Daniel v Kaloripu [2006] VUIC 14; [2006] VUICB 3; Civil Case 01 of 2005 (9 June 2006)

IN THE TONGOA SHEPERDS AELAN KOT
OF THE REPUBLIC OF VANUATU

Civil Case No. 0l of 2005

IN THE MATTER OF: JIFLY TITLE "MASAMORIMATA"

AND IN THE MATTER OF: Section 10 of the
Aelan Kots Act [CAP. 167]

BETWEEN

KALIA WILSON DANIEL
Kleimen

AND

TOM ROY KALORIPU
Defenden

Coram: Justice Roy Harry

Justice David Timataso

Justice Kalfau Pakoa

Clerk: Joel Shemi

Date of Hearing: 6 - 9 June 2006

Date of Judgment: 9 June 2006

Kot hemi bin sitaon mo harem kes is long Tongomea village long Emae aelan stat long namba 6 kasem namba 9 June, 2006. Long namba 9 June, Kot hemi kohed mo givim decision blong hem long Tongomea village long Emae mo promessm tufala parties se full Judgment bambae ikamaot later. Kot hemi givim olgeta reasons blong hem mo findings blong hem blong mekem declaration. Hemia nao hemi full Judgment blong kes ia.

JUDGMENT

Fastaem Kot hemi askem long tufala disputing parties sapos tufala igat any objection long olgeta jastis, mo long respond, tufala parties iagri nomo wetem ol jastis.

Kot hemi explainim long tufala parties se Kot ia hemi no sitaon blong mekem any decision long issue blong graon, be Kot ia isitaon from Jifly Taetol nomo. Kot bambae hemi no considerem ol toktok we itok abaot baondry or baondry mark mo lan onaship. Be Kot ino stopem tufala parties blong usum any evidens long lan blong pruvum kes blong tufala.

Backgraon blong kes

Hemia hemi wan kastornary Jifly claim we Kleimen, Mr. Kalia Wilson hemi faelem long Tongoa Sheperds Aelan Kot mo claim se hemi nao hemi gat raet long kastomary jifly taetol ia Masamori folem bloodline blong ol generations blong hem we oli ded finish. Hemi klaim se according long kastom blong Emae mo Shepherds, hemi gat raet blong onem taetol ia "Masamorimata" folem bloodline.

Defenden, Mr. Tom Roy Kaloripu, hemi kam in blong faelem Countaclaim or defendem nem ai "Masamorimata" mo hemi talem se nem ia hemi blong hem mo hemi bin karemaot long papa blong hem taem papa blong hem ided. Hemi claim se hem nao hemi raetfull ordained long nem ia.

Kot hemi harem fastaem claim blong Kleimen we hemi Kalia Wilson. Kalia we hemi kleimen, mo semtaem hemi kam olsem fes witnis long kes blong hem.

Long riten stetmen blong hem, Kalia Wilson Daniel, olsem original klelmen blong blood laen blong kastom taetol nem ia "Masamorimata" italem olsem ia:-

1. Hemi blong Tapakoro village, Emae aelan, Shepard Group, hemi stap liv long Marae Nasukuaki.

2. Hemi original blad laen blong kastom jifly taetol nem ia "Masamorimata".

3. Kastom blong Sheperd Group, jifly taetol ipass tru nomo long blad laen tru long first born boe be sapos lkat ol gel nomo, first born gel imas putum wan boe blong hem igo back blong tekem jifly taetol nem folem kastom.

4. Ikat fulfillmen blong (4) istap long Emae.

5. Maraesulu Masamorimata ikat wan pikinini nomo nem blong hem Willie Kalomoana.

6. Maraesulu Masamorimata imaret tu taem:-

(a) First woman blong Masamorimata ibonem pikinini blong Chief Taripoa Maripili blong Tongoa.

(b) Seken woman blong Masamorimata ibonem stret pikinini blong Masamorimata long 1895 long Beleviu, Efate.

7. Willie Kalomoana imaretem Leisongi mo tufala ikat 8 pikinini, 2 boe mo 6 gel. Tufala boe ided wetem wan gel, mo 5 gel oli laef.

8. Ol 8 pikinini ia ikat, Leitangi, Annee, Alick, Samuel, Mareta, Esta, Ronety mo Naomi.

9. Leitangi, Samuel mo Ronety oli ded taem oli baby yet.

10. First bon gel we hemi laef istap mo kastom lkivim raet long hem, nem blong hem Annee Leiravenga Leipopongi.

11. Maraesulu Masamorimata ikat 2 brat mo wan sista. Tufala brata ikat Kaloripu mo Safili. Sista blong tufala hemi Leipakoa Kethy.

12. Tufala main baondry we idivaedem trifala high chiefs ia, Matulmatimakatarnata, Masamorimata mo Mativiltinimata mo nem blong tufala baondry ia hemi Maalasaimanu mo Maalsaikavika.

13. Tufala main baondry ia istat long solwota mo kasem solwota narasaed aelan long Emae.

14. Ikat 2 dikleresen finis blong blad laen blong Chief Masamorimata we tu (2) chiefs itoktok publicly mo Tom Roy ino disputim (lukim 6).

15. Kleimen hemi further explenem ol toktok blong hem long stetmen blong claim blong hem.

16. Refer long point 3 antap. Kastom blong Sheperd Group, Jifly taetol ipass tru nomo long blad laen tru long fes bon boe be sapos ikat ol gel nomo, fes bon gel imas putum. wan boe blong hem igo back long tekem jifli taetol nem folem kastom.

17. Kastom hemi blong jif. Kastom ikat strakja blong hem mo evri pipol we oli liv insaed long wan governing jif or wan hae jif or wan nasuli, oli liv insaed long strakja ia.

18. Man mo woman anda long governing jif ikat ol different privilege mo duty or responsibility blong wokem. Structure blong kastom igo olsem:

(a) long kastom saed ol Nasuli oli ol hae jifs or yumi save talem se Nabanga or wan governing jif. Narewo hemi simbolaesem of jifs we oli liv anda long wan hae jif, or yumi save talem se ol provinces. Nototo hemi simbolaesem ol erias mo afta ikat pipol long gras rut.

19. Long Sheperd Group, kastom ikivim raet nomo long fes born boe blong wan hae jif tru long blad laen blong ikam next jif. Sapos wan hae jif ikat ol gel nomo, fes bon gel nao kastom ikivim raet long hem blong putum back next hae jif.

20. Paragraph 5. Ikat fulfillmen blong (4) istap long Emae aelan. Tedei jifly taetol nem ia Tivaitiniroto ikam tru mo exist long Emae tru long wan woman iputum bak blad laen ikam Jif Tivaltinfroto.

21. Paragraph 6. Maraesulu Masamorimata ikat wan pikinini nomo. Nem blong hem Willie Kalomoana. Maraesulu hemi jif "Manawota Masamorimata".

22. Paragraph 7. "Maraesulu Masamorimata" imaret two (2) taem. Fes woman blong Maraesulu Masamorimata ibonem pikinini blong Jif Taripoa Mariplili blong Tongoa.

23. Seken woman blong Maraesulu Masamorimata ibonem stret pikinini blong Maraesulu long 1895 long Belviu, Efate.

24. Folem kastom blong Sheperd alean ol jifs ikat strong link or relesensip we ihelpem bigwan unity mo pis bitwin olgeta tru long gel we iaot long wan jif igo long nara jif bagegen long bonem next hae jif.

25. Long yia 1867 ol waetman ikam long Australia mo karem of man blong go wok long Queensland, blong katem sugarcane. Jif Manawota Masamorimata iwan long ol slave long taem ia. Hemi livim waef blong hem Leifau istap long Weitasi long Lumbukuti, Tongoa.

26. Manawota Masamorimata istap long Australia eleven (11) yias stat long 1867 kasem 1878.

27. Kaming back blong Jif Manawota Masamorimata long Tongoa, hemi faenem se waef blong hem, Leifau lbornem wan pikinini boe finis we nem blong hem Willie Soka. Toktok blong hem taem ia se "Kinau adapei manu diri pae namalopa umai doko dua Leifau kanao kiki waia".

28. Wan del long sem yia Jif Manawota Masamorimata italem long waef blong hem Leifau blong tufala igo long Karen. Taem tufala istap long Karen Jif Manawota Masamorimata Maraesulu leftemap akis (tangoto) mo katem bihaen nek blong Leifau. Waef blong hem ifoldaon mo ded semtaem. Grave blong Leifau istap long Tongoa.

29. Manawota Masamorimata Maraesulu igo long Pelelapa meletau mo Jif Marakibulemata Manatuatua igivim wan gel long hem. Nem blong gel ia Leiwaua mo kastom nem we Jif Marakibulemata ikivim long hem hemi Leimarakimanu. Toktok ia hemi minim "woman we blad blong Jif Marakibulemata blong igo bonem pikinini blong Manaeota Masamorimata blong irulum plante man".

Oli kivim nem ia Leiwaua long hem from se taem hemi smol yet, hemi laikem oltaem blong istap pilo long leg blong papa blong hem.

Wan nara nem we oli kivim long Leiwia hemi Leinamalingo, from se Leiwia taem hemi kross, ol rabis toktok nomo ikamaot long maot blong hem.

30. Manawota Masamorimata Maraesulu wetem waef blong hem, Leiwia ibase three (3) yia long Tongoa. Long 1881, tufala igo long Beleviu, Efate, mo stap long olfala station blong olgeta kasem 1895, taem Leiwia ijes kat bel blong hasben blong hem mo bornem wan baby boy, nem blong baby boe ia Willie Kalomoana.

31. Paragraph 8 Willie Kalomoana imaretem Leisongi Leipakoa Elcy mo tufala ikat eight (8) pikinini, two (2) boe mo six (6) gel. Tufala boe ided wetem wan gel mo five (5) gel oli laef.

32. Nem ia Leisongi hemi kastom nem we Jif Tinabuamata ikivim long Leipakoa Elcy. Papa blong Leisongi Leipakoa Elcy hemi blong Pentecost. Nem blong hem Valia.

33. Tufala boe mo wan gel ided mo oli berem olgeta long Sangava Village long Emae

34. Paragraph 9 Ol eight (8) pikinini ia, ikat Leitangi, Anee, Alice, Samuel, Mareta, Esther, Ronety mo Naomi.

35. Ol eight (8) pikinini blong Kalomoana mo Leisongi oli bon long Emae.

36. Paragraph 10 Leitangi, Samuel mo Ronety oli ded taem oli baby yet.

37. Ronety hemi bigwan finis mo sickness iwinim hem mo ided. Ronety ino naf yet blong maret taem hemi ded.

38. Paragraph 11 One (1) ipas, yet long Sangava Village long Emae, Leisongi ibonem Anne we hemi sekon bon.

39. Anne ia nao, grand father blong hem, Manawota Masamorimata Maraesulu italem se bae boe blong Jif Manuriki Timarae imas maretem folem kastom.

40. Nem ia Leiravenga Leipopongi, Kalomoana mo Leisongi ikivim long Anne, taem Anne mo hasben blong hem Daniel imaret.

41. Folem kastom, brata blong Anne, nem blong hem Kaltalo Atavirualima istap long Tongoa long Lumbukuti village, isendem toktok ikam long kasen sista blong hem, Anne, blong igo long Tongoa blong ordenem gel blong tufala brata blong hem Kaltalo mo Pakoa Meto. Nem blong hem Leifau. (From Anne nomo hemi fes bon blong Kalomoana mo long generation ia. Anne ifes bon gel log nakamal blong Weltasi mo Daraliu long Tongoa mo folem kastom aunty blong Leifau nomo ikat raet blong ordenem Leifau. Long kastom ia nao Anne mo hasben blong hem Daniel itravel long Emae igo long Tongoa blong Anne iordenem Leifau we iwoman Weitasi blong maret aot).

Taem ia nao, folem kastom mo raet blong Anne blong ordenem Leifau long wan kastom nem, long taem blong tekem Leifau iaot long nakamal ia Weltasi go long niu home blong hem. Anne iordenem Leifau long nem ia Leipopongi.

42. Folem kastom nem ia Leipopongi bae imas kam bak long Weitasik hem ikat three (3) rod blong hem ia ifolem:

• Nem ia Leipopongi, wan gel blong Leifau bae itekem ikam bak long nakamal we Leifau iaot long hem (Weitasi)

• Sipos Leifau ino kat or no putum bak wan blad blong hem ikam bak long Weitasi, folem kastom bae Leifau yet iputum bak direct.

• Folem kastom, nem ia Leipopongi isave kam bak taem Leifau ided.

Taem Anne iordenem Leifau long kastom nem ia Leipopongi, kasen brata blong Anne [Kaltalo Atavirualima] ikivim bak kastom taetol nem ia Leiravenga ni Emae long Anne itekem bak ikam long Emae.

Paragraph 12 Maraesulu Masamorimata ikat two (2) brata mo wan sista. Tufala brata ia ikat, Kaloripu mo Safili. Sista blong olgeta, hemi Leipakoa Kethy.

Maresulu hemi fes bon blong Manawota Masamorimata Kalrepue. Kaloripu hemi sekon bon, hemi maret be hemi no gat pikinini mo ided. Safili hemi namba three (3) bon. Leipakoa hemi las born mo hemi maret igo long Purao village long aelan blong Tongoa.

Folem kastom, Maraesulu itekem kastom taetol nem ia Manawota Masamorimata mo baptism blong hem ikam hae Jif itek ples long Sulua Bay (Worakanasi). Marae hemi haf nem blong Timarae we hemi papa blong papa blong hem, Daniel. Sulua hemi half nem blong Sulua Bay ples blong mifala.

Paragraph 13 Today pipol iusum kastom nem ia nomo se Masamorimata, be ful kastom nem hemi Manawota Masamorimata.

Manaota hemi minim Jif blong ol Jifs. Storian blong bifo olsem longTakara long Efate mo mifala iordenem fulap jifs.

Family tree isoem only blad laen blong Nasuli nomo tru long fes bon ikam hae jif, folem kastom.

Paragraph 14 Tufala main boundary we idivatem trifala hae jifs ia, Jif Matuimatimakata, Jif Manawota Masamorimata mo Jif Matuimativaitinimata hemi Malasaimanu mo Malasaikavika.

Tufala boundary ia olfala existing boundary stat bifo ikam. Fes taem taem Manawota Masamorimata itravel ikam long aelan ia afta hemi divaetem long three (3) part olsem sun raes, mitel mo sun set.

Manwota Masamorimata ikam bak long Efate mo talem long tufala Jif Timakata mo Jif Tivaitini se ikat wan aelan istap mo sapos tufala ihappen wan dei blong go bae Jif Timakata istap long sun raes mo Jif Tivaitini istap long sun set.

Nem ia Malasaimanu iminim "jif italem aot plante man". Long taem ia Jif Timakata ikat plante man.

Nem ia Malasaikavika iminim "jif italem aot blessings". Sapos yumi tekem iso olsem se long sun set ikat fulap blessings we yumi save talem or fainem.

Rikod blong Misi Michelson hem italem se Manawota Masamorimata igud long pis mo long land (Live, Book II)

Paragraph 15 Tufala boundary ia istat long solwota mo kasem solwota narasaed long aelan. Lukluk long annex 2.

Paragraph 17 Ikat two (2) dikcleresen finis blong blad laen blong Jif Masamorimata we two (2) jifs itoktok publicly mo Tom Roy ino disputem.

Manawota Masamorimata Maraesulu ided long 1942 long Sangava village long Emae mo grev blong hem istap long Sangava village. Long ded blong Maraesulu, Jif Matuimatisangavamata Robert iaskem Willie Soka blong representem Manawota Masamorimata five (5) yia nomo mo bae iretenem bak jifli taetol nem ia Manawota Masamorimata igo long Willie Kalomoana.

July 1992, papa blong Tom Roy (Kalosave Tongen) ided. Taem ia Willie Kalomoana isentem em Kalia mo tufala brata blong mi Harry Daniel mo Seule Samuel blong stopem Tom Roy blong ino tekem jifli taetol nem ia Masamorimata. Wan long ol jifs we hemi tok akensem hemi Jif Kalomoana Tisomori.

31^st December 1995, Willie Kalomoana ided long home blong hem long Leputamata. Ikat plante jifs mo plante man ikam serem las sore blong olgeta. Long taem ia boe blong Jif Robert Matuimatisangavamata we hemi Jif Kaltau Mariwota Matuimatisangavamata, ikam kamaot long mifala wetem wan bigfala buluk blong hem. Long taem ia hemi publicly ridim narrative mo diklerem we Willie Kalomoana i only pikinini blong Maraesul Masamorimata mo hemi no kat wan brata or sista we ibon fastaem or behaen long hem.

Tom Roy isem long taem ia mo ironwe igo long haos blong hem wetem Jif Kalomoana Tisomorimata. This yia 2006 long manis blong May hemi rikodem Kalomoana long wan cassette we hemi talem se taem oli go stap wetem Tom Roy long haos mo Tom Roy italem long olgeta se hem (Tom Roy) ino blad laen blong taetol ia Masamorimata.

July 2003, smol mama blong mi, Late Naomi Bakeo ided long Vila, mo insaed long Sarambetu Church, Jif Amos Titongoa ni Liseriki ni Panita long Tongoa iofisaly ridim mo dikclerem se Naomi ikat four (4) sista mo olgeta five (5) gel ia oli stret blad blong wan hae jif blong Shepherd we nem blong hem Masamorimata mo hem ikam adoptem brata blong olgeta.

Long haos long late Naomi Bakeo, Jif Amos Titongoa istanap wetem olgeta insaed long haos mo pointem hem se hem nao hemi hae jif ia Masamorimata, mo directem olgeta blong Ambae, folem kastom kivim bak jifli taetol nem blong mama Naomi Bakeo mo hemi pem aot folem kastom. Jifli nemia hemi Manaita. Long taem ia tufala papa (Daniel mo Kalomoana) stanap istap mo witnesem.

Tufala jifs we imekem dikleresen hemi Jif Kaltaua Mariwota Matuimatisangavamata long nakamal Vanomao long Sangavamata Village mo Jif Amos Titongoa ni Leseiriki ni Panita blong Tongoa.

Paragraph 18 Naoia hemi gat 41 yia.

27^th March 1964 hemi bon. Folem kastom ikat wan kleva man blong Tongoa iputum nem blong hem long hem. Nem blong hem KALIA KOROKA. Long taem ia kleva man ia skuisim wan lif mo drop wota foldaon igo insaed long maot blong hemi olsem fes kakai blong hem. Afta long hem, hemi kivim wan nem bagegen we hemi MATAKARA. Sem taem kleva man iputum tabu long hemi blong no kakai red yam kasem taem hemi bigwan mo bae hemi kam blong finisim wok ia from kleva man ided.

9^th May 1970, uncle blong hem Kalosavi Tongen ikivim fes step blong taetol nem ia Manawota Masamorimata (nagisa natovea) we hemi Masamorimuri. Long taem ia mama blong hem, Anne itekem ples blong hemi kivim nem ia Masamorimuri long hem.

Paragraph 19 Masamorimata hemi jif blong pis mo unity.

Unity istap long olgeta wetem Jif Masamorimata Manawota mo Jif Matuimatimakatamata.

Long saed blong family tree hemi explainem se Lefau hemi fes woman blong bigfala jif ia Maraesulu Manawota Masamorimata mo taem we Jif Maraesulu igo long Queensland long Australia, wan man Tongoa ikam luk Leifau mo mekem Lefau pregnant mo bonem Willie Soka. Willie Soka hemi maretem Leituku blong Lumbukuti long Tongoa. Hemi talem se taem Willie Soka ikarem Leituku oli ko long Vila, Willie Soka iwok olsem Police man. Long taem ia Leituku igat bel blong wan man Tanna mo ibonem Kalosavi Tongen. Kalosavi Tongen nao hemi papa blong Tom Roy Kalorupu we hemi defenden long kes ia. Mama blong Tom Roy hemi Leitukure blong Tongomea village, Emae. Hemi further talem se Willie Soka mo Leituku ibonem wan narafala gel nem blong hem Norcy we imaretem Jif Ben Matisangavamata blong Sangava village. Norcy imaret iko bak long Panita long Tongoa blong fulfilim blood ia.

Further hemi talem se woman we Marakipulemata blong Pele, Tongoa igivim we hemi Laiwaoua, imaretem Maraesulu, tufala ibonem Willie mo Willie Kalomoana imaretem Leisong mo tufala inbonem Annie and wan pikinini gel blong Annie ia nao Annie we hemi Leisavi imaret iko long wan nakamal blong Marikibulemata oli kolem Tevala.

Wan gel blong Willie Kalomoana imaret iko long Lumbukuti mo stap wetem Kenneth Tariliu and hemia hemi replacem mama blong hem we ikam long Lumbukuti long Tongoa.

Hemi stap talem tu se from we papa blog Kalosavi Tongen iblong Tanna, ol pikinini gel blong Kalosavi Tongen ino gat wan imaret folem kastom iko bak long village blong mama blong olgeta we hemi Tongomea.

Further hemi stap talem se blood nomo hemi givim raet long person concerned blong tekem nem blong hem olsem hem Kalia Wilson.

Long kros examination, hemi stap confemem fulap samting we hemi mentionem long statement blong hem finis. Hemi confemem bagegen se bloodline nomo igat raet blong kleimem wan jifly title. Hemi confemem se Willie Kalo hemi bin ordained long nem ia "Usamoli Ni Draliu" mo talem se ol man Tongoa nao igivim long hem. Hemi confemem long wan kwesten bagegen se Maraesulu hemi gat tu (2) woman. Fes woman blong hem hemi bonem Willie Soka mo no. 2 woman blong hem iblong Pele Villiage, Tongoa mo ibonem Willie Kalomoana nomo. Hemi talem se Maraesulu ino givim nem ia Masamorimata long pikinini blong hem Willie Kalomoana from we Willie Kalomoana iwan man we iwokbaot tumas mo ineva slap kwaet.

Long wan kros examination se from wanem hemi mekem fasin ia mo sipos fasin ia ifolem kastom blong Shepherds. Klaimen italem se Maraesulu hemi sick nao ided mo inogat taem blong ordeinem son blong hem. Hemi talem se Jif Robert Matuimatisangava blong Sangava village nao bin talem long Willie Soka blong holem long wan term blong 5 yias nomo be ineva kivim bak long Willie Kalo.

Long wan kwestin se siposi wan jif ino gal boe be ikat ol gel nomo, then wan pikinini blong ol gel ia isave kam blong karem nem blong jif, be Kalia hemi talem se Annie imaret folem condition se olgeta everiwan oli gel mo promis se Annie nao bambae iputum jif. Long wan narafala kwestin abaot Kalia Koroka se from wanem ino kleva man blong Masamori ikam blong givim kastom jif long Kalia be wan man Tongoa. Kalia italem se hemi forom se Masamori ided bifo hemi bon.

Folem olgeta point antap hemi Jif Kalia Wilson Daniel MASAMORIMURI, hemi mekem klarifikesen statementia olsem blong konfemem bagegen se Jifli taetol nem ia MASAMORIMATA hemi blong hem mo TOM ROY ino raetful man blong karem.

Second witnis hemi Daniel Manuriki Masiloa Mbalanga blong Marae village, Emae aelan mo hemi mekem statement ia olsem wan witness blong konfemem se Jifli taetol nem ia MASAMORIMATA hemi blong Jif Kalia Wilson Daniel Masamorimuri. Witnis ia hemi papa blong Klaimen. Hemi submitim wan written statement mo talem olgeta samting ia:

1. Hemi bon long Mangarisu village long Tongoa aelan long 8^th September, 1928 mo tis yia 2006 bae hemi gat 78 yia.

1.1 Nem blong village taem ia hemi Labukut.

1.2 Hemi gat two (2) smol brata mo wan (1) smol sista.

2. Papa blong hem hemi Manuriki Timarae mo mama blong hem Alice Leitukuraumata (sista blong Jif Matitongoamata Toara blong Mangarisu village, Tongoa).

2.1 Papa blong hem iordein ikam jif Metarilangi long 16th April 1930 anda long Jif Maraesulu Manawota Masamorimata we hemi papa blong uncle blong hem.

3. Papa mo mama blong hem istatem village ia Marae wetem olgeta pikinini blong hem long 1940.

3.1 Nem ia Marae, papa blong hem itekem aot long haf nem blong apu blong hem, Timarae Masoewia.

3.2 Family Charley oli muv aot long Matanavaka mo kam liv wetem olgeta long 1942

3.3 Family August Titongoa oli muv aot long Sangava village mo kam live wetern olgeta long 1953/1954.

4. Hemi mekem wok blong jif eighteen (18) yia bifo hemi ordainem ikam wan jif.

4.1 Hemi bin stat blong mekem wok blong jif stat long 1950.

4.2 Witnis hemi ordainem ikam Jif Metarilangi long 16^th April 1968 long Marae village, Emae aelan and long Jif Willie Soke Marikitapu Manukiki Masamorimata.

5. This yia 2006, hemi gat 56 yia experience mo save gud long tru teaching blong kastom mo ol graon blong olgeta we papa blong hem isoem long hem.

5.1 Hemi attendem stat long 1978 fulap miting blong Shepherds Council of Jifs, we hemi Maraki Vanuariki, blong tokbaot ol kastom bisnis blong Shepherds Group.

6. Hemi odainem fes bon boe blong hem Harry August ikam Jif Matarilangi long Marae village, Emae aelen long 7^th May 1999.

6.1 Today hemi wan ritae jif blong Marae Nasukuaki

7. Hemi maretem Anne Leiravenga Leipopongi, fes bon gel blog Willie Kalomoana.

Save blong hem mo folem stret kastom blong Shepherd Group, hemi confemem olsem:

8 OI Jifs blong Shepherd aelans ikat ol kastom links or rilesensip we hemi exist long taem finis long history we ikam.

9. Kastom blong Shepherds we Emae aelan istap insaed hemi wan nomo, except blong Jif Masamorimata we ilukim ordainsen system blong hem istap happen nomo long solwota.

10. Shepherd Group kastom ikat structure blong hem

10.1 Everi pipol long wan community iliv insaed mo anda long wan governing jif (Nasuli)

10.2 Man mo woman anda long governing jif igat ol different privilege mo duty or responsibility blong wokem.

10. 3 Structure blo

ng kastom igo olsem: Nabanga (Nasuli)

Narewo

Natoto.

Pipol

10.4 Long kastom, NASULI hemi nabanga mo hemi hae jif, NAREWO hemi province, NATOTO hemi area mo afta igat pipol long grass rut.

11. Shepherd Group kastom igivim raet nomo long fes bon boe blong Nasuli ikam nex hae jif.

11.1 Sapos Nasuli igat ol gel nomo, kastom igivim raet nomo long fes born gel blong putum bak wan boe blong kam nex hae jif.

12. Long Emae aelan ikat tri hae jif or Nasuli nomo.

12.1 Long sun rise igat Jif Matuimatimakata.

12.2 Long midel gat Jif Manawota Masamorimata

12.3 Long sun set igat Jif Mativaitinimata

13. Long Emae aelan igat Sam jif bagegen we 0li kam insaed mo oli stap andanit long trifala hae jif ia. Jif Matuimatimakatamata igat Sam jif olsem, Jif Manawota Masamorimata igat Sam jif olsem mo jif Mativaitinimata igat Sam jif olsem

Save blong hem ifolem stret kast rilesensip mo strat blad laen blong jif Masamorimata, hemi konfemem olsem;

14. Jif Maraesulu Manawota Masamorimata imaret two (2) taem.

14.1 Fes woman blong hem, nem blong hem LEIFAU. Folem kastom link or rilesensip, woman ia ikam long Varaea Lakenabanga long area blong Jif Matuimatimakatamata igo long Jif Manawota Masamorimata.

14.2 Jif Maraesulu Manawota Masamorimata wetem Leifau, tufala ino gat pikinini. Taem Jif Maraesulu Manawota Masamorimata igo wok long Queensland, Australia, Jif Maripili Taripoamata blong Panita, Tongoa igivim pikinini long Leifau we nem blong hem WILLIE SOKA MANUKIKI.

14.3 Sekon woman blong hem, nem blong hem LEIWAUA LEIWIA LEINAMALINGO we hemi pikinini gel blong jif Marakibulemata blong Varea ni Meletau long Pele village, Tongoa. Folem jifli link or rilesensip Jif Marakibulemata igivim woman ia longJif Manawota Masamorimata blong maretem mo blong bonem niu jif Manawota Masamorimata.

15. Folem kastom link or rilesensip Jif Tinabuamata igivim wan gel blong saed blong hem long Varea Lakenatoto igo long boe blong Jif Maraesulu Manawota Masamorimata. Nem blong gel ia LEISONGI LEIPAKOA ELCY.

15.1 Willie Kalomoana imaretem Leisongi mo tufala igat ol pikinini gel nomo we o1i laef

15.2 Folem kaston fasin, Jif Maraesulu Manawota Masamorimata italem long boe blong hem Willie Kalomoana se Anne, we hemi fes bon gel blong hem imes stap long haos blong Jif Matarilangi blong holem taet gudness blong rilesensip bitwin hem mo Timarae Masoewia.

Save blong hem mo folem stret kastom rilesensip mo stret blad laen blong Jif Masamorimata wetem Jif Matarilangi, hemi konfemem olsem:

16. Long 1945 hemi go mo stop wetem uncle blong hem Jif Titongoamata Toara long Mangarisu Village, Tongoa Island.

16.1 Long 1947 boe blong Jif Marasesulu Manawota Masamorimata, Willie Kalomoana wetem Jif George Manauvea itekem ship blong Masta Dickea mo kam forom heim long Tongoa blong go long Emae.

16.2 Oli iarrive long Emae mo go long haos blong Willie Kalomoana long Sangava village. Hemi jes faenem aot se Willie Kalomoana wetem waef blong hem Leisongi imekem wan kaekai. During long kaikai preparasen Willie Kalomoana italem long hem sei "Daniel bae yu tekem gel blong mi Anne ikam waef blong yu. Tingting blong hem imekem wok ia ifolem nomo plan blong papa blong hem se hemi mas putum hem olsem fes bon gel blong hem mo tufala ijes putum wan pikinini boe ikam bak long olgeta.

16.3 Long taem ia Willie Kalomoana ibin givim long hem two (2) shet, two (2) traosis, one (1) ring, two (2) mats, wan (1) bandel calico mo six paon blong konfemem toktok blong hem wetem papa blong hem.

17. Long 1949, hemi maretem Anne Leiravenga Leipopongi long bigfala church long Lebuta mo afta jes go long Sangava blong kakai.

17.1 Narafala dei nao, Tony, Papa blong Kalowia we ilus finis long Vaitini, Robert Timakuraroto, papa blong Toara Timakuraroto, Willie Kalomoana mo Leisongi oli jes Moria Anne ikam long village blong papa blong hem long Marae

18. Long manis December 1964 taem we waef igat bel, representatif blong Masamorimata we hemi Willie Soka Manukiki italem long hem mo Anne se sipos pikinini ia iwan boe, bae hemi kam bak blong tekem nem ia Masamorimata.

18.1 Long 27^th March 1967, waef ibonem wan baby boe. Taem ia wan kleva man blong Tongoa iputum nem blong hem long baby ia. Nem blong hem KALIA KOROKA. Long taem ia kleva man ia iskuisim wan lif mo drop wota ifoldaon igo insaed long maot blong Kalia olsem fes kakai blong hem. Afta long em, hemi kivim wan nem bagegen we hemi MATAKARA. Sem taem kleva man iputum tabu long Kalia blong no kakai red yam kast taem hemi bigwan mo bai hemi kam blong finisim haf wok we istap yet.

19. Long 1950 hemi statem buildim wan haos yam long Lebutamata olsem blong statem niu village blong jifli taetol Masamorimata.

20. Long 1969, representative blong Manawota Masamorimata mo papa blong hem iagri blong mekem Karen long ordinesen we bae uncle blong Kalia ikivim long hem.

21. Long 9^th May 1970 folem kastom promes blong Jif Maraesulu Manawota Masamorimata, representative blong hem we hemi Kalosavi Tongen, uncle blong Kalia, igivim fest step (Nangisa Natovea) long Kalia we hemi MASAMORIMURI (Samorimuri or Namuri) long Kalia we hemi kalifaem Kalia blong tekem jifli taetol nem ia Manawota Masamorimata. Taem ia mama blong Kalia nao ipresentem Kalia blong tekem kastom taetol ia, from Kalia ismol yet (6 yia).

22. Long ordinesen ia ilukim papa blong hem, Manuriki Matanlangi olsem uncle blong Kalosavi Tongen igivim fes step,(nangisa natovea) long Kalosavi long kastom taetol MALIU.

23. Taem ia mi mo mama blong Kalia ipem aot nem ia long uncle blong hem, Kalosavi Tongen.

24. Kraon blong Jifli taetol ia,hemi mo mama blong Kalia ipem aot long kastom igo long representative blong Manawota Masamorimata we hemi Willie Soka Manukiki Marikitapu.

25. Long June 1995 hem mo mama blong Kalia igivim fes step nem ia Masamorimuri folem kastom mo Kalia ipem aot long tufala folem kastom.

26, Long 2005, Kalia ipem aot kraon blong jifli taetol ia Masamorimuri long hem ifolem kastom.

27. Save blong mi ifolem stret kastom fasen mo stret blad lae blong Jif Masamorimata hemi konfemem olsem.

28. Long 27 July 1992, Kalia istopem Tom Roy blong no tekem jifli taetol nem ia Masamorimata be Pakoa Meto ijust putum han blong hem long Tom Roy mo ordenem hem wetem nem ia Masamorimata.

29. Odinesen ia itek ples long haos blong smol brata blong Tom Roy, late George Atong, we hemi ded finis.

30 Odinesen ia igo akensem system blong odinesen blong jifli taetol Manawota Masamorimata.

31. Folem ol points antap hem imekem stetmen ia olsem wan witness mo konfemem bagegen se jifli taetol nem Masamorimata hemi blong Jif Kalia Wilson Daniel Masamorimuri.

32. Long kross examinesen, Kot iluk se witnis ia hemi witnis plante nao se hemi hemi bin maretem Annie se bambae hemi mas bonem wan boe blong tekem nem ia Masamorimata. Witnis hemi stap talem se hem iblong Lakenarau or wan namakal blong Jif Matarilangi mo hemi no wan nakamal blong Masamorimata. Witnis hemi talem se papa blong Maraesulu Masamorlmata hemi Kaloripu mo hem nao iodainem Tirnarae. Hemi stap talem se Masamorimata hemi gat wan kastom blong odainesen long solwota mo sipos oli mekem odainesen long shore iminim se hemi no folem kastom blong hem. Hemi se Kalosavi Tongen oli odainem hem long solwota long pasis blong Worarana mo taem ia Willie Kaltapa Atavirualima we hemi Atavi blong Masamori nao hemi odianem hem. Witnis italem tu se Willie Kalo istap long ship taem papa blong hem ided.
Witnis italem se Robert Tisangava nao italem se Willie Kalo bambae imangem nem blong Willie Kalo. Further hemi talem se Tisangava hemi security blong Masamori mo hem istap wetem Masamori oltaem mo Tisangava hemi no gat raet blong talem who bambae itekem name ia sipos Masamori ided.

33. Witnis ia istap talem nomo se Narewo isave bonem wan boe blong tekem nern sipos hemi folem bloodline. Witnis italem to se taem Willie Soka itekem nem ia Masamorimata ino gat dispute/rao long hem yet.

34. No. 3 witnis hemi W. GABERY MARAKINARURU mo hemi nao statement blong hem.

Hemi kam long Pele village, Tongoa aelan. Kaming blong hem hemi mainly blong witnesem woman ia LEIWALIA LEINAMALINGO ibin setem ikam long Emae aelan, Tapakoro village blong karem Masamorimata. From risen ia nao hemi stap stanap ia blong witnesem se Kalia Wilson hemi true pikinini blong Annie. Annie hem pikinini blong WILLIE KALO MUANA. Willie Kalo Muana hemi pikinini blong LEIWALA LEINAMALINGO LEIMARAKI MANU olsem we istap long family tree blong Kalia Wilson.

Folem true mo stret fasin blong kastom links, girl we Chief isendem biong maretem nara chief, hemi mas vetsin istap mo long Wistom knoleg mo andastanding blong hem se Willie Kalo Muana hemi stret blood line blong Masamorimata.

35. Witnis ia hemi gat wan short statement nomo rno long kros-examinason hemi stap talem short nomo se hemi harem ol olfala oli talem se papa blong Willie Kalo hemi Maraesulu Masamorimata. Witnis hemi talem tu se Leinamalingo hemi blong Pele long Tongoa. Long ol narafala kwestin, witnis is hemi stap talem se hemi no save or hemi no ansa long hem.

36. Fourth witnis blong Klaimen hem Jif Daniel MASAMORIROTO blong Panita village, Tongoa aelan, Shepherds Group.

37. Long wan supporting written statement, hemi talem olgeta samting ia;

1. Maripili Taipoamata, hemi pikinini.blong rod blong Kalosike Vakal blong Pongabonga mo woman blong Matariliu blong Panita.

2. Willie Soka Manukiki, hemi pikinini blong rod blong Maripili wetem fes woman blong Maraesulu Masamorimata.

3. Willie Soka Manukiki hemi maretem Leituku blong Lumbukuti village, Tongoa. Tufala igat one pikinini nomo we hemi Norcy.

4. Kalosavi Tongen hemi pikinini blong rod blong man Tanna wetem Leituku blong Lumbukuti.

5. Kalosavi Tongen hemi maretem Leitukere blong Natonga village, Emae mo tufala ibonem Tom Roy.

38. Folem of point antap hemi stap konfemem bagegen se Jifli taetol nem is MASAMORIMATA hemi blong Jif Kalla Wilson Daniel MASAMORIMURI.

39. Witnis ia long kros examination hemi stap talem se hem ikam long kot ia blong witnisim se papa blong Kalosavi Tongen hemi blong Tanna mo papa blong hem nao italem long hem. Witnis istap talem se taem we Tom Roy hem bin go mekem wan pig killing kastom ceremony long Tongoa, hem Masamoriroto olsem administrator long wok blong Masamorimata hemi no bin go mo hemi harem se Tom Roy itekem aot nem ia long hem mo odainem narafala man wetem from se nem is Masamoriroto hemi nem blong Masamorimata. Witnis ia hemi se hemi no sua sipos papa blong Kalosavi Tongen hemi man Tanna, be hemi se papa blong hem nao hemi talem long hem. Witnis ia kot iluk se hemi no sua long wanem we hemi stap talem olsem se hemi se Willie Soka hemi bon long 1700's mo around 1800's nao hem mo Leituku itravel iko long Vila ma taem ia nao Man Tanna ia igivim pikinini ia long hem. Willie Soka mo Leitukere ikarem Norcy we nao ia Norcy ilaef yet, so Norcy hemi sud gat well over 200 yias we kot ino save bilivim. Kot ia hemi sakem aot of evidence blong hem we itaem se papa blong Kalosavi Tongen hemi blong Tanna.

40. Las witnis blong Klaimen hemi Willie Jack Moses Titongoaroto mo hem ikam aot long Bongabonga village long Tongoa. Witnis ia hemi no gat any written statement be hemi givim wan short testimony long kot we olsem ia;

41. Hem se hem stanap blong protektem ol royal bloodline blong ol hae jifs we plante tumas oli stap long dispute. Hem se long kastom oli stap foloem birth raet mo long kastom oli talem eye blong man or birth raet. Hemi talem se igat five (5) principal we man imas obsevem bifo yu save odainem wan hae jif. Igat;

1. Sipos wan jif no gat boe, ol jif oli save lukaot iko long stret ples we ol gel blong jif imaret iko long hem mo karem blood ikam blong karem title blong hem.

2. Man ia hemi mas be tru pikinini blong tru gel blong jif.

3. Raet man imas odainem hem.

4. Hemi mas stanap long stone blong hem mo oli odainem hem.

5. Hemi mas mekem pig killing ceremony.

41. Further hem talem se bifo hemi no wan practice blong disputum nem blong jif. Hemi talem se bifo of raet man nomo oli save disputum. Hemi talem se removal blong title of royal bloodline nomo oli save removem taem ordinasen ino folem of kastom principles ia antap. Hemi talem se taem igat dispute isoem se title oli pasem rong. Hem se fes ples oli pasem rong iko long papa blong Kalosavi we hem hemi blood blong Panita. Long wan kros examinason, witnis ia hem talem se hem no save history blong Masamorimata be hem stag long kot blong talem se Willie Soka hemi blood blong olgeta long Panita. Hemi stanap long principles blong kastom se royal blood imas be maintained. Witnis ia hemi no talem fulap samting we isave halvem kes blong Klaimen.

42. Kes blong Defenden, Tom Roy Kaloripu Kalosavi.

43. STATEMEN BLONG KLAIM BLONG JIF KALORIPU THOMSON ROY MASAMORIMATA

Kaloripu Thomson Roy Masaorimata hemi bon long 20^TH November 1957 mo hemi maret long 1981. Long 1982 fes bon son biong hem James Roy ibon. Long 27^TH June 1992 papa blong hem, Kalosavi Masamorimata ided, afta hemi tekem ova long Jifly kastom taetol ia Masamorimata. Seremoni ia ol jifs blong Emae we oli present long ded blong papa blong hem long dei ia mo oli witnisim.

Long 25^th June 1996, hemi holem wan pig killing seremoni long Tongoa aelan mo hemi kilim 37 pigs wetem wan buluk mo kivim long ol jifs biong 14 villages blong nekis holder blong kastom taetol ia "Masamormata". Long nekis dei hemi kam long Emae aelan mo hemi holem wan pig killing seremoni long 27^th June 1996 mo hemi kilim 27 pigs mo kivim long of jifs blong Emae mo Makira aelan olsem wan kastom indikeisen se hem Kaloripu Tomson Roy hemi niufala "Jif Masamorimata".

44. Brief Histri blong travel blong Masamorimata ikam long Emae aelan

45. Masamorimata long taem bifo long daknes taem hemi leko Efate aelan mo kam long Emae long kenu blong hem we oli kolem "Lavisoro". Taem hemi kasem Emae hemi kam soa long Sulua long Wora-kanasi. From Emae aelan hemi no gat tumas pipol yet. Jif Masamorimata hemi "kokoi navanua" or kleimem ol graon stat long Sulua iko kasem “Sokisoki" wan ples we hemi stap naraside blong Emae aelan bitwin Worarana mo Sangava Village. Afta we Jif Masamorimata hemi putum lan kleim blong hem ia finis hemi putum sam pipol blong hem oli stap blong kolonaisem area blong graon ia be hem (Masamorimata) isel iko bak long Efate aelan long kenu blong hem “Lavisoro”.

46. Masamorimata hemi spendem sam taem long Efate aelan afta hemi sel ikam bak long Emae long kenu blong hem wetem wan narafala Jif we hemi Jif Tivaitinimata. Kenu blong Masamorimata hemi kam soa long Worarana. Long seken trip ia Masamorimata hemi disaet blong liv mo beis long Emae aelan mo hemi setemap "Varea or Nakamal" blong hem long Ravenga. Nem blong nakamal ia hemi "Varea- Tapu".

47. Afta we hemi setemap nakamal blong hem long Ravenga, Masamorimata hemi seil long kenu blong hem iko long ol nara aelans olsem Pele, Nguna ol nara aelans blong Shepherds group, mo South Epi mo odainem mo putum ol "Nakainanga blong hem or hed blong jifs blong hem" long ol aelans ia mo kam bak mo liv long Emae aelan wetem ol nara "Nakainanga" blong hem. Wok blong Masamorimata hemi no finis, be hemi kontiniu blong visitim ol jifs blong hem ia long Pele aelen, Nguna aelan Shepherds aelans mo South Epi. Masamorimata hemi no stap kwaet long Emae be hemi kontiniu blong travel ikam long North Efate, Shepherd aelans mo South Epi blong visitim ol jifs blong hem mo mekem ol ordineisen seremonis.

Onasip blong kastom taetol ia "Masamorimata"

48. Hemi talem long honorabol Kot ia se Jif Kaloripu Thompson Roy Masamorimata hemi tekem jifly taetol ia "Masamorimata" from se hem hemi stret blad laen mo stret pikinini blong Kalosavi Masamorimata. Kalosavi Masamorimata hemi stret pikinini blong Willie Soka
Masamorimata. Willie Soka Masamorimata hemi stret pikinini blong Maraesulu Masamorimata. Long 1933 taem Maraesulu hemi kam olfala lelebet, hemi jusum Willie Soka mo ordeinem hem ikam olsem Willie Soka Masamorimata.

49. Willie Soka Masamorimata hemi kat two step bratas. Fes step brata blong Willie Soka Masamorimata, we hemi Willie Kalo, papa blong tufala Maraesulu Masamorimata hemi ordeinem hem wetem kastom taetol ia "Usamoli Ni Daraliu". Willie Kalo hemi pikinini blong rod blong Tim Naoope blong Daraliu, long Tongoa aelan. Namba tu step brata blong Willie Soka Masamorimata hemi Obed. Obed hemi pikinini blong rod blong Maraesulu Masamorimata. Maraesulu Masamorimata hemi ordeinem Obed wetem jifly taetol "Tipoloa".

50. Onasip blong jifly taetol "Masamorimata" stat long dakness taem ikam kasem generesen blong Maraesulu Masamorimata, Willie Soka Masamorimata, Kalosavi Toke Masamorimata mo naoia hem Kaloripu Thompson Roy Masamorimata hemi pass nomo long blad laen blong hem mo long saed blong man. Kastom system ia hemi accepted by ol pupu blong olgeta mo oli neva dispiutum. In other words ol pupu blong olgeta oli neva dispiutum jifly taetol “Masamorimata” from oli save se ol pipol we oli karem jifly taetol ia “Masamorimata” oli stret blad blong hem.

Brief blad Men historl blong Willie Kalo

51. Maraesulu Masamorimata hemi bin maret tu taems. Long fes maret, Marasulu Masamorimata hemi maretem wan woman Tongamea village long Emae we nem blong hem hemi Leisale Leinavao mo tufala ikat wan boy we nem blong hem hemi Willie Soka. Leisale Leinavao hemi bonem wan smol gel bakeken be after hemi ded wetem smol bebe ia.

52. Afta we Leisale Leinavao hemi ded Maraesulu Masamorimata hemi maretem wan narafala woman bakeken we hemi blong Pele village long Tongoa aelen mo nem blong hem hemi "Leiwaua Leinamelingo". Taem we Maraesulu Masamorimata hemi maretem Leiwaua Leinamalingo finis, Maraesulu Masamorimata hemi travel igo long Queensland, Australia long ship blong ol Blak Birders blong katem sugar cane. Taem Maraesulu Masamorimata hemi finisim contrak blong hem long Queensland, Australia, hemi kam bak long Vanuatu (New Hebrides fastaem) mo travel iko long Tongoa blong luk waef blong hem Leiwaua Leinamalingo. Long naet taem Maraesulu Masamorimata hemi wantem silip wetem waef blong hem, Leiwaua Leinamalingo hemi talem long Maraesulu Masamorimata se sorry tumas hemi no save kat sex wetem hem (Maraesulu Masamorimata) from hemi pregnant finis.

53. Maraesulu Masamorimata hemi kros tumas nao hemi fosem Leiwaua Leinamalingo blong imas talem aot nem blong man ia we hemi mekem hemi pregnant. Leiwaua Leinamalingo hemi ranwe igo long "Varea ni-tano" we hemi nakamal blong Usamoli blong Jif Tinapua Mata blong Lumbukuti village long Tongoa.

54. Leiwaua Leinamalingo hemi go bonem bebe boy ia long Varea ni-tano Maraesulu Masamorimata hemi sorry long woman blong hem mo bebe boy ia mo askem blong tufala ikam bak long woitasi, afta Maraesulu Masamorimata hemi givim nem ia "Willie Kalo" long bebe boy ia. Maraesulu Masamorimata hemi no destroem or spolem smol bebe ia be hemi lukaotem gud hem. Hemia from se jif Masamorimata hemi jif blong mekem pis be hemi no wan jif blong mekem fait or raorao.

55. Long bigfala kastom seremony blong odinesen blong legitimet son blong hem, Willie Soka blong hemi kam olsem nekis Masamorimata, Marasulu hemi ordeinem Willie Kalo wetem kastom taetol ia "Usamoli Ni-Daraliu”. Afta sam yia ipass, Willie Soka Masamorimata hemi tekemaot jifly taetol ia “Usamoli blong Daraliu” long Willie Kalo afta hemi givim igo long Willie Karasin blong Daraliu, Tongoa aelan.

Brif Family tree blong Willie Kalo

56. Willie Kalo hemi smol pupu blong Kaloripu Roy Masamorimata. Woman blong hem hemi Leisongi mo hemi blong Woraviu, Pele village long Tongoa aelan. Tufala igat faev kels. Fes bon hemi Annee, seken bon hemi Alice Temo, ted bon hemi Mareta, fot bon hemi Ester mo las bon hemi Naomi.

57. Fes bon we hemi Annie, Willie Kalo mo Leisongi, tufala igivim aot em igo long August Titongoa mo Leimoso Nerry blong hemi kam olsem sista blong Amos Titongoa mo James Tapanga Mata. August Titongoa hemi chief blong Nakamal blong Liseiriki.

58. Seken bon hemi Alice Temo, Willie Kato mo Leisongi, tufala igivim aot em igo long Willie Soka Masamorimata blong hemi kam olsem sista blong Kalosavi Tongken Masamorimata.

59. Ester hemi maret igo long Tongoa aelan mo Naomi hemi maret igo long Ambae aelan.

60. Mareta we hemi namba tri kel, Willie Kalo hemi kipim hem wetem hem blong hemi karem of kastom propeti we oli blong Willie Kalo. But most impotenly, mein plan hemi blong Mareta hemi kasem wan kastom taetol. Long 1971 taem Kalosavi Token hemi karem jifly taetol blong hem "Masamorimata" hem tes ordeinem Mareta wetem kastom taetol ia "Usamoli blong Masamorimata" long Emae.

61. Long 27 Jun 1996 taem Kaloripu Thomson Roy Masamorimata hemi mekem wan pig killing seremoni long Tabakoro village long Emae aelan, hemi tes karemaot "Usamoli" long Mareta mo ordeinem son blong Mareta, Seule wetem. Hemia from se Seule hemi stret blad blong Willie Kalo.

Brif blad laen histri blong Obed Tipoloa

62. Maraesulu Masamorimata hemi kat pikinini wetem Narupa blong hem we hemi sista blong Tivaitini Mata mo woman is hemi bonem Obed. Afta Maraesulu Masamorimata hemi ordeinem Obed wetem jifly taetol Obed Tipoloa.

Ordinesen blong Willie Soka Masamorimata

63. Maraesulu Masamorimata hemi gat trifala boys, Willie Soka, Willie Kalo mo Obed.

(a) Willie Soka hemi fes bon mo mama blong hem Leisale Leinavao hemi fes wife blong Maraesulu Masamorimata. Leisale Leinavao hemi bonem Willie Soka nomo afta hemi ded.

(b) Willie Kalo hemi pikinini blong rod blong seken waef blong Maraesulu Masamorimata we nem blong hem Leiwaua Leinamalingo.

(c) Obed hemi pikinini blong rod blong Maraesulu Masamorimata. Mama blong Obed hemi sista blong Tivaitini Mata.

64. Long 1933 Maraesulu Masamorimata hemi mekem wan ordinesen seremony mo hemi ordeinem son blong hem Willie Soka wetem jifly taetol "Masamorimata" wael Willie Kalo, Maraesulu hemi ordeinem hem wetem kastom taetol "Usamoli blong Daraliu" mo Obed, Maraesulu hemi ordeinem hem wetem kastom taetol "Tipoloa".

65. Afta seremoni blong ordinesen ia, Willie Kalo hemi neva dispiutum jifly taetol ia "Masamorimata" wetem Willie Soka. Tufala brata iliv tugeta pisfuly mo helpem tufafa blong karem aot olgeta kastom responsibilities blong Willie Soka Masamorimata. Iven afta we brata blong Willie Soka Masamorimata hemi tekemaot kastom taetol "Usamoli blong Daraliu" long Willie Kato mo kivim long Willie Karasin blong Daraliu, Tongoa. Willie Kalo hemi liv pisfuly wetem brata blong hem Willie Soka Masamorimata long Emae aelan kasem taem we Willie Soka Masamorimata hemi ded long 1982.

Brif family tri blong Kalosavi Tongken Masamorimata

66. Kalosavi Tongken Masamorimata hemi maretem wan woman blong Tongamea village long Emae aelan. Nem blong woman ia hemi Leitukere Tukurau. Kalosavi Tongken Masamorimata mo Leitukere Tukurau tufala ikat eit pikinini, fo (4) boys mo fo (4) gels. Fes bon son blong Kalosave Tongken Masamorimata mo Leitukere Tukurau hemi Kaloripu Thomson Roy.

67. Long 22 June 1992 taem Kalosavi Tongken Masamorimata hemi ded no son blong hem Kaloripu Thomson Roy hemi stanap long mat mo hemi ordain olsem Kaloripu Thomson Roy Masamorimata.

Brif family tri blong Kaloripu Thomson Roy Masamorimata

68. Kaloripu Thomson Roy Masamorimata hemi maretem wan woman Marae village we nem blong hem hemi Dorah Leisila mo tufala igat tu boys, James mo Manu. Kaloripu Thomas Roy Masamorimata mo Dorah Leisila tufala ites adoptem tu kels begeken, Julie mo Prescilla.

69. Long February 2005, Kaloripu Roy Masamorimata hemi mekem wan smol kastom seremony long Tabakoro village long Emae aelan mo hemi givim kastom taetol "Manaroto"igo long son blong hem James. Kastom taetol ia "Manaroto" hemi nem blong "Natovea" blong James. Kastom taetol ia “Manaroto” hemi nem blong “Natovea” blong James. Hemi wan kastom taetol we wan fes bon son blong wan hae jif hemi karem fastaem bifo papa blonghem hemi ordeinem hem wetem jifly taetol blong hem.

Kastom fasin blong pasem ol jifly taetols long Emae

70. Long Emae aelan mo long Sheperd aelan ol kastom taetol blong ol hae or paramaont jif hemi pass on nomo igo long boy be ino go long ol kel. Wan eksampel hemi tufala pikinini blong Willie Soka Masamorimata. Fes bon hemi kel, nem blong hem Norcy mo seken bon hemi boy, nem blong hem hemi Kelosavi Tongken. Be folem kastom system blong ordeinesen blong ol jifs long Emae, Willie Soka Masamorimata hemi givim jifty taetol "Masamorimata" long son blong hem Kalosavi Tongken we hemi seken bon.

71. Sapos wan jif hemi kat ol kel nomo be hemi no kat wan boy, mbae jif ia hemi save adoptem wan boy blong brata blong hem or wan son blong sista blong hem blong boy ia hemi karem jifly taetol ia.

Decleresen mo explenesen

72. Follem ol klia toktok mo ol klarifikeisen we hemi mekem antem hem, Jif Kaloripu Thomson Roy Masamorimata hemi diklerem long honorabol Kot ia se hemi Kaloripu Thomson Roy Masamorimata hem nomo hemi stret blad laen blong jifly taetol ia "Masamorimata".

73. Kalia Wilson Daniel hemi pikinini blong Annee, we hemi no stret blad laen blong jifly taetol ia "Masamorimata". Pupu blong Kalia, Willie Kalo hemi pikinini blong rod blong seken woman blong Maraesulu Masamorimata. Therefore hemi NO blad blong Maraesulu Masamorimata.

74. Mama blong Kalia Wilson, Anne Daniel, Jif blong Liseiriki August Titongoa hemi adoptem mo pemaot hem long Willie Kalo mo Leisongi. August Titongoa nao hemi tes givim long Daniel mo mekem maret blong tufala. Kwestin long ples ia se from wanem nao Willie Kalo hemi givim aot fes bon kel blong hem Annee igo long August Titongoa we hemi jif blong narafala nakamal? Long Emae neva wan jif or papa hemi.givim aot fes bon kel or boy blong hem igo long wan nara man, family or nakamal. Hemi sorry tumas blong luk se smol pupu blong hem Willie Kalo hemi givim away fes bon kel blong hem, Annee igo long August Titongoa.

Adopsen blong Kalia Wilson ikam long Nakamal blong Masamorimata

75. Follem gud hat blong papa blong hem Jif Kalosavi Tongken Masamorimata hemi tes adoptem Kalia Wilson ikam long nasara or nakamal blong hem long 1982. Long 1996 Jif Kaloripu Thomson Roy Masamorimata hemi ordeinem Kalia mo givim kastom taetol ia "Namuri".

76. Afta long ordinesen ia obseveisen blong hem hemi se Kalia hemi no wan hones man. Long 2001 hem mo kaonsel blong hem ikaremaot kastom taetol ia "Namuri" long Kalia afta sendem Kalia igo bak long Marae village, ples we hemi bon long hem mo mama mo papa blong hem tufala iliv long hem.

77. Kalia hemi kros afta hemi tekem sam man Marae village ikam long haos blong hem long 4 Okis 2001 mo kleim se hem (Kalia) itekemaot jifly taetol ia "Masamorimata" long hem we hem nao raetful ona blong taetol ia. Follem raorao blong isiu olsem ikam long Vila mo pas long Majistret Kot mo Majistret Stephen D. Felix hemi rul se keis blong kastom ia imas go bak long Emae blong oli solvem folem kastom blong Emae.

78. Long 4 Octoba 2001 Ngarikitu Kaonsel blong of Jifs long Emae hemi sitaon mo lukluk long kes ia. Ikat 3 polis offisa we oli stap long miting ia blong witnesem mo mekem sua se miting hemi tekem ples witaot any disterbans. Desisen blong Ngarikitu Kaonsel blong ol Jifs hemi talen se Jif Kaloripu Thomson Roy Masamorimata hemi raetful ona blong jifly taetol ia "Masamorimata". Be Kalia Wilson hemi no gat eni raet nating blong kleimem jifly taetol ia "Masamorimata".

79. Long kros-examinesen, difenden hemi stap talem se festaem Masamorimata hemi bin stap long Maniura long Efate, mo hemi bin muv ikam stap long wan wota long ples we Au Bon Marche Manples istap long hem naoia mo hemi mekem wan ordeinesen long wota ia nao. Hemi bin ordeinem Roymata mo Roymuri afta hemi sail long kenu blong hem we oli kolem Lavisoro.

80. Hemi go shoa long Worakanas mo feta muv igo long Epi mo putum Sasamak long wei. Leta hemi muv igo long Panita long Tongoa mo go back long Emae mo go long Efate.

81. Hemi muv namba tu taem mo go putum Marangoe long Emua, hemi, go long Pele aelan mo Emae bageken. Hemi stap muv mo stap chekem ol man blong hem wetem ol wok blong olgeta.

82. Hemi tokabaot ol Masamorimata long ol generesen blong bifo kam kasem tudei. Hemi stat long:-

(a) MATAMATE Masamorimata;

(b) SUMA Masamorimata;

(c) KUSUE Masamorimata;

(d) SATUMA KAKAE Masamorimata;

(e) SUPA Masamorimata;

(f) KALOTAPU Masamorimata;

(g) SAAVILE Masamorimata

(h) SEULE Masamorimata;

(i) KALORIPU Masamorimata;

(j) VAKAO MASOSOPU Masamorimata;

(k) MARAESULU Masamorimata;

(1) WILLIE SOKA Masamorimata;

(m)KALOSAVI TONKEN Masamorimata; mo hem

(n) TOM ROY KALORIPU Masamorimata.

Hemi se hemia nao hemi olgeta man we oli bin holem nem ia Masamorimata.

83. Hemi stap talem se Maraesulu hemi tekem tugeta ia Willie Kalo mo Willie Soka olsem pikinini blong hem. Hemi stap talem long 1992, Kalia Wilson istat blong disputim nem ia Masamorimata, mo taem ia Willie Kalo istap long Tebakoro. Difenden hemi stap talem tu se Annee, we hemi mama blong Kalia Wilson hemi pikinini blong rod that's wae Willie Kalo igivim long August blong kam sista blong Amos mo James.

84. Hemi se long taem we papa blong hem ided, Atavirualima blong Masamorimata ikam long Tongoa mo ordeinem hem ikam Masamorimata long Tebakoro village nomo long Emae. Hemi se long kastom blong Masamorimata, ol Atavirualima oli save mekem nomo sapos Jif ino stap. Hemi se seremony ino tekem ples long solwota from papa blong hem ino bin mekem be ided, afta oli no save karem ded bodi igo long solwota. Hemi feta talem se oli no mekem seremoni blong ordineisen long nakamal from Kalia istap dispiutim mo ifraet se bambae oli rao. Hemi se fes step blong ordineisen hemi no bin karem from preparesen istap gohed be papa blong hem ided, be hemi talem se hemi tes mekem afta taem igo kilim pig long Tongoa mo leta long Emae long 1996. Hemi se apu blong hem oli bin ordeinem hem long Worarana. Hemi se hemi bin ordeinem Kalia long nem ia Masamorimori or Samorimori or Namuri from se hemi respektem hem. Hemi stap confemem nomo bageken se Leisale Leinafau nao hemia fes woman blong Maraesulu. Hemi stap dinaem storian se papa blong Kalosavi Tongken hemi blong Tanna mo hemi se ineva harem ol man oli talem long hem.

Stetmen blong Moses John Amos Tinapua

85. Moses John Amos we hemi ted bon son blong Jif Amos Titongoa Ni-Leseiriki istanap olsem nambatu witnis. Amos hemi son blong August Titongoa Ni-Leiseiriki mo Leimoso Leitarisongo Mata. Brata blong Amos hemi James Tapangamata. Stetmen blong hem ikontiniu olsem ia.

86. Taem August Titongoa Ni-Liseiriki hemi ded, jifly taetol “Titongoa Ni-Liseiriki” hemi pass on igo long Amos. Folem kastom fasin blong Emae mo Sheperd aelan, Tia August hemi karem wan nara kastom taetol we hemi "Me-Tukulurua" and son blong hem Amos hemi karem jifly taetol ia "Titongoa Ni-Liseiriki".

87. Jifly taetol blong hem hemi Moses John Amos hemi "Tinapua". Hemi wan hed blong jif blong Jif Amos Titongoa Ni-Liseiriki.

88. Folem kastom histori blong nakamal blong Liseiriki, ol kastom linkej blong Titongoa Ni-Liseiriki wetem ol narafal hae jifs raon long Sheperds aelans mo Efate aelan, ol family laens mo kastom tijing, we papa blong hem Jif Amos Titongoa Ni-Liseiriki hemi talem long hem wetem nara trifala bratas, hemi wantem mekem konfemem mo at the sem taem deklerem se Kaloripu Thomson Roy Masamorimata hemi stret pikinini mo blad blong Kalosavi Tongken Masamorimata we hemi papa blong Kaloripu Thomson Roy Masamorimata, mo hemi grandson blong Willie Soka Masamorimata we hemi papa blong Kalosavi Tongken Masamorimata. Kaloripu Thomson Roy Masamorimata hemi great grandson blong Maraesulu Masamorimata we hemi papa blong Willie Soka Masamorimata.

89. Brif histori blong anty Annee mo Daniel hemi olsem se hemi wan woman Pele village long Tongoa aelan we nem blong hem Leisongi mo hemi maretem wan man nem blong hemi Willie Kalo. Taem we Leisongi hemi maretem Willie Kalo, Leisongi hemi kat bel finis long wan nara man.

90. Taem we Leisongi hemi tes bonem Annee nomo we hemi wan smol bebe yet Willie Kalo hemi givim away Annee igo long Jif August Titongoa Ni-Liseiriki mo waef blong hem Leimoso Leitarisongo Mata blong Annee hemi kam olsem wan sista blong Leipunua, Amos mo James. In other words Willie Kalo igivim aot Annee ikam long nakamal blong Liseiriki from se Willie Kalo hemi save se Annee hemi no stret blad mo pikinini blong hem.

91. Afta we Willie Kalo hemi givim away Annee, Willie Kalo mo Leisongi tufala ites kat narafala pikinini, be ol pikinini ia oli ol kels nomo. Ol kels blong Willie Kalo mo Leisongi hemi Mareta, Alice, Esther mo Naomi.

92. Long sem taem we Willie Kalo hemi givim Annee igo long August Titongoa Ni-Leiseiriki mo woman blong hem Leimoso Leitarisongo Mata tufala ipem aot Annee long Willie Kalo mo Leisongi folem kastom fasin. Long lanwis oli talem olsem mi August Titingoa Ni-Leiseiriki mo Leimoso Leitarisongo Mata tufala i “Meri Kotovia” Annee igo long Willie Kalo mo Leisongi. Hemia hemi minim se folem kastom Willie Kalo mo Leisongi tufala inomo kat raet long Annee or mekem eni desisen we hemi konsenem laef blong Annee. Responsabiliti ia hemi kam long August Titongoa Ni-Liseiriki mo Leimoso Leitarisongo Mata from tufala ikam raetful adopted parents blong Annee.

93. Taem we Annee hemi wan teenager mo hemi kasem wan age we hemi redi blong karem aot responsibility blong wan maret woman, adopted papa blong hem August Titongoa Ni-Liseiriki mo adopted mama blong hem Leimoso Leitarisongo Mata tufala igo mekem wan maret arrenjmen wetem Jif Manuriki Matarilangi mo waef blong hem Alice blong fes bon son blong tufala Daniel hemi maretem Annee.

94. Maret arrenjmen ia blong Annee hemi set aot blong ajivim trifala objectives:-

(i) Maret arrenjmen ia hemi blong mekem kastom linkej blong Titongoa Ni-Liseiriki mo Manuriki Matarilangi hemi kam strong. Manuriki Matarilangi hemi Jif blong nakamal blong "Lakenarau". Fiuja jif biong "Lakenarau" bae hemi Daniel. Tefo maret blong Anne mo Daniel mbae hemi krieitem wan strong kastom linkej blong nakamal blong "Liseiriki' we jif blong hem Titongoa Ni-Liseiriki mo nakamal blong "Lakennarau" we jif blong hem hemi Matarilangi.

(ii) August Titongoa Ni-Leisiriki mo Leimoso Leitarisongo Mata tufala iwantem adoptem kel blong tufala Annee mbae hemi maret nomo insaet long family blong tufala. Hemi from se waef blong Manuriki Matarilangi, Alice hemi blong Mangarisu village long Tongoa aelan mo sista blong Titongoa Mata Manaorr, folem family mo kastom linkej bitwin Titongoa Mata. Folem kastom mo fasin blong maret blong Emae mo Sheperd aelans, hemi stret blong Annee we hemi adopted kel blong August Titongoa Ni-Liseiriki blong hemi save maretem Daniel we hemi fes bon son blong Alice we hemi sista blong August Titongoa Ni-Liseiriki.

(iii) Maret blong Anne we hemi adopted kel blong August Titongoa Ni-Liseiriki wetem Daniel we hemi fes bon son blong Alice we hemi sista blong Titongoa Mata mbae hemi reinfosem kastom linkej blong Titongoa Mata mo Titongoa Ni-Liseiriki.

95. Afta we August Titongoa Ni-Liseiriki mo woman blong hem Leimoso Leitarisongo Mata tufala imekem redi ol plans blong maret blong kel blong tufala Annee, maret seremoni hemi tekem ples mo August Titongoa Ni-Liseiriki mo Leimoso Leitarisongo Mata tufala igivim away or “Moria” Anee free nomo iko long haos blong Daniel mo givim wan kastom taetol blong nakamal blong “Leiseiriki long Annee we hemi “Leipopongi”. Daniel hemi no mekem wan kastom peimen blong Annee igo long August Titongoa Ni-Liseriki mo Leimoso Leitarisongo Mata.

96. Folem kastom blong Emae mo Sheperd aelan in general taem wan woman hemi maret aot igo long wan nara nakamal or nasara or village or aelan, papa mo mama blong woman bae oli mas givim wan kastom nem or jifly taetol long woman ia olsem wan saen blong kastom respek we hemi mekem se woman ia hemi wan kastom rank insaed long community blong hem mo sosaety we hemi liv long hem. Kastom nem ia hemi soem tu se woman ia hemi kam aot long nakamal blong wan jif.

97. Kastom nem blong nakamal blong Liseiriki ia "Leipopongi" hemi minim se "woman we ikat wisdom mo hemi save kamap wetem of gudgudrala tingting blong sapotem ol diutis mo kastom work blong hasban blong hem."

98. August Titongoa Ni-Liseiriki mo Leimoso Leitarisongo Mata tufala igivim wan pis kraon we igat ol kokonat tris long hem igo long adopted gel blong tufala Anne Leipopongi blong hemi save go stap karem drae kokonas long hem blong melekem kakae blong hem mo family blong hem.

99. Daniel mo Annee Leipopongi tufala imaret mo tufala igat 10 pikinini. Tu long ol pikinini ia ided wael eit nomo oli laef. Olgeta ia hemi, Margret, Leipakoa Elsy, Leisavi, Harry, Kalia, Willie, Watson mo Lilly. Folem gudfala family relesensip we hemi eksist bitwin family Daniel Matarilangi mo family Amos Titongoa Ni-Liseiriki, las bon kel blong Annee Leipopongi mo Daniel Matarilangi Lilly hemi tekem nem blong Lilly Amos we hemi waef blong Amos Titongoa Ni-Liseiriki.

100. Folem ol toktok mo brif explenesen we hemi mekem antap hemi wantem talem se, Kalia Wilson we hemi seken bon son blong Annee Leipopongi mo Daniel, hemi nogat wan kastom raet nating blong save kleimem jifly taetol ia "Masamorimata" mo eni raets we oli assosiet wetem kastom taetol ia from: -

(a) Mama blong hem, Annee Leipopongi hemi no stret pikinini blong Willie Kalo, taswei Willie Kalo ino laekem hem mo hemi givim aot hem taem hemi wan smol bebe nomo yet.

(b) Mama blong hem, Annee Leipopongi hemi raetful adopted gel

blong August Titongoa Ni-Liseiriki mo Leimoso Leitarisongo Mata

mo tufala nao ilukaotem Annee Leipopongi taem we hemi pikinini

yet kasem taem we hemi maret. Tufala yet imekem maret blong

Annee Leipopongi.

(c) Jif Willie Soka Masamorimata mo brata blong hem Willie Kalo tufala ino givim away or "moria" Annee Leipopongi igo long Daniel. Annee Leipopongi ino kamaot long nakamal blong tufala mo maretem Daniel be hemi kamaot long nakamal blong Liseiriki.

(d) Kastom nem ia “Leipopongi” hemi kastom nem blong nakamal blong Liseiriki we Annee Leipopongi hemi aot long hem mo maret igo long nakamal blong "Lakenarau".

(e) Ol family blong Willie Soka Masamorimata, mo ol family blong Willie Kalo mo Leisongi oli no karem any kastom peimen or kakae we Daniel hemi mekem blong pemaot Annee Leipopongi long August Titongoa Ni-Liseiriki mo Leimoso Leitarisongo Mata.

(f) Ol toktok ia hemi mekem ino blong spolem ol family blong gudfala aunty Anne Leipopongi be hemi blong talem aot true toktok long Sheperds aelans Kot blong jaj olisave iusum blong sortem aot dispiut ia bitwin Kalia mo Kaloripu Thomson Roy Masamorimata wans and fo ol blong mekem se ol families mbae oli save kam tugeta bageken.

101. Long ol las wiks mo deis blong laef blong gran mother blong hem Leimoso Leitarisongo Mata, gudfala aunty blong me Anne Leipopongi hemi kam stap long haos blong mifala long Marae village mo lukaotem adopted mama blong hem Leimoso Leitarisongo Mata kasem taem we hemi ded. Hemi gat bigfala rispek long aunty blong hem mo stap pray se mbae soul blong hem hemi rest long pis wetem masta Jisas Kraes.

102. Long kros eksaminesen, witnis ia hemi stap confemem nomo ol toktok blong hem abaot rilesensip we tufala jif ia Liseiriki mo Matarilangi igat mo wanem nao maret blong Annee hemi minim long tufala.

103.Hemi stap meintenem se ol jif ol sud karem ol woman ikam long Nasuliu or Nabanga blong bonem nekis jif mo meintenem kastom.

104. Namba tri witnis blong Difenden hemi Jif Ben Mataritapa blong Sangava village long Emae. Long witnis stetmen blong hem, witnis ia hemi stap talem olsem ia.

105. Se hem olsem wan Jif Nakainanga blong jif Masamorimata hem jif Ben Mataritapa hemi save gud se kastom taetol nem ia Masamorimata iblong Tom Roy. From we hemi karem ordineisen blong nem ia finis. Long blad laen we Tom Roy Masamorimata ikamaot long hem. Hemi save gud se Masosopu Maraesulu igat tri (3) woman. Fes woman hemi bonem Willie Soka, seken woman hemi bonem Willie Kalo mo nambatri woman hemi bonem Obed Tipoloa. Last woman blong Masosopu Maraesulu Masamorimata, hemi wan haos gel or Narupa nomo hemi no maretem.

106. Olfala Masosopu Maraesulu Masamorimata hemi givim ol kastom nem ia blong olgeta ia. Willie Soka hemi ordain Masamorimata. Willie Kalo hemi ordain Usamoli. Obed hemi ordain Tipoloa.

107. Masosopu Maraesulu Masamorimata hemi bin seraot gud ol hae rank kastom nem ia finis, mo hemi stret gud. Hemi sapotem strong Masamorimata Tom Roy se nem ia hemi blong hem. Sapos yumi wantem wan narafala rod mbae yumi save go tru.

108. Long kros examinesen, igat Sam kwestin mo ansas we ino relate nating long issue blong Masamorimata.

109. Namba fo witnis hemi Philip Fandanu mo olgeta toktok blong hem igo olsem.

110. Willie Kalo hemi no pikinini blong Maraesulu Masamori, Willie Kalo hemi pikinini blong Jimmy Naoope Timataso blong Malasei (Daraliu).

111. Maraesulu Masamori hemi maretem Leinavao blong Natonga (Emae) mo tufala ibonem Willie Soka Masamori.

112. Taem Leinavao hemi ded, Maraesulu Masamori hemi maretem Leinamalingo blong Pele. Be taem ia Leinamalingo hemi gat bel finis wetem Jimmy Naiope Timataso Malasei, nao hemi bonem Willie Kalo.

113. Folem risen ia nao Maraesulu Masamori hemi tekem Willie Kalo ikam back long Tongoa mo ordeinem hem itekem taetal ia Usamoli long 1939. Hemi talem se hem nao oli bin ordeinem hem wetem Willie Kalo long 1939 mo hemi laef yet.

114. Birth raet taetol hemi no folem saed blong woman, hemi folem saed blong man. So Annee hemi mare finis igo long narafala village Marae mo imaretem Daniel. Mo ol pikinini blong tufala oli blong Marae village. Oli nogat raet long nem ia Samori (Masamori).

115. Long kros examinesen, witnis italem se oli bin ordeinem hem wetem Willie
Kalo tugeta mo Willie Kalo ikarem Usamoli Ni-Daraliu, mo hemia from
papa blong Willie Kalo hemi blong Daraliu nakamal mo nem blong hem hemi
Jimmy Naoope. Hemi stap konfemem nomo se Leinamalingo hemi kam long Pele, Tongoa.

116. Namba faev witnis blong Difenden hemi Tom Tipoloamata mo hemia nao ol toktok blong hem.

117. Hem olsem Paramaon Jif blong Itakoma village Tongoa hemi gat 85 yia. Hemi stanap strong blong witnissim Tom Roy Samorimata (Masamorimata) se hemi tru bat blong Samorimata (Masamorimata). Hemi se bambae hemi iusum evri save mo wisdom blong hem blong difendem onaship blong nem ia blong Tom Roy Samorimata long Kot.

118. Long kros examinesen, Kot hemi harem nomo olgeta toktok we ol narafala witnis oli talem finis abaot jif we ino gat boe be hemi wantem meintenem blad blong hem.

119. Afta we Kot iharem tufala patis, Kot hemi ridim ol sabmisen mo long Kleimen, hemi talem olgeta points ia: -

• Nem ia Masamorimata ibin stap long dispiut long stret dei we Tom Roy ikarem. Long kros examinesen, Difenden iadmitim.

• Hemi save se igat dispiut be icontiniu blong kondactem ol seremoni.

• Kleimen witnis 5 we hemi Willie Jack hemi confemem se Willie Soka hemi pikinini blong Maripili blong Panita, Tongoa.

• Ordineisen iron from we Tom Roy ino karem fes nem or "Nangisan Natovea" we hemi wan kastomary step we hemi mas mekem.

• From we Tom Roy oli ordeinem hem nomo long shore, we kastom italem solwota, iminim se system ia idisqualifaem hem long ordinesen seremoni long 27 Jun 1992.

120. Long sabmisen blong Difenden, hemi talem se family tri blong hem iditelem gud nem blong ol man we oli bin holem taetol ia mo ifolem blad laen nomo kam kassem Difenden, mo hemia ifolem kastom blong Emae we N’garikitu kaonsel blong ol jifs long Emae iagre long hem folem kastorn blong Emae mo sem taem hemi pat blong loas blong Ripablik blong Vanuatu we Konstitusen Ireconaesem.

121. Difenden italem se long kros examinesen, Kalia hemi neva disputim family tri blong Tom Roy minim se hemi agri long hem se hemi stret blad laen blong Masamorimata. Long kastom blong Emae hemi qualifaem Tom Roy from se hemi blad laen blong Jif folem man.

122. Difenden hemi talem se family tri mo blad laen blong Kalia isoem se ineva gat wan long olgeta ikarem nem ia Masamorimata. Feta hemi tale se Willie Kalo ibon long 1895 mo papa blong hem ided long 1942 we iminim se Willie Kalo igat 47 yias bifo papa blong hem ided. Mo olsem se hemi long taem be hemi argue se from se Willie Kalo itravel tumas long ship tats wae Willie Soka ikarem nem ia Masamorimata, be hemi no tru mo Difenden hemi talem se ino possibol blong wan man iwok 47 yias ol long wan ship. Mo plan ia se Annee imas bonem wan boe blong tekem nem ia ino tru from hu bambae italem be Willie Kalo taem ikam bak, papa blong hem ided finis mo ino gat taem blong toktok wetem hem.

123. Difenden hemi stanap strong se from we Willie Kalo ino pikinini blong Maraesulu, tats wae Maraesulu ino wantem ordeinem hem wetem Masamorimata. Hemi se long kastom, wan bigfala jif olsem Nasuliu hemi no save givim nem blong hem igo long wan difren blad.

124. Difenden isabmit se papa blong Willie Kalo hemi blong Daraliu mo ol witnis toktok tu isapotem stetmen ia. Long witnis toktok blong witnis Philip Fandanu, hemi sapotem mo talem se hem nao Maraesulu ibin ordeinem hem wetem Willie Kalo. Difenden hemi sabmit se evidens ia, Kleimen hemi no chalenjem.

125. Feta long sabmisen, Difenden. istap askem long Kot blong sakem aot olgeta evidence blong Kalia Wilson from olgeta reasons ia:-

• Hemi no gat strong evidens blong sapotem kleim blong hem;

• Toktok blong hem ibeis long asumsen;

• Willie Kalo ibin ordain long Usamoli nomo, be ino Masamorimata.

126. Difenden hemi sabmit se olgeta toktok blong Kleimen hemi ol kiaman toktok nomo mo Kot isud sakem aot.

127. After we Kot iridim of sabmisen, mein issiu iklia long ples ia olsem ia, Hu long tufala disputing patis ia hemi gat raet long nem ia Masamorimata mo feta on hu long tufala ia, Willie Soka or Willie Kalomoana nao hemi stret pikinini blong bigfala Jif ia Maraesulu?

128. From we Kot iluk se igat dispute long tufala man ia Willie Soka mo Willie Kalo se hu long tufala nao istret pikinini blong Maraesulu; Kot imekem findings igo olsem ia:-

(a) Kot ifaenem se tugeta patis iagri Ikong olgeta family trees blong Willie Kalo mo Willie Soka ikam daon kasem tufala.

(b) Kot ifaenem se Kleimen hemi no agri se man Willie Soka hemi pikinini blong Maraesulu.

(c) Tugeta patis iagri se las man we ibin karem taetol ia Masamorimata hemi Maraesulu.

(d) Tufala patis iagri se sekon woman blong Maraesulu hemi (Leiwia) Leiwaua Leinamalingo blong Pele, Tongoa. Tugeta patis iagri se woman ia nao hemi mama blong Willie Kalo.

(e) Kot ifaenem se Willie Kalo hemi no stret pikinini blong Maraesulu folem olgeta points ia:-

(j) Kot ifaenem se man Maraesulu hemi bin mekem wan ordinesen mo ordeinem olgeta man ia:-

- Willie Soka ikam Masamorimata;

- Willie Kalo ikam Usamoli Ni Daraliu;

- Obed ikam Tipoloa.

129. Taem we Maraesulu iordeinem Willie Kalo wetem Usamoli Ni-Daraliu, then istap soem se Willie Kalo hemi blong Daraliu. Wae man Emae igo karem nem blong ol man Tongoa? Kot isatisfae se Willie Kalo hemi no pikinini blong Maraesulu.

130. From we Difenden hemi no agri se man ia Willie Kalo hemi pikinini blong Maraesulu, Kot ifaenem se olgeta evidens we hemi sabmitim ikam blong sapotem toktok ia oli ol seken han evidens. Evidens we hemi kleim se jif taetol ia Robert Matuimatisangavamata italem long ded blong Maraesulu long 1942 se taetol ia Masamorimata bambae Willie Soka iholem blong smol taem nomo ino gat corroboration wetem ol narafala evidens. Feta hemi talem se taem Willie Kalomoana hemi ded long 1995, boe blong Robert Matisangavamata yet hemi talem se Willie Kalomoana hemi onli blad blong Maraesulu. Bageken long ded blong let Naomi Bakeo, jif Amos Titongoa Ni-Liseiriki italem sem toktok bageken mo talem se Kalia Wilson nao hemi Masamorimata. Bageken, evidens ia hemi seken han evidens mo Kot hemi no save rilae long hem from ino gat corroboration long hem wetem ol narafala evidens mo Difenden inogat janis blong testem credibility blong olgeta man we oli talem toktok ia. Bageken from we ol toktok ia nao igivim hae assurens long Kleimen and from we olgeta man we oli talem toktok ia oli no raet man blong givim raet long Kalia, tefo Kot hemi sakem aot evidens ia.

131. Evidens we seken witnis blong Kleimen igivim hemi no coroboratem evidens we Kleimen hemi givim mo hemi no givim tumas helpful informesen long Kot we isave sapotem kleim blong Kleimen.

132. Evidens we Kleimen igivim se hemi wan promes blong Maraesulu blong Annee imas bonem wan boe blong tekem nem ia Masamorimata hemi no wan valuable informesen. Igat contradicsen long way we ol witnis oli kam blong testifae long hem. Kleimen italem se Maraesulu hemi no gat taem blong ordeinem Willie Kalo or Willie Kalo hemi spendem most taem blong hem long ship, later italem se Maraesulu imekem promes ia se Annee imas bonem wan boe blong tekem nem ia hemi gat credibility long hem.

133. Klelmen hemi argue se mama blong Willie Soka, Kalosavi Tongken mo mama blong Tom Roy ino kam long Nasuliu or nakamal blong ol jif, or oli no raet woman long kastom blong bonem jif hemi wan isiu bifo long Kot ia, mo long isiu blong Masamorimata, Kleimen hemi no save usum olsem argument blong discreditim Tom Roy from se principle blong kastom ia
hemi contradictim Constitution. Fasin we man ifosem woman blong maret igo long narafala ples hemi go agensem principle blong morality thereof evidens ia ino valuable so Kot hemi rejectem.

134. Narafala argument blong hem se Tom Roy hemi tekem nem blong ol uncle or fes nem (Nakisenatovea) bifo hemi tekem nem ia Masamorimata, Kot hemi tritim olsem criteria we sapos ino happen, hemi no save dinaem/defitem raet blong Tom Roy sapos hemi stret blad laen blong jif.

135. Kot ifaenem se toktok we Kalia italem se Willie Soka hemi pikinini biong rod ino gat evidens blong sapotem. olgeta witnis oli no givim tumas credit long isiu ia mo olgeta evidens we oli givim ino corroboratem olgeta.

136. Kot ifaenem se toktok we Kalia Wilson italem se papa blong Tom Roy hemi blong Tanna ino true. Hemia from ino gat evidens we isapotem, mo iven Tom Roy wetem olgeta witnis oli dinaem hemia. Kalia mo ol witnis blong hem oli no iven save nem blong man Tanna ia mo village blong hem. Kot isakem aot toktok ia from inogat evidens we isapotem.

137. Kot ifaenem se tu (2) generesen blong Kalia ineva karem nem ia Masamorimata, mo iven kam kasem Kalia tudei, ino gat wan long olgeta itekem nem ia Masamorimata.

138. Kot ifaenem se Kleimen hemi bin acceptem wan ordineisen we Tom Roy ibin mekem mo ordeinem hem (Kalia) wetem taetol ia Namuri, mo hemi no dispiutum evidens ia. Hemi soem se hemi agri wetem Tom Roy taem hemi stap disposem diuti blong Masamorimata.

139. Kalia hemi sud dispiutum taetol we papa blong hem ikarem or sapos no hemi save dispiutum nem ia Usamoli we apu blong hem Willie Kalo ibin holem, be hemi no sud dispiutum Masamorimata from igat bigfala gap bitwin Maraesulu Masamorimata mo hem.

140. Kot ifaenem se Tom Roy hemi stret blad blong Masamorimata mo stret blad blong Maraesulu folem olgeta points ia:-

(a) Kot ifaenem se Maraesulu ibin mekem mo ordeinim Willie Soka ikam Masamorimata mo fasin we Maraesulu irdeinem Willie Soka ikam Masamorimata hemi defitim allegesen se Willie Soka hemi pikinini blong rod. And from fasin ia Willie Soka hemi pikinini blong Maraesulu.

(b) Kot ifaenem se Willie Soka ipasem nem ia Masamorimata igo long pikinini blong hem Kalosavi Tongken. From we nem ia ipassed on nomo folem blad laen blong Tom Roy hemi step soem se olgeta istret blad laen blong Maraesulu.

(c) Kot ifaenem se taem Kalosavi Tongken ided, boe blong hem Tom Roy, Difenden hemi sacsidim papa blong hem blong kam nekis Masamorimata afta long ceremony we hemi stanap long mat.

(d) Kot ifaenem tu se Tom Roy hemi bin mekem kastom seremoni long tu occasions olsem saen blong kastom blong kam jif. Tufala occasions ia ihapen long Tongoa mo Emae long manis blong June long 1996.

(e) Kot ifaenem se fasion blong kastom we Tom Roy iordein long hem ifolem kastom blong Sheperds mo ifolem ol kastom principles blong inheritim taetol.

(f) Kot hemi faenem se long kastom seremonis we Tom Roy ibin mekem, hemi bin ordeinem Kalia Wilson long nem ia Namuri, mo Kalia ineva dispiutum hemia mo istap soem se hemi agri long Tom Roy blong kam Masamorimata.

(g) Weta mama blong Willie Soka or Willie Kalo ikam long stret nakamal blong bonem jif hemi no wan issiu bifo tis Kot be handing ova long nem ia folem generesen blong Tom Roy ifolem ol kastom principles mo ino gat dispiut long hem.

(h) Kot ifaenem se tufala man ia Willie Kalo mo Willie Soka ineva dispuitum taetol ia, iven papa blong Tom Roy mo Willie Kalo ineva rao from taetol ia. Kot ifaenem tu se long ol seremonis blong ordinesen blong Tom Roy, Kalia ineva dispiutum mo olgeta ibin live tugeta long Tebakoro village kasem taem we dispiut istat mo Tom Roy isendem Kalia igo long Marae village.

141. Afta we Kot imekem olgeta findings blong hem, Kot hemi mekem olgeta Declaresens ia: -

(a) Kaloripu Thomson Roy Kalosavi hemi raetful man blong karem kastom jifly taetol ia Masamorimata folem blad laen.

(b) Olgeta kastom seremonis we Thomson Roy imekem olsem pat blong ordinesen blong em ia Masamorimata ifolem ol kastom principles blong Sheperds mo hemi customarily recognized.

(c) Mo Kaloripu Thomson Roy istil holem kastom jifly taetol ia Masamorimata folem kastom.

142. Afta long decleresen ia Kot hemi mekem olgeta Odas ia: -

ODAS

(a) Kalia Wilson hemi no gat raet blong usum nem ia Masamorimata.

(b) Kalia Wilson imas mekem wan kastom reconsillation seremoni blong talem sorry long Kaloripu Thomson Roy Kalosavi within 3 manis from tudei.

(c) Ino gat eni oda blong costs.

(d) Anda long Section 22 blong Aelan Kots Act [CAP. 167], tugeta patis igat 30 days blong apil. Period blong apil istat long taem we tufala patis iresivim riten jajmen ia.

Dated long Tongomea village, Emae long namba 9 day blong June 2006.

Justice Roy Harry
Justice Kalfau Pakoa
Justice David Timataso.