Malsets v Maltelour [2010] VUIC 3; [2010] VUICB 2; Civil Case 27 of 2009 (27 September 2010)

IN THE MALEKULA ISLAND COURT
HELD AT LAKATORO/ MALEKULA
Civil Jurisdiction

Civil Case # 27/09

BETWEEN:

KENSY MALSETS

AND:

TITO MALTELOUR

AND:

SOUVRINMAL VIANNEY

AND:

SAMSON MALRURGANI

IN THE MATTER: Dispute ova Paramount jif blong Pelut nasara

Coram: Jastis Douglas Fatdal
Jastis Shema Tasvaille
Jastis Endy Shem

Clerk: Wendy W. Raptigh

JUDGMENT

Brief backgraon:
Ibin gat 4 claimant from Paramount Jif blong Pelut nasara. Nasara ia isituated long Wala Island emia long North West Malekula.
Trial before long Court ibin tekem ples long 12th October, 2009.
Ibin gat yet sam tingting blong clarifiem ol ston long nasara so Court ibin go visitim ol nasara long 22nd September, 2010.

Brief summary blong ol claim:
Original Claimant - Kensy Malsets
Maltali Jimblolo emi claim se emi statem Nasara blong Pelut mo semtaem ikilim pig blong karem Taetol nem ya Maltali Jimblolo.

Counter Claimant 1 - Jean Vincent Maltelour
Emi claim se emi laef blad blong Daivu.

Counter Claimant 2 - Vianney Souvrinmal
Emi claim blad line blong Boral Boe.

Counter Claimant 3 - Samson
CC3 emi kleim bladline blong Varala tru long woman ya, Nista.

Findings blong Kot:
Original Claimant
Long Family tree Kot inote se family tree blong OC emi soem se emi blad line blong Tourwomou we emi descendant blong Maltali Jimbolo.

Kot ifinemaot se Maltali Jimblolo we istatem Nasara blong Pelut mo semtaem ikilim pig blong karem Taetol nem ya Maltali Jimblolo olsem we OC italem, follem kastom fasin fes man we istatem pelut emi Maltaourwomou. From em nao ifes Mal long Family tree blong em.

Long biliv blong Kastom spirit OC emi talem se kastom spirit ifolem em tudei. Long statement blong OC se emi kat ol samting blong kastom oli stap Kot ifinem se igat pruf long olgeta long nasara.

Follem statement blong Mr. Kensi Malset emi talem se emi gat tu ston wan blong sun narawan iblong rain be Kot ifinem se emi kat 4 ston be ino 2 ston olsem we emi talem. 1 ston blong rain, 1 ston blong sun, 1 ston blong harikin mo 1 ston blong sik kastom nem Navun. OC emi soem burial site blong family tri blong em we emi ol royal grave Kot.
Long Nakamal blong Pelut OC emi soem long Kot wan area nem blong em Tuweperper we emi spesel ples blong ol man nomo oli stap long em. OC isoem long kot wan sakrifaes ples blong nakamal Jimbolo. OC emi soem long Kot jea ston blong Jif blong Pelut Nasara insaed long nakamal blong Jimbolo mo emi soem door blong nakamal Jimbolo we nem blong em Naworlesenbai.

Long grave site OC isoem long Kot grave site blong wife blong royal man Jif Maltali Jimbolo we istap long area blong ol woman. OC isoem tu burial site blong 500 tasks blong pig we nasara Pelut emi bin berem bifo kaming blong gospel long Wala island. 500 pig ia emi ol pig killing we itekem ples long nasara blong pelut, however kot emi no lukim ol pig tasks ya.

Long Nasara Kot ifaenem se ikat ston blong Jif insaed long nasara.
Kot emi confus long olsem wanem ston blong kilim pig istap behaen long baksaed blong nasara hpwever, OC emi soem long Kot tu ston we emi kilim two namanki long em long Pelut nasara.

Counter Claimant 1
Rejinal emi line blad blong Daivu we emi decenden kasem Malterlour. According long statement blong family Maltelour isoem se emi related to Lowo nasara.
CC1 emi soem representative ston blong Lowo insaed long Pelut nasara we emi claim se emi ston blong Jif.

Long family tree blong Maltelour grave blong Yotoran istap long boundry blong Awop. Long family tree blong Yotoran Maltelour Diavu burial site blong olgeta istap long Awop boundary ino pelut nasara.

CC1 ibin declarem se pelut nasara ikat tu nakamal Jimblolo we OC iclaim mo nakamal Awop. CC1 emi bin soem long Kot tu royal grave long Awop nakamal be Kot igat confusion blong luk tu nakamal long wan nasara we ikat tu royal grave site.
CC1 emi soem sakrifaes ples blong Numbunmal Tuktukor mo Yotoran long Awop nakamal insaed long Pelut nasara be Kot iconfuses from Yotoran nao emi stap mekem sakrifaes eko long Devil we nem blong em Yotoran.

CC1 emi some long Kot se ikat 3 namanki killing insaed long Pelut nasara, however Kot ino clear long namba blong pig we 3 namangi ya oli kilim long nasara Pelut.

Counter Claimant 2
Emi kleim se Souvrinmal Vianney ibladline blong Boral Boe. According long statemen se Malsing, Jif blong Pelut nasara emi givim raet long Boralboe be ino gat evidens from CC2 ino soem eni kastomary perfomems blong handing ova right blong Jif Malsing iko long Boralboe blong save kat raet ya long Pelut nasara.

CC2 emi clearly statem se Boralboe emi no pikinini blong Malsing.

Counter Claimant 3
CC3 emi kleim line blad blong Varala tru long woman ya, Nista.
Long statement blong Samson Kot ifinem se Mr. Samson emi claim Jifly taetol blong Paramount Jif blong Wala Island. Be ino disputem case blong Jifly taetol blong Pelut nasara. Kot ikam blong talem se bae inomo save mekem eni mo findings long claimer ia from ino tokbaot Pelut nasara.

Law we Court I applaem:
CAP 167 (s.10) – Application of customary law

Subject to the provisions of this Act, an island court shall administer the customary law prevailing within the territorial jurisdiction of the court so far as the same is not in conflict with any written law and is not contrary to justice, morality and good order.

Translate:
CAP 167 (s.10) – Kot hemi mas applaem kastom

Subject long seksen blong Act ia, aelan kot hemi mas aplaem kastom we istap insaed long eria blong paoa blong hem, spos oli no gat conflict wetem eni loa we oli stap raetem, mo no gat konflik tu wetem jastis, morality mo gudfala orda.

Apply Law igo long fact:
Court emi tekem decision follem customary system blong titlelism long each area custom fasin.

Long this fala case Court ifinem se area in dispute blong Jifly taetol emi base long bladline system, meaning se taetol blong Jif emi inherited tru long blad line.

Decision:
Big/Paramount Jif blong Pelut ikam thru blad blong Maltali Jimblolo.

Therefore, wetem ol findings ia long case between: Original Claimant – Kensy Malsets, mo CC1-Family Maltelour, CC2-Sourinmal Jean Paul mo CC3 Samson blong Jifly taetol blong Pelut nasara long Wala Island North East Malekula, Malekula Island Court emi stap declare se Original Claimant, Mr Kensy Malstes emi big/Paramount Jif blong Pelut nasara long Wala Island, North East Malekula.

Dated long Lakatoro this 27th dei blong September, 2010.

Before:

Jastis Douglas Fatdal

Jastis Shema Tasvaille

Jastis Endy Shem