In re Nompunlou Land [2003] VUIC 6; [2003] VUICB 4; Land Case 05 of 2000 (27 October 2003)

In the Tafea Island Court
Held at Isangel, Tanna
(Land Jurisdiction)

Land Case No. 5 of 2000

FAMILY WOLU
Claimant

Land: NOMPUNLOU

Presiding Magistrate: Hellen R. ARU
Justices: - Charlie Tukama
Eli Kuras
Moses Nimaian

Clerk: Jona Mesau

JUDGMENT

Case blong graon NOMPUNLOU i register long Island Court long namba 4 November 1999. Court i setem date blong harem case ia long namba 16 September 2003, blong mekem declaration from kastom onasip blong graon ia, olsem wan graon we ino kat dispute long hem or wan graon we ino kat nara claimant bekeken I wantem claim from.

From we publicity blong graon ia ino folem Order 6 r.8 long Island Court Act Cap.167, Court i referem case ia igo back long Island Court blong mekem sua se process blong case ia i folem procedure we istap insaed long Island Court Act.

Island Court I mekem publicity bakaken, hemia wetem service message we igo long radio mo wan public notice we Clerk blong Island Court igo putum long graon ia long namba 18 September 2003. Through long notice ia public i save se Court bae i sitaon blong harem case blong graon ia long 27 October 2003.

Long date blong hearing ia, Court i findem aot se case blong graon ia hemi still undisputed, or ino kat nara man bakeken i mekem counter-claim from or i disputim claim blong graon we claimant i putum from kastom onasip blong NOMPUNLOU.

Court hemi proceed folem Order 6 r. 11 long Island Court Act Cap. 167, blong enterem judgment long case ia. Hemia nao history blong graon we claimant i kivim long Court:-

Claimant i wantem Court i lukluk long wan decision blong Simanlou council of jif blong Erromango we oli mekem long namba 2 May 1986. Decision blong ol jif i soem se claimant ia nao hemi kastom ona blong graon NOMPUNLOU.

Claimant i continue blong talem se graon ia hemi blong wan bigfala jif nem blong hem Natmonuk Nompurom Urait. Ol tribes or descendent blong jif Urait ikam kasem claimant ia we oli Family Wolu. Hem nao i mekem se claimant ia i claim graon ia from hemi graon blong descendent blong hem jif Urait.

Claimant ikat tu (2) witness. Tufala witness tugeta ino talem fulap toktok be tufala i talem nomo se tufala i save se graon ia i blong claimant from ol boundry blong graon ia oli go mit wetem boundry blong tufala.

DECISION

Folem ol toktok blong claimant mo tufala witness blong hem, Court i DECLARE mo mekem ORDER se:-

FAMILY WOLU nao hemi kastom ona blong graon ia "NOMPUNLOU" we istap long area blong Dillons-Bay long Erromango.

Dated at Isangel, the 27^th day of October 2003.

Presiding Magistrate

Justice
Justice
Justice