi ino clear why? but isave putum thinkthink se from NABANGAMIALA iborn long different mama therefore different Naflac, so Original klemant ileavim hem out.

Contradiction 5. Kaonta klemant ia italem se taem Nabangamiala ided, Malastapu imarretem Leipoe we hemi widow blong Nabangamial mo ibornem 2 girls we tufalla irecievim "Pumas" long area ia. But initially, original klemant ino mentionem tufalla girls ia. Taem oli cross examinem hem now, hemi just admittim mo hemi talem se olgeta girls ia oli marret out mo oli gat "Pumas". Hemi difficult blong luk save point ia, from LEIPOE too hemi wan girl we hemi marret out long wan Franis man ("finis"), but yet hemi main klemant long case ia long 1993; over bigfalla boundri. Bakaken ikam back long thinkthink se Naflac imust playem small role long conflict blong ground;

WHEREAS original klemant italem se Kaltoa hemi first born. Be sister blong tufalla, Leipoe now isave gud history. Leipoe ia, imarretem wan franis man DELARUE. Iluk olsem Leipoe now hemi startem land case ia Suprisingly Leipoe isave gud every date blong birth mo ded blong ol pikinini blong Malastapu. Hemi recordem se:

Be oli no mentionem ol detail blong Kalorongo, Kalfao mo tufalla sisters blong hem (ol pikinini blong Nabangamiala). Iluk olsem hemi interest long histri blong Malastapu nomo. Unfortunately court ino save why histri hemi limited long Malastapu nomo mo Malaripu nomo, from oli no elaborate long background blong Leipoe senior (who ol parents blong hem).

Contradiction 7. Kaonta klemant ia hemi talem se Malas Niwango wetem son blong hem Malastapu igo first settled long Imere Tenuku tapu mo buildim Malasei. WHEREAS original klemant italem se Chief Malasikoto Onetapu hem ibin settle long plante area insaed long land ia Ponatoka. Tufalla ibin go long 1^st settlement long Tenukutabu smol island (Hide Away), long time blong darkness, around 1774. Nakamal blong hem there, hemi Malasei we hemi bifalla Farea. Hemi bornem 2 pikinini boys KALTOA MALAS mo KALRONGO MALAS. During long cross examination hemi addem second wife blong Malastapu wetem 2 girls blong hem SELESONGO mo LEINAU mo tufalla adoptem: SAUWO TARIMIALA mo KALFAO VAKI. Malasei hemi oldfala Nakamal long bush.

Taem blong cross examination Kot iluk se some statement oli change bakaken:
Taem spokesman istap answerem original klemant we hemi cousin brother blong hem; hemi talem se "NIWANGO" hemi wan title blong Chief Malastapu. Iluk olsem tufalla Malas iwandem groupum tufalla long name ia Malas, mo fight from interest blong tufalla long olketa chiefly titles.

Infact hemia bambae istret followem kastom blong Efate we taem oli ordainem wan chief wetem wan title, bambae oli showem Namarakian blong chief ia mo Siloa blong hem. But hemia unfortunate se oli no talem name blong olketa man we oli stap behind long olketa titles ia. Mo too how oli stap ordainem olketa chieves ia. Long ples ia igat 2 titles tufalla iwalkabout tugeta: Malas Niwango mo Malastapu. Iluk olsem wan ichief mo narawan hemi chief blong Maaus blong protektem chief? Furthermore evidence ishowem se Malas hemi ordained Niwango before hemi tekem ol narafalla titles ia: TAPU, KALTAPANGA, TAFURALAPA, MASONGOLAPA mo MALASIKOTO ONETAPU. But where now particular Namarakian mo Siloa blong each titles ia?

Surely imust gat at least 2 different persons followem history blong Niwango mo 3 persons followem histori blong Original klemant:

Long tufalla famili tri Kot iluk olsem mama blong Malastapu hemi same person. Original klemant irefer long hem olsem Leimolemalu; kaonta klemant 4 irefer long hem olsem Leimole. Iluk olsem Malasikoto Onetapu hemi same person nomo olsem Malas Niwango. Man ia igat 2 boys. Bambae kot igat bigfalla help sapos olketa parties oli save showem origin blong olketa woman we oli stap marretem famili Malas. From hemi instrumental blong tracem famili igo back at least some 6 or 7 generation back.Long case ia, olketa parties oli save avoidem blong talk about ol woman. Yet evidence long histori istap lead igo long system blong Naflac.

However igat evidence we ishowem se long time blong tribal war igat MALASTAPU, MALASIKOTO mo TARIMIALA nomo. Bigfalla boundary ia olgeta trifalla nomo oli rule long hem. Hemia indicatem se iagt 3 bigfalla lands insaed long boundri ia wetem olketa own kastom administration blong trifalla mo numbers of tribes blong trifalla. Evidence ia ikamaot finis long Nakmau Sambo we italem se: "Hemi agree wetem FAMILY MALAS NIWANGO (KK4) se igat 3 different lands long disputed area: PANGONA, PONATOKA mo ILAMA". But oli no identifaem ol main boundries blong olketa trifalla lands ia.

Followem thinkthink ia bambae kot ia itraem blong determine case ia. Wan piece evidence ikamaot long evidence blong Kaonta klemant 4 taem hemi replae long Tarimiala (KK1) se "MALAS" imean "DARK BUSH" mo NIWANGO imean "CHIEF BLONG KILLIM PIG".
So Malas Niwango iblong dark bush, exactly olsem Kaonta klemant hemi stap talem mo under long title Niwango hemi stap fight mo kilim olgeta man from ground blong olketa mo mekem nasautong long ples we hemi winim. Hemi no talem sapos hemi mekem some tribal war taem blong exodus blong Malas Niwango through long bush igo long Farea Banga mo kam down long Malaripu mo go settle long small island.

Hemmi no clearem too se which village hemi winim mo where place hemi mekem ceremony blong "Nasautong" before hemi enterem such land or territory?

Oli no talem too se how oli adoptem Sawo whanem kastom oli performem? mo performem kastom ia igo long who?

Igat evidence too se 2 boys long famili LAKELAOTAUA tufalla igo pispis insaed long stone, mekem se igat wan terrible heartquake. Mo kasem tudei ples ia hemi gat hot spring. Mo water ihot oltaem. So ishowem se famili Lakeleotaua oli gat fri acces too long area ia. Mo ples we Sokomanu hemi stap tok about mo refer long hem olsem Pandoue long judgment blong cement factori, hemi SUANERIKI mo SUANELAPA. Long visit long land ia, kot iluk se same ples ia some parties ol refer long hem olsem LOVATE, NAITNAVIITUN or TEMUNILLOTAU, long ples ia now igat stone ia FATU-RARAVE.

Witness Kelep Kaltapang hemi pikinini blong Kaltapang Malas. Supreme Court named Kaltapang Cecoto Malastapu hemi talem se papa blong hem istap pass long Kot without documents, history irecorded insaed long mind blong hem nomo.

Kot imust talem se hemia stret histori from histori blong olketa ancestors blong yumi hemi kamaot long mouth to ear nomo or hearsay, from long taem ia ino gat school: read mo write hemi no wan possibility. Literacy we yumi findem long market tudei over long olketa land blong Vanuatu, oli written by foreigners we igat possibility se sometime oli stap writtem wrong name long wrong ples, though stori we oli relatem long yumi tudei (and we are thankful to them) oli tru, but language mo foreign concept isave transformem location blong lands in dispute as well as confusim rightful owner.

So Kaltapang hemi confirm se land ia iblong SAUWO. Long taem ia MALAS iklem against SONGORIKI base long adoption we oli mekem over long SAUWO. But Supreme Court hemi deklarem se taem Sauwo iadopted hemi lusum ol right blong hem under long biological parents blong hem. Supreme Court decision long L1 of 1985 ia hemi relate long title we cement factori istap long hem nomo.

GOURS or NGOS igivim land long SAUWO from papa blong hem LAKELEOLANGI ided long war. Long taem blong Supreme Court trial ol witnesses blong famili Malas oli no save se how oli ownem land ia. Tudei oli admittim se famili blong Tarimiala oli go long war wetem Malastapu.

Igat indication se igat small piece blong MALARIPU land insaed long disputed boundri ia. But oli no difinem. Iluk olsem oli think se Pakanaeriki mo Pakanaelapa oli part blong MALARIPU land; olsem Kalmatakoro Noel Malas, italem?

Evidence ishowem se Famili Malas oli klem 3 bigfalla Nakamal long disputed area ia:
NAMORSALE, EPANGA mo MALASEI (in land). Kot iunderstandem se Namorsale antop long hill (ples we oli mekem peace) Epanga ples we oli transit long hem before oli go settle long MALASEI (long small island) mo oli gat more than 3 Fareas, we everyone oli concentrate long land MALARIPU nomo?

Oli submittim evidence se igat plante Farea long village blong Mele, but igat 1 chief nomo. Chief Malas Niwango, hemi high chief blong Mele; mo William Malas now iholem title ia tudei. But oli no clearem se who ia William mo who iordainem hem? Furtermore kot ino save locatem wan "WILLIAM" long famili tri blong Malas Niwango. Mo too Kot ino luk name ia "MALAS NIWANGO" long famili tri but hemi ilocatem wan "MALASTAPU" we hemi marretem Fanaka long famili tri we oli submittim. "Malastapu" ia hemi only son blong KALOPILIU. Mama blong hem Louise. KALOPILIU hemi second born son blong KALORONGO. KALORONGO hemi first born son blong MALASTAPU. Mo MALASTAPU hemi first born son blong MALAS NIWANGO. Why such important title ino go long KALSALEAKI (first born son blong kaltapang?)

MALAS hemi blong dark bush NIWANGO hemi huntem wild pig. So MALAS NIWANGO hemi wan Maau we istap long dark bush. Hemi stap acquirem lands through battle. Hemi orijinate long Namorsale, hemi migrate through long bush; igo transit long Farea Epanga mo go settle long Imere Tenuku.

MALAS NIWANGO imarretem LEIMOLE or LEIMOLEMALU mo tufalla igat 2 boys: MALASTAPU mo NABANGAMIALA.

MALASTAPU imarretem LEIPOE mo tufalla ibornem KALORONGO hemi first born mo KALTOA. NABANGAMIALA imarretem Leipau mo tufalla ibornem KALFAO; taem Napangamiala ided, Malastapu imarretem LEIPAU bakaken.

MALAS NIWANGO hemi same person long MALASIKOTO ONETAPU we original klemant irefer long hem. MALASTAPU hemi wan Maau blong MALAS NIWANGO.

Hemi settled firstaem long big island long MALARIPU; then hemi move igo long smol island. Ol istap go mekem karen long big island, along the coastline kasem Bukura;

Igat high probability se Malas Niwango isharem same boundary wetem Chief Malasikoto long West mo Chief Namatesaru long North, hemia long bush;

Igat 3 bigfalla lands insaed long disputed land: PANGONA, PONATOKA; mo ILAMA. Mo PALAU NAMORO CREEK hemi main boundary blong Malas Niwango antop long bush.

Spokesperson blong kaonta klemant ia hemi Simeon Poilapa, Kaonta klemant hemi chief blong Mele Village for sometime. Long 1995 hemi filem claim blong hem taem Leipoe Kaltoamalas ilodgem klem ia.

Olketa documents we hemi base long hem oli dated 1995 (original klem) Hemi no changem. Furthermore, hemi givim plante usefull information igo long Kot over olketa disputes blong Lands long area blong Mele.

Hemi claim se boundary blong Masauvakalo hemi bigwan mo hemi extend igo inside long area we original claimant hemi putum long claim blong hem

Paramount chief MASAU VAKALO hemi gat Nakamal blong hem long Farea PAJIPAJI RAGORAGOA, Nasara blong hem long MALAKITA, Temarae PAJIPAJI RAGORAGOA mo Vilej blong hem long KAIGA PAJIPAJI RAGORAGOA.

Hemi stap usum water we hemi tekem long: TEMITINI, LUKMOLI, NAISARURU, TEMOTO mo TEPAKESA.

Landing sites blong olketa LONG IONIMALA, TIMURI T'NOSARA mo TOGOVA. Bigfalla developments oli stap long ILAMA, MALAKITA mo LOPUTUAKI. More smaller development itake ples long PAKURA mo BUKURA.

Up to time we histori ia hemi written Jif Masau Vakalo igat 7 genrations blong descendants blong hem.

Long taem blong ol forefathers blong Masauvakalo, life hemi hard mo dangerous from civil or tribal fights between ol individual vilejes within Mele erias and different tribes mo other villages long aeland blong Efate. So Chief Masauvakalo mo few remaining people blong hem oli move in search for pisful environment.

Oli livim behind olketa properties blong olketa mo move igo long environment blong Christianity.

Hemi better blong regainem Land Rights mo bith Right blong Famili Masauvakalo. Bambae hemi more beneficial mo worthwhile blong removem ol rights ia from ol foreigners or man aotsaed blong Vanuatu we oli ill treatem ol bubu blong taem before mo tekemaot ol raets ia without save blong bubu, mo tudei ol descendants blong olketa oli victim mo suffer from.

Editors Note: Please refer to the attached PDF for the true version of this family tree.

Further information we Spokesperson blong KK 5 igivim, mo requestem Kot blong hemi considerem taem hemi mekem decisions:

1. Formation blong Pona Land Trust: Long 10 January 1997 Philip Malas Kaltoa (original claimant), Eddie K. Sogonriki (Kaonta Klemant 2), Simion Masauvakalo (Kaonta Klemant 5), Poppet Malas (Kaonta Klemant 4), Morris V. Lakelotauwa (Kaonta Klemant 3), mo Lokin Malas Kaltoa (Original claimant) oli formem wan trust we oli callem "PONA LAND TRUST". Long taem ia ino gat raorao mo everyone oli agree long olketa names blong olketa lands we istap long dispute tudei.

2. Buule Association: hemi wan association blong followem mo drawem up history blong people blong Mele. Meeting blong Buule Association long 4 December 1986. Document ia hemi showem se olketa chives blong ERATAP, ERAKOR,PANGO, FILA ISLAND mo Ol chives blong North Efate oli agree long some boundries:

3. Extract from Mele Chief case: Document ia hemi showem se oli tenderem evidence long taem ia blong talem se:

4. Letter Dated 29 June 1982 from Ministry blong Land. Hemi showem se igat wan meeting between Land comiti blong Lelepa Island mo Mele, blong traem blong putum boundary blong tufalla Marae ia. Former President Sokoman hemi referee (chairman). Meeting includim Minister Donald Kalpokas mo Peter Taurokoto. Oli agree se boundri line hemi followem Tuktuk road right through mo joinem river LEINAMAEA (Most blong ol development igo long Lelepa Land Komiti)

5. Statement blong Famili Masaai dated 20 July 1995 ishowem se long taem blong tribal war, man ino save move easi. Example blong Masaai, Maau blong hem SOKOMANLAPA imust fight strong blong winim olketa blong Tanbuso (wan village) before oli reachim solwota long Mele village. Sokomanlapa hemi killim every man long Tanbuso mo oli muve ikam down. SOGOMANLAPA hemi related long Tarimiala Munumunulou (KK1).

6. History blong FAMILY LAKELOTAUA NAKMAU dated 28 February 2004 ishowem se family Lakelotaua oli bin stap long "Vanuatapu" village, hemi muv crossem some land mo rivers before hemi putum nasara blong hem long Kalibo, oli muv mo walk around bakaken mo stanemap wan "PILAKE" nasara. (history ia oli been talem out long Suprem Court Land case 10 of 1993)

7. Statement blong claim blong Ponatoka landwe Taravaki famili imekem olsem wan claimant long land dated 28 July 1996 ishowem se Taravaki hemi needim Natora blong katem tool blong fight hemi muv igo long PANGONA wan area oli kolem TAIWARAKAMU. Ol man Malakita long bush oli kam fight wetem ol man Tuktuk. Oli killim ded Kaltutak Mau pikinini blong Sigia. So oli claim land from blood blong Kaltutak.

Through long olketa documents ia spokesperson hemi attempt blong discreditem some kaonta kleman.

Hemi confirmem history antop mo olketa documents we oli submitim. Taem oli cross examinem hem, hemi talem se: itrue hemi pass long court for claim 2 different lands 10/93 Malawora mo current one. Hemi joinem olketa parties long case ia from hemi wandem defendem boundri blong chief blong Mele mo himself olsem wan individual in relation to intermarriages. Olsem TIVATELAPA hemi marretem LEISONGKOKORI we hemi daughter blong chief MASAUVAKALO. TAVATELAPA hemi rulem Land toward Airport mo MASAUVAKALO hemi rulem land toward ILAMA-(long famili hemi stap long Mariki Langa Tivatelapa). Title blong hem ia istap wetem witness tudei. Masauvakalo imean chief we icare, protectif mo hemi gat bif heart. Long land case 10 of 1993 oli claim under mama blong olketa, nowia oli claim under papa blong olketa.

Hemi no agree se Farea Pajipaji hemi blong Taripakoa, from hemi blong ancestors blong hem. Hemi wan Farea we people oli save feel save. Farea ia hemi olsem wan fortress. PAJIPAJI imean broken or wounded mo RAGORAGO imean taf (thoug) or strict. Long map area ia hemi stap long title 365 mo 122 long Ponatoka map.

Farea hem imeanim house blong meeting mo Marae imean whole jurisdiction blong wan chief. Oldfalla village blong olketa hemi Kae (Kaino), Farea hemi Pajipaji Ragorago oli stap wan ples nomo.

Naflac blong apu blong hem "Yam" mo mama blon hem "Naniu" "coconut", Christianity iarrive long ples ia long 1845. Olketa people oli run away igo long Nukutapu for safety reasons.

LOPUTUAKI hemi wan creek. Hemi been work long "MALARIPU" up the hill for the last 20 years.

Hemi luk famili Malas mo Taravaki too oli stap go antop long ples ia. FEICVA hemi sandbeach blong MALARIPU.

Hemi talen se MASAUVAKALO hemi wan chief blong ILAMA.
SONGORIKI hemi pikinini blong Masauvakalo, sem wetem TOLA..."

Kot iadjourn for lunch but taem iproceed bakaken long afternoon kaonta klemant iwithdrawem witness blong hem.

Kaonta klemant ia hemi bigfalla chief blong Mele for the last 3 decades under long name POILAPA. Hemi toktok calmly wetem respect. Yumi luk save se hemi karem gud name blong hem "Masauvakalo" we hemi talem se: "imean chief we icare, protectif mo hemi gat big heart".

Long way we hemi kwestenem ol parties, hemi seems to takem into account se olketa parties ia, oli people blong hem. Hemi traem best blong hem blong no askem ol embarrassing kwestens or olketa kwestens we bambae isave showem disrespect blong famili blong hem olsem chief. Taem blong walk about long land, hemi move wetem respect mo calmly showem olketa sites blong hem long Kot.

Hemi produsum plante informations we isave helpem kot ia; mo hemi attempt blong discreditem evidences blong some kaonta klements wetem ol own evidences blong olketa we oli produsum long kot finis before long ol dif diferent court cases, without critisaem olketa. For example:

3. Statement blong claim blong Ponatoka land we Taravaki famili imekem olsem wan claimant long land dated 28 July 1996 we iconfirm bakaken se ol man long hill oli no friend blong olman solwota. Some village long solwota oli resistem passage blong ol man igo down long solwota mo oli killim anyone long road blong olketa.

Evidence we TIVATELAPA hemi marretem LEISONGKOKORI we hemi daughter blong chief MASAUVAKALO, hemi normal practice blong before. Two pikini blong two chives imarretem each other blong keepim peace between tufalla village. Iluk olsem Masauvakalo ia igat 1 daughter nomo ifollowem ikam down long hem tudei.

Line blong hem iconnect wetem line blong Songoriki through long Kaltaliu mo Leitongatare. Couple ia tufalla ilive around 1881. Olketa years we Siele, Marikmelo mo Munumunulou oli start blong salem land. Evidence blong Songoriki ishowem se hem (Songoriki) iwan smol chief be oli no talem se who now big chief. Infact tufalla famili ia oli mingle wetem each other long taem ikam finis. Olsem KALTALIU mo LEITONGATARE mo MARI mo AKUMA

Taem hemi givim evidence hemi talem se "bamabae hemi mo beneficial mo worthwhile blong removem ol rights ia from ol foreigners we oli been ill treatem ol bubu long taem before mo tekemaot ol raets blong lands blong olketa without save..., Mo tudei ol desendants blong olketa oli victim mo suffer yet". Toktok ia isave relate igo long wan toktok we Original klemant italem taem hemi talem se oldfalla Malas istap long solwota mo point igo long hill... (unlimited). Hemi probable se europeen purcharser long time ia hemi free blong putum end long surveyor without understanding mo knowledge blong ol oldfalla.

Ol specific titles we kaonta klemant ia istap defendem, oli stap long antop long hill opposite Vareapanga mo behind long cement factori. Ol relative blong hem long saed blong Siele Songoriki oli isalem ol area ia long 1882.

Mo too long way we olketa parties oli been formem Pona Land Trust: Long 10 January 1997 ishowem se olketa parties ia oli save oli gat interest long land long area ia, but oli no save identifaem stret individual boundri blong olketa.

Long map area ia hemi stap long title 365 we oli allocatem long ol man Ambrym long Mele-maat mo 122 long Ponatoka map (circled area long map). Same area ia SONGORIKI (KK2), LAKELEOTAUA (KK3), THERSA (KK7), MALAS NIWANGO (KK4) mo TARIMIALA MUNUMNULOU (KK1) oli kaonta klemem too againstem Original klemant,..Kot ibeen go there mo noticem se hemi wan high level land, we man isave luk surrounding area mo solwota mo hemi true se long taem blong war oli save safe long ples ia from oli save spottem enemie taem istap kam mo hemi difficult blong accessem ples ia.

Wan extract blong evidence long case blong chief blong Mele ishowem se taem olketa man oli move igo long Imere Tenuku Tapu, igat around 10 bigfalla chieves. Mo oli chosum TAEATALO MALASIKOTO blong hem chief. Malasikoto long ples ia hemi different bakaken long Malasikoto Onetapu. Hemia hemi around mid 1800s; then NGANGA TITONGATAPU we hemi pikinini blong Kalorib blong Lelepa we olketa blong Mele oli tekem hem igo long imere after tribal war between MELE mo LELEPA hemi chief after long 1920s. Igat high probability se Taeatalo Malasikoto hemi reign around 1845; taem ia now Gospel ienterem Mele. Mo taem ia too chieves ROGOANAWIA ROGOANAMIMAE, TARIMIALA MUNUMUNULOU mo KALTENEAKI mo MALAS NIWANGO, oli stap long Imere Tenuku Tapu.

So igat a total of 10 high chieves oli findem refuge long Imere Tenuku Tapu around 1800s. Imeanim se igat 10 T'MARAE blong 10 different big lands, wetem 10 bigfalla Namarakiana mo plante Nasaras mo Fareas.

MASAUVAKALO hemi been wan big chief blong tribe blong Ilama. Hemi marretem LEISONGKOKORI mo gat wan girl nomo name blong hem LEISONGKOKORI Junior.
LEISONGKOKORI Junior, imarretem chief TIVATELAPA mo igo stap wetem chief ia long Land toward Airport.

Absence blong male famili ia imekem se MASAUVAKALO hemi loosum power blong chiefly title blong rulum wan tribe blong ILAMA, but SILOA blong MASAUVAKALO we istap long ILAMA hemi stap long smol piece land we isubject long title 365.

SILOA ia imust remain wetem only surviving daughter blong hem LEISONGKOKORI.

Boundary:
Editors Note: Refer to the attached P.D.F for the true version of this boundary.

KASTOM COMPENSATION FROM BLOOD BLONG KALTUTAK; ANCESTRAL KASTOM LAND BOUNDARI BLONG KALSOKAR.

hemi refilem statement of claim dated 28 July 1996, long 25 November 2009:
Oldfalla KALSOKAR, we hemi ancestor blong kaonta klemant ia hemi stap lukaotem ol wud blong katem ol samting blong fight. Ol wud we hemi stap wandem blong katem hemi no stap long area we oli stap live long hem. Ol wud ia, (Natora) oli stap grow long ples we ikat stone long hem. So hemi lego Malawora mo hemi stap grow long ples we ikat stone long hem. So hemi lego Malawora mo hemi go live long eria blong PANGONA long wan smol vilij we nem blong hem TAIWARAKAMU.

Taem ia oli sut long arow ikasem KALTUTAK MAU, pikinini blong Sigia now hemi ded. Nao oli berem hem long Taiwarakamu. Taem oli sutum hem, oli stap long Pukura we hemi ples blong mekem karen mo katem ol tul blong fight.

So PUKURA title 23-001, hemi pat we Taravaki iklemem. Ol eria ia hemi ples we ol oldfala oli katem wud blong fight (Nalnal, spia, arow,...etc) mo semtaem oli mekem karen long hem.

Detail blong fight ia: NARURU KALSOKARI wetem wife blong hem Leimansale tufalla itekem Saelemata wetem Kaltutak Maau (adoptive) mo oli go live long Taiworakamu (Pangona)? hemi ples blong mekem karen mo ples blong oli katem ol tul blong fight mo taem ia ikat wan fight bitwin olketa blong Tuktuk wetem olketa blong Taburam (Tepanasulu Creek ai). Risen blong fight hemi from Tamam Kolau ibornem ol haos long Tuktuk nao Masoepongi ikilim hem ided mo papa blong Tamam Kolau ikros mo singaotem ol man blong hem oli behaen long hem ikam karem olketa blong Malakita oli join tugeta blong go fight long Tuktuk mo during taem ia olketa man blong Tuktuk samfala oli ronwei mo kam hide long Imere Tenuku mo taem oli kam daon oli finem Kaltutak Maau istap long karen blong hem long Bukura mo oli ting se hemi wan long olketa long Tuktuk nao oli sperem hem long spear mo hemi ron wetem spear ikam ded long Taiworakamu mo papa blong hem Kalsokari hemi berem hem long Taiworakamu mo hemi tekem back ol famili blong hem igo back long Imere Tenuku. Imekem se hemi singaotem wan smol area long island blong Imere Tenuku Taiworakamu, Hemi rememberem boe blong hem Kaltutak Maau we ided istap long Taiworakamu long Pangona.

Editor's Note: Refer to attached PDF for correct version of Family Tree above mentioned.

Hemi confirmem history, famili tri mo boundary. Hemi confirm se hem too involved long Land case 10 of 1993, but long taem ia hemi stanap olsem spokesperson blong chief MASAI. Hemi joinem olketa 12 tribes we oli behind long chief Masai. 12 tribes ia oli kam out long MALVUTNA we hemi stap futher up MALAWORA.

NARURU hemi wan title. Stret name blong olketa hemi Taravaki. Taravaki imean luk under water olsem wan diver. Oli holem name ia from famili blong hem oli ol first divers, mo olketa members blong famili oli save dive good. Oldfalla Taravaki hemi wan Maau too, mo shield blong hem iwan stone we hemi stap wearem protectem chest blong hem. Hemi agree we famili TARAVAKI irelated long famili MALAS through long Kalorongo we imarretem LEISAVARI we hemi girl blong TARAVAKI.

Hemi clearem se land we hemi claimem istap long saed blong famili blong oldfalla woman (wife blong KALSOKARI). (mama blong KALTUTAK MAAU we ided by accident.)

VATAMOLE imean stone we istand up long ground. Long taem blong rein blong MALASIKOTO Fatamole ia istap outside long boundri blong Mele, but tudei oli tekem back area ia hemi part blong Mele. SIWENERIKI hemi ples we FATURARAVE istap long hem. Long ples ia igat wan Farea oli callem MALASEI. Hemi blong Masai. Hemi admitim se ino gat man isave bigfalla boundary between Lelepa mo Mele.

Ponatoka hemi wan new name. But hemi save wan name blong ples ia "NOSARA"be istap down nomo. BUKURA mo KAWENE tufalla now inland mark long ples ia. Oli stop blong mekem karen long Bukura from ol Europeen oli mekem title over long ground ia.
Hemi confirm se Farea Banga iblong Anatu.

Hemi born long 1935. Hemi talem se taem oli kam oli settle first long Malarowa, then oli move igo long small island. Taem oli stap long Tuktuk chief MASOE BONG hemi rule. Ino gat chief blong Pangona. Tudei insaed long new ples ia PANGONA igat plante smol smol pieces lands. Hemi never luk ol famili Malas there. Hemi luk chief MASOE BONG nomo olsem chief blong Tuktuk.

Hemi clearem se long darkness time chief Masai now ibin chief. Missionary McKenzie now ichangem course blong chiefly line, mo iputum long MALASIKOTO.

Hemi confirm se Kaltutak hemi ded by mistake, mekem se olketa long PANGONA oli givim wan piece land we Famili Taravaki iklemem tudei, olsem compensation from mistake blong olketa.

Followem evidences blong kaonta klemant ia iluk olsem ancestors blong hem oli kamaot long Buffa. Nauru we hemi wan title blong chief imarretem Leisingi long Buffa. Oli muv under reign blong chief Masai ikam down then Kalsokar imarretem Leimansale; taem oli stap work long area blong Bakura/Bukura wan boy blong tufalla named Kaltutak ided from wan mistake blong ol man we oli stap fight long Tuktuk.

However wan thing iclear: Kaonta klemants long foret blong Kot tudei, oli save se ol ancestors blong olketa oli ownem land ia but how land igo long olketa now iwan confusion.

Hemi probable se woman blong Kalsokari hemi orijinate long area we istap long klem blong TARAVAKI. Reason ia imekem se oldfalla Kalsokar hemi save gat easy access long area ia. Oldfalla Kalsokar hemi wan man blong kattem weapons blong fight. Oli go long area ia from ol natora. Taem oldfalla istap katem weapons wife mo ol pikinini blong hem oli stap mekem garden long Bakura/Bukura. Long wan long olketa days ia, olketa blong Malakita oli joinem olketa blong Tuktuk blong fightem chief blong Tuktuk mo shutum ded Kaltutak by mistake. Mekem se oli pem out life blong Kaltutak wetem wan piece land. From we hemi wan payment we stret kastom owner ipem ded blong Kaltutak long hem, bambae land ia hemi small compare long wan kastom land.

Kaonta klemant ia hemi related long Original klemant mo kaonta klemant 4, 1 mo 2 through long marret blong Leisaravy wetem Kalorongo. Famili Taravaki mo Malas oli related long Tarimiala Munumunulou through long Sawo we Malastapu ilukaotem. Mo trifalla famili oli related long Famili SONGORIKI through long Leimau we imarretem Siele. Leimau hemi sister blong Leipau we hemi wife blong Napagemiala mo Malastapu.

So long taem ia, around 1880-85 Napagamiala, Malastapu, Lakeleolangi mo Siele Songoriki oli brata long kastom marret. Taem Lakeleolangi ided Malastapu ilukaotem Sawo Tarimiala. Same Malastapu imekem marret blong boy blong hem Kalorongo wetemLeisaravy we imekem se Malastapu wetem Kasokaritapu tufalla ibrata.

KALSOKAR hemi man blong cuttem spear, hemi go long Taiwarakamu in search for Natora wood. Wan taem hemi stap cuttem spear long area around Bakura mo Bukura wetem Kaltutak, ol Maaus blong Malakita oli shutum Kaltutak ided; so oli givim wan smol piece land long area around Bakura mo Bukura long famili KALSOKAR.

Kaonta klemant ia hemi related long Original klemant mo Kaonta Klemant 4 through long marret blong Leisaravy wetem Kalorongo we hemi boy blong MALASTAPU. Same relationship ipass igo long Sawo, we Malastapu ilukaotem, mo ikontinu igo long Siele Songoriki through long Leimau.

Boundary:
Editors Note: Refer to attached PDF for the true version of this boundary.

Grand father blong Kalchirua Lua italem long hem se nem blong kroun we istap long dispute tudei hemi LOKOTAVE. chief KALBANGLULU iaot long TOROVATU wetem tufalla boys blong hem mo ol tribes blong hem, oli muve ikam kasem top blong hill blong IAAU, hemi talem long olketa se full kraon ia istat long PAUNI igo kasem PARORO hemi LOKOTAVE kraon mo ol man blong hem tu ol man LOKOTAVE. Taem chief wetem tufalla boys blong hem mo ol tribes blong hem oli stap long smol island oli stap ko mekem Karen blong olketa stat long IAAU mo TEGUERE igo down kasem TEMURE NOSARA mo PALKANGANASOA mo igo kasem PARORO. Taem chief MARINGA KALBANGALULU hemi ded; boy blong hem itekem ples blong hem.

Chief MARINGA MELU, imuv wetem ol tribes blong hem igo bak long TOROVATU. After oli mekem karen blong olketa oli lego istap behind long IAAU mo TEGUERE iko kasem PARORO we tedei yumi save luk wan wan ples hemi kat bread fruit mo coconuts trees. Long said long solwota mo said blong hill.

Chief MARINGA KALBANGALULU hemi kamaot long village TOROVATU.
Family blong hem oli ded finis. Be chief MARINGA KALBANGALULU wetem two boys blong hem oli laif. After chief imuv wetem tufalla boys igo down long ILAMA land, then oli go down long smol island. After oli settle down long smol island Imere Tenuku some years. Wan boy blong hem ikat wan woman nem blong hemi LEITALANGI. Some years after chief MARINGA KALBANGALULU hemi kam olfala good mo ded long smol island.
Aftea pikinini blong hem Chief MARINGA MELU hemi muve wetem tribe blong olketa oli ko back long TOROVATU. Chief MARINGA MELU hemi karem wan hae nem from wok blong hem 'KALWOTA"nem ia hemi meanim se hemi wan rich chief.

Some taem afta wan Maau blong Lelepa TOKOIMAKAU hemi kam luk chief MARINGA MELU blong katem wan spia blong fight. TOKOIMAKAU hemi talem long chief se bae hemi shapem gud wetem kastom Paoa blong spia ia ikam NAPUAVERA. So chief hemi mekem olsem Maau ia hemi talem. Samtaem after Maau blong Mele; SOKOMANU hemi go kamaot long chief MARINGA MELU long TOROVATU mo askem chief blong katem wan spia mo seipem long Kastom paoa blong hem ikam NAPUAVERA. Chief MARINGA MELU hemi talem long SOKOMANU se TOKOIMAKAU iorderem wan "NAPUAVERA mo hemi ready finis. SOKOMANU italem long chief se bae yu kivim NAPUAVERA blong TOKOIMAKAU long me. Taem SOKOMANU istap go back, SOKOMANU istap go back, TOKOIMAKAU too ikam kamaot mo talem long SOKOMANU, se NAPUAVERA we yu karem hemi blong me, be hemi orait bambae tudei NAPUAVERA ia bae ikolkol. After SOKOMANU istop mo tanem hem mo luk TOKOIMAKAU mo italem long hem se bae NAPUAVERA ia ihot nomo stap. Afta SOKOMANU ikam back long Mele island.

After Chief MARINGA MELU hemi muve igo long MATELEMA village mo live long hem.

Hemi setemap FAREA BANGA mo talem long ol tribes blong hem se Farea ia hemi karem nem blong papa blong me chief KALBANGALULU mo tu hemi minim antap.

LOLANGA hemi wan tapu ples. Sappose chief MARING MELU hemi no glad long wan man we ibitm boundri blong hem bae hemi ko long LOLANGA mo stap wan wik blong preparem kastom blong hem ready blong kilim man ia.

After wan week ipass bae chief MARING MELU imuv igo down long TEPAKESA long tufalla kastom stone we istap long said blong road. Nem blong stone ia hemi NAPERIKI – LIU bae hemi putum kastom leaf long tufalla stone ia mo bambae hemi toktok long ol kastom toktok nomo. Afta bae hemi go long LOPATU blong mekem kastom blong man ia bae hemi sik mo bae ided.

LOPATU hemi wan smol riva mo wael taro igrow long hem. After long MATELEMA chief MARING MELU wetem woman blong hem igat wan gel nem hem LIURA NIMOTO. Mining blong nem ia "Naura blong Temoto River".

Nem blong chief blong Lolanga hemi KALOLETAKUSA. Hemi minim se man blong kilim man or Rabis Man. Nem blong chief blong MATELEMA hemi KALMATAKORO RARUA. Nem ia iminim TOA blong bigfalla area.

Taem fight istart between MELE mo LELEPA chief MARINGMELO itekem ol tribes blong hem mo oli muv igo long PARORO Land.

Samtaem after Chief MARINGA MELU wetem woman blong hem tufalla igat wan boy nem blong hem ANATU MUAN LAPA. Minin blong nem ia MUAN-LAPA hemi minim DEEP OCEAN blong DEVIL'S POINT. From there hemi muve wetem tribe mo family blong hem igo down long IMERE TENUKU.

After sam year bakeken ol white man oli kam blong pem ol lands blong Mele. Chief MARINGA MELU wetem ol tribes blong hem oli salem two piece land igo long ol white man. Name blong ol kraon we oli salem two piece land igo long ol white man. Name blong ol kraon we oli salem IAAU, PALANGANASOA, TEGUERE, MALASSIPI, LOVATE, hemi total to 600 hectares.

After long ded blong chief mo tabu man ia MARINGA MELU boy blong hem THERSA ANATU istill go back wok long TEPAKESA, IAAU, LOPATU, go kasem LOLANGA, TEMOTO, farea BANGA. Ol kokonas, breadfruits trees mo sam blong ol wild yams we THERSA ANATU hemi planem istap long ol pes ia kasem tudei.

After long plante years ipass papa blong spokesperson KALORI TABU hemi mekem pisnis long tourist long cascade water fall first time. Same years ipass late EDDY KALOPELE hemi kiaman long KALORI TABU se hem iwinim case blong kraon ia; mekem se hemi take over work blong KALORI TABU. Ol developments ia tudei hemi "Evergreen cascade".

Since 1983 to 1984 KALORITABU hemi go antap long LOLANGA mo stap kasem tudei.

Editor's Note: Refer to attached PDF for true version of family tree above-mentioned

Kaonta klemant ia hemi presentem another famili tri we ishowem se:
MARING MARK TAVERA igat 3 pikini:

1. Touatmanu ibornem Touniaru we ibornem Kalokanue we imarretem Toumararistonga; line blong Kalokanue Nakmau; kaonta klemant 3;

2. Leitongatare ibornem Rogoana mo Masauvakalo. Rogoana ibornem Songoriki we imarretem Leitapera. Line blong Songoriki kaonta klemant 2.

Masauvakalo imarretem Langa tufalla ibornem Leisongkokori Junior we imarretem Langa; famili blong Masauvakalo kaontal klemant 5;

3. Maringa Kalolivaki ibornem Kalwota we ibornem Touaslulu, Kaltavalulu mo Kalbangalulu we imarretem Leiwoki; line blong kaonta klemant 7 (above famili tri)

Hemi confirm history, famili tri mo boundary. Hemi talem se THERSA ANATU hemi wan chief.

1. chief MALASIKOTO irelated long famili blong hem. FAREA blong chief MALASIKOTO hemi long BELIU. KALTAVALULU now iconvincim MALASIKOTO blong go long small island blong MELE. KALTAVALULU hemi brother blong KALABANGALULU. Hemi part blong tribe blong MASEI nomo. KALBANGALULU now hemi chief Maau taem oli muve ikam down.

2. SONGORIKI tufalla iwan tribe nomo. JACK hemi papa blong KALSURU we imarretem SONGORIKI we hemi boy blong SIELE But oli misleadim court. SONGORIKI oli people blong chief MARINGA MELU.

3. MALASTAPU, hemi recent nomo, hemi born long Mele. Witness ia italem se hemi save MALASTAPU.

5. SOKOMANLAPA hemi uncle blong witness ia so hemi save about NAPUAVERA we oli stap stori long hem.

Hemi save se MARIK INSAGA iman blong LEITONGATARE. Hemi no save olketa parents blong LEITONGATARE. KALBANGALULU hemi boy blong KALWOTA.

Hemi save about judgment we igivim cement factori blong Songoriki, but long taem ia Thersa hemi no parti blong challengem Songoriki, from problem blong finance. Deed of sale we SONGORIKI istap base long hem itok about se MARINGA MELO isalem land. Ciele hemi wan witness but MARINGMELO now isalem land.

Ol bubu blong hem ol man blong katem weapon blong fight. Oli specialised long saed blong katem spear.

SONGOMANLAPA hemi related long MUNUMUNULOU.
KALBANGALULU mo KALTAVALULU tufalla ibrothers. KALTAVALULU hemi ancestors blong MALASIKOTO.

LOPATU MO LOVATE 2 different pieces of land oli go up to the foot blong hill.

IAAU hemi bigfalla area. Tudei plante man oli live long hem, includim famili TARAVAKI we oli cousin blong kaonta kleman ia.

KAWENE imean full power- KA imean ples blong Torment. Ol stones blong ples ia oli sharp tumas;

TEKERE hemi ples we BENJO istap long hem tudei, we igat wan nabanga long hem, mo oli stap mekem horse race long hem.

TAMASERTANO hemi wan cliff ples blong wael yam. Land ia istap stret long plantation blong Watt mo TARA beach.

Long wan judgment we olketa parties oli presentem long kot, ishowem se between 1882- 1885 olketa natives long area ia oli salem more than 22 240 acres blong ground.
Long 28 August 1913 Societe Francaise des Nouvelles Hebrides imakem application 65 blong registerem olketa lands ia. Joint Kot igrantem order blong registration No 112 under judgment 140.

Ol information we itranspired from judgment ia ishowem se area ia igat plante chiefs, olsem: MACTAVERA; MARINGMELO; chief TASSO; chief AINAROUROU; chief CARINONAL...etc wetem plante different names blong olketa grounds we Kaonta Klemant ia imentionem olsem: LANGANASAI; DUNTOU mo ANIAH; PARORO; PANDOUE; BALANGSOA mo JAHO; NOSSARA; PAUNI; MATELEMA... etc.

Kaonta klement ia heni save plante history mo ol ancient names blong ol areas long disputes ia. Long way we hemi toktok iluk olsem hemi been deprived long rights blong toktok from land blong hem from financial difficulties. Infact olketa documents blong hem oli stap long handwriting nomo. Furthermore hemi facem wan great challenge long Kastom, from olgeta ancestors blong hem oli left wetem 3 falla sisters blong Thersa nomo. Long kastom bambae oli no gat tumas rights blong toktok from ground blong olketa from oli woman.

Hemi first opportunity we law igivim long hem blong hemi kam before long Kot from land long area ia, yet olketa names we hemi putum ikam long kot ishowem se oli ol oldfalla names blong area indispute, we oli mentioned long olketa deed of sale blong 1882-85. Furthermore hemi mekem gud connection between olketa parties long Kot tudei mo Malasikoto we hemi deklared kastom owner blong Pangona.

Chief Maringa Kalolivaki ibornem Kalwota. Mo Kalwota ibornem Touaslulu, Kaltavalulu mo Kalbangalulu. Trifalla families ia wetem olketa members blong tribe blong olketa oli work start long Tequere kasem Paroro. Hemia full boundary blong Ponatoka mo Pangona.

Klemant hemi no elaborate long whereabout blong olketa famili blong Touaslulu mo Kaltavalulu. Hemi concentrate nomo long famili blong Kaltabangalulu; but yet hemi klem full boundries under long names blong Kalbangalulu.

Taem Maringa Kalbangalulu hemi ded; boy blong hem itekem ples blong hem. Boy ia hemi Chief MARINGA MELU. Chief Maringa Melu hemi papa blong Thersa, olsem deed of sale blong 1885 italem: "purchase in Vila dated 5^th January 1885 by which the Chief Marik Melo and his son Thesa and the natives Tarimiala Munumunlou and Maffe sold to Mr. Bernier representative of the Companie Caledonienne des Nouvelles Hebrides some Lands situated in the Westerns Part of MELE Bay known as tequere, Malasipi, and Lovate sold for 285 Franc".

Hemi no talk about Thersa but iluk olsem Thersa igat 3 sisters. No other klemant imekem any reference long Thersa. Though deed of sale iprovum se Thesa mo Marik Melo tufalla iexist around 1884-85 mo tufalla irelated long each other olsem father and son.

Hemi connectem famili blong hem wetem olketa narafalla kaonta kleman insaed long case ia mo case blong Pangona:

1. chief MALASIKOTO irelated long famili blong hem. KALTAVALULU now iconvincim MALASIKOTO blong go long small island blong MELE.

KALTAVALULU hemi brother blong KALBANGALULU. Hemi part blong tribe blong MASEI. KALBANGALULU now hemi chief Maau taem oli muve ikam down.

Long judgment blong Efate Island Court No. 1 of 1997 dated 22 July 2004 hemi refer long MALASIKOTO KALTAVA LULU KALPAPRES NAWOTA; (page 4, 3^rd paragraph 2^nd sentence).

2. TARIMIALA MUNUMUNULOU hemi brother in law blong wan witness blong hem mo we oli part blong same famili nomo;

Rogoana ibornem Songoriki (Melo) we imarretem Leitapera. Tufala ibornem Siele. SONGORIKI oli people blong chief MARINGA MELU;

4. LAKELEOTAUA oli people blong chief Touatmanu we ibornem Touniaru we ibornem Kalokanue we irilated long Nakmau.

5. MASAUVAKALO oli line blong Leitongatare ibornem Masauvakalo we imarretem Leisongkokori Senior tufalla ibornem Leisongkokori Junior we imarretem Langa Ti Vatelapa.

Hemi probable se full land Pangona mo Ponatoka hemi controlled mo managed by wan person olsem bigfalla chief before 1700s. then Maringa Kalbangalulu olsem Munnuwei hemi ownem part we istap long dispute we yumi refer long hem olsem "Ilama Land" we isharem boundary wetem new "Ponatoka" within Pangona land.

KALBANGALULU hemi wan chief Maau. KALBANGALULU ikamaot long MARING MARK TAVERA we igat 3 pikinini:

Chief Maringa Kalolivaki ibornem Kalwota. Mo Kalwota ibornem Touaslulu, Kaltavalulu mo Kalbangalulu. Trifalla families ia wetem olketa members blong tribe blong olketa, oli work start long Tequere kasem Paroro. Hemia full boundary blong Ilama, Ponatoka mo Pangona.

Boy blong KALBANGALULU, MARINGA MELO hemi wan Munuwei we setemap FAREA BANGA. Farea ia ikarem name blong papa blong hem "Banga".

Hemi stap mekem ol activities blong Kastom blong hem long LOLANGA we hemi wan tapu ples. Hemi usum NAPERIKI-LIU (2 kastom stones) long TEPAKESA. Afta hemi go long LOPATU (smol river) blong mekem wan isick mo ded.

MARINGA MELO hemi papa blong Leiruku, Thersa, Toutaua mo Liura, KALCHIRUA LUA hemi descendant blong Toutaua.

Before Kot igivm out decision blong hem, hemi wandem explainem issues over Boundris blong PANGONA mo PONATOKA:

Taem Kot ia igo blong visitim disputed land ia, hemi facem protest ikam long chief Malasikoto wetem ol people blong hem. Oli informem kot se Pangona land case 1 of 1997 igo long kot finis, mo Chief Malasikoto hemi declared kastom owner. So Kot ia ishould stop long Tewarasamu creek nomo.

Kastom boundri we istap long dispute long PONATOKA (land case 6/93).
Original klemant iputum se hemi start stret long Jety blong Hideway Island igo west kasem Kawene road igo antop long area we Unelco iwolrk long hem ? taem kot istart blong hearem case ia long Novermber 2009, Famili Kaltoas Malas oli changem boundri blong Leipoe Kaltoa. Hemi no start long Jetty blong Hide away.

Hemi tru Efate Island Court ibeen mekem decision blong tufalla case blong Ponatoka mo Pangona finis long 2004. However kot ia. Hemi no bound by decision blong Efate Island Court, so hemi continu blong runem trial long full disputed boundri we oli submittim long 1993 from:

However igat bigfalla doubt long saed blong publication blong disputed boundri blong PANGONA. Everyone isave se long area ia igat PANGONA mo PONATOKA lands, but oli no sure long kastom boundaries marks blong tufalla.

Land hemi wan important mo sensitive issue mo bounddries mark now hemi essence blong every land dispute.
So kot ia hemi runem trial over mo determinem kastom owner blong full land boundaries we oli registerem long 1993.

Followem olketa evidences we kot ihearem, Kot ifindem se igat 3 lands long area ia: PANGONA, PONATOKA mo ILAMA.

3. ILAMA isharem same boundary wetem PONATOKA, long West. (see map in green). Insaed long ILAMA igat:

Out long trifalla lands ia, Igat lands we oli occupied by Maaus blong chief mo lands we oli Munuwei ol occupaem blong lukluk road blong fight mo Land blong chief wetem ol people blong T'Marae blong hem.

Kot ia iagree wetem land case 1 of 1997 se chief Malasikoto hemi chief blong whole land blong Pangona. Long Kastom, chief hemi gat power blong managem land insaed long Namarakiana blong hem mo lukaotem people blong hem blong oli live long peace mo harmony.

But taem igat dispute Kot imust interfer wetem power blong management ia mo decide long case blong wan person we ikam long kot blong klemem interest blong hem over lo disputed land in question, followem spirit blong constitution blong Vanuatu, 1980.

Furthermore ground ino blong wan man nomo but hemi blong Tribe mo klan so every deklared owner, hemi act on behalf blong klan blong hem.

FAMILI KALTOA MALASTAPU oli no save succeeds under long title blong Chief Malastapu long Ponatoka or Ilama. Hemi must followem first born brother blong hem MALAS NIWANGO.

HOWEVER Famili Kaltoa Malastapu oli gat some interest over Farea Kalipo mo Pilake. But tufalla Farea ia ino stap under same T'Marae we Ponatoka istap long hem.

KALTONGO TARIMIALA under TARIMIALA MUNUMUNULOU. TARIMIALA MUNUMUNULOU hemi chief Maau blong NOSSARA/NAUSARA.

FAMILI KALTONGO TARIMIALA oli kastom owner blong NAUSARA we passis blong hem Pauto, Temangunu, Fatugisu Temuri mo Ionetano.

FAMILY SONGORIKI oli winim land case long Lakenapagatau long Supreme Court finis. Any other right over long land ia hemi subject long kastom owner blong ILAMA LAND (LOVATE).

LAKELEOTAUA hemi gat kastom right long wan piece land insaed long ILAMA LAND (IAAU).

FAMILY LAKELEOTAUA imust look deklared kastom owner blong ILAMA LAND blong identifaem boundri blong hem. Boundari ia ishould stap insaed long IAAU.

FAMILY MALAS NIWANGO wetem olketa descendants blong chief MALASTAPU; oli kastom owners blong "NAMORSAL DOWN". Right blong olketa ino go narasaed creek Namorsal.

MASAUVAKALO hemi chief blong wan tribe blong ILAMA LAND, hemia long PAJIROA.

FAMILY VASAU VAKALO oli kastom owner blong wan smol piece land insaed long PAJIROA, olsem Siloa blong chief Masau Vakalo. hemi should be around title 265 mo 122 hemi must luk wetem declared kastom owner blong ILAMA LAND blong identifaem kastom boundri.

FAMILY TARAVALI oli no kastom owner but oli land owner blong wan smol piece land insaed long area blong Bukura; long PANGONA.

Hemi must look chief MALASIKOTO KALTAVALULU KALPAPRES NAWOTA blong identifaem land ia.

FAMILY THERSA ANATU oli kastom owner blong ILAMA LAND we includim IAAU, PAJIROA, mo LOVATE.

2. Kaonta Klemant Famili Taravaki oli stap under chief MALASIKOTO KALTAVALULU NAWOTA;

3. Olketa declared kastom owners oli holem land on behalf blong famili, or klan blong olketa;

4. Olketa declared kastom owners oli no save putum out anyone we hemi occupaem lands ia over 60-100 years finis;

6. Anyone we ithink se Kot hemi mekem any mistake long loa insaed long decision ia hemi gat right blong mekem appeal insaed long 30 days.

Editors Note: Refer to the attached PDF for the true version of the map of the boundary .

Island Courts of Vanuatu

Malas v Tarimiala [2010] VUIC 4; [2010] VUICB 6; Land Kes 6 of 1993 (2 March 2010)