Wari v Wej [2007] VUIC 9; [2007] VUICB 2; Civil Case 18 of 2007 (11 September 2007)

INSIDE LONG SANTO/MALO ISLAND COURT
BLONG REPUBLIC BLONG VANUATU
Long Luganville, Santo.
(Civil Jurisdiction)

Civil Case No. 18/2007

BETWEEN

MARIE ADECK WARI
blong Santo
(Plaintiff)

AND

LUCIAN WEJ
blong Santo
(Defendant)

Justices: Petro Rite - Chairman
Leo Gete - Member
Estella Botleng - Member

Clerk: Nick

JUDGMENT

Matter: In the matter of the application for child maintenance.

Evidence blong Marie Adeck Wari
Mitufala I statem friendship blong mitufala long manis June 2005.Hemi sendem Guiemme ikam luk mi blong mi go lukim hem.

Taem Guiemme I talem long mi, mi talem long hem (Guiemme) se mi no wantem from mi fraid long mama blong mi. Afta hemi talem long mi se babai mi no lisen long toktok blong olfala woman ia.

Taem mi go lukim hem (Lucian Wej) hemi askem mi se yu stap friend long some boys. Mi talem long hem se nogat. Hemi talem se spos narafala boys oli kam askem yu talem no long olgeta, bae yu folem mi nomo. Mi storan wetem hem long wan bed copra afta hemi sex wetem mi long taem ia. Lucian I continue sex wetem mi kasem February 2006 mo long namba 5 March mi lusem sik blong mi. Afta mi bonem bebe long namba 5 November 2006.

Evidence blong Guiemme Pujaru (Plaintiff 1^st Witnis)

Lucien I bin sendem mi se bae mi go luk Marie Adeck Wari mo talem long se bae tufala I friend. Afta mi go luk hem, hemi agri. Hemia long wan afternoon afta long night blong hem tufala l mit antap long teleradio. Mi bin stap long taem ia mo Marie ikam mo tufala I storian long plea ia nao. Mi no save manis be long year 2005.

Evidence blong Rodrick Potare (Plaintiff 2^nd Witnis)

Mi wantem talem nomo se long friendship blong tufala mi nao tufala istap usem mi blong conductem tufala.

Evidence blong Lucian Wej (Defendant)

Friendship blong mitufala istat long June 2005 kasem October 2005 mi talem long hem se yu no stap go olbaot nogud bae yu kasem problem bae mi nomo wantem yu. Stat long December 2005 Jillio ikam lukim mi mo talem se ol boy oli stap stilim yu. Mi askem hem se yu save olgeta? Hemi say yes. Igat David, Petal mo Joely. Be mi no luk olgeta taem oli sex.

Long manis January mo February 2006 mi go long Panabe long west Coast Santo. Afta mi kam bak mi harem se Marie I gat bel. Afta mi go luk Jillio I go lukim Marie mo Marie I talem se hemi gat bel finis. So mi talem long hem I luk, mi bin talem long yu blong yu stap quiet. Naoia yu gat problem.

Long toktok blong Marie se mi stap go wetem hem every day nomo ino tru. Hemia nomo toktok blong mi.

Evidence blong Jillio Potarie(Defendant's Witnis)

Long sied ia mi luk olsem Marie istap tekem ol boys. Mifala igo long narafala village Peamajiu mi luk boy ia Petal I kam tekem Marie igo. Hemia long December 2005 long wan opening blong niu church House.

Findings

l .Kot I acceptem toktok blong Plaintiff Marie Adeck Wari se Defendant Lucian Wej I stap sex wetem hem since we tufala istatem friendship blong tufala long June 2005 kasem February 2006 mo long March 2006 hemi lusem sik. Mo pikinini I bon long 5 November 2006 hemia 9 manis afta Marie I pregnant.

2. Kot I acceptem toktok blong Plaintiff Marie Adeck Wari se boy ia Petal we I bin friend wetem hem, friendship blong tufala istap bifo Marie I mit wetem Defendant Lucian Wej. Toktok blong Jillio witnis blong Defendant Lucian I confirmem taem I talem long taem blong cros examination se Petal I go aot wetem Marie long December 2005 long opening blong niu Church House long Peamajiu village.

3. Kot ino acceptem toktok blong Defendant Lucian Wej se pikinini ino blong hem from se igat some boys tu oli go wetem Plaintiff Marie Adeck Wari olsem David, Petal mo Joely. Kot ino finem prov long ol toktok blong hem from Defendant Lucian Wej i harem nomo long witnis blong hem Jillio we I talem long hem se trifala I stilim hem. Even long toktok blong witnis blong hem (Jillio). Hemi no talemaot nem blong David mo Joely be italem nomo nem blong Petal we hemi (Jillio) I talem se I luk Petal igo aot wetem Marie long Peamajiu village long opening blong niu Church House long December 2005.

ORDER

Afta Kot I finem se Defendant Lucian Wej I liable long claim we Plaintiff Marie Adeck Wari I putum againsem hem. Kot I givem order olsem,

1. Defendant Lucian Wej I pem Vt4.000 every manis long Plaintiff Marie Adeck Wari stat long September 2007 kasem taem pikikini I gat 18 years blong hem.

2. Defendant Lucian Wej I pem cost blong Vtl.000 long Plaintiff Marie Adeck Wari long 30^th September 2007

3. Spos Defendant Lucian Wej ino glad long oda ia. Hemi appil long Magistrate's Kot within 30 days. 30 days hemi effective today
11^th September 2007.

Dated I long Lunganville long 11^th September 2007

Justice Petro Rite
Justice Leo Gete
Justice Estella Botleng